ચૂંટણી પંચે ઉત્તરપ્રદેશની 10 અને ઉત્તરાખંડની એક રાજ્યસભા બેઠક માટે ચૂંટણી કાર્યક્રમ જાહેર કર્યો છે. 16 ઓક્ટોબરે મતદાન થશે અને તે જ દિવસે પરિણામ જાહેર થશે. યુપીમાં 10 બેઠકોના વર્તમાન સભ્યોનો કાર્યકાળ રપ નવેમ્બરે પૂર્ણ થાય છે.
આ તમામ 11 બેઠકો માટે 10 ઓક્ટોબરના મતદાન યોજાશે અને તે જ દિવસે સાંજે પરિણામો પણ જાહેર કરવામાં આવશે. ઉત્તરપ્રદેશની 10 રાજ્યસભા સીટોના વર્તમાન સભ્યોનો કાર્યકાળ 25 નવેમ્બરે પૂર્ણ થઈ રહ્યો છે, જેને પગલે આ ચૂંટણી યોજાઈ રહી છે.
યુપીની 10 રાજ્યસભા બેઠકોમાંથી હાલ 8 બેઠકો ભારતીય જનતા પાર્ટી પાસે છે, જ્યારે 1-1 બેઠક સમાજવાદી પાર્ટી અને બસપા પાસે છે. ભાજપના જે રાજ્યસભા સભ્યોનો કાર્યકાળ પૂર્ણ થઈ રહ્યો છે તેમાં કેન્દ્રીય મંત્રી હરદીપસિંહ પુરી, પૂર્વ ડીજીપી બ્રજલાલ, સીમા દ્વિવેદી, મીરજ શેખર, ગીતા શાક્યા, અરૂણસિંહ અને બી.અલ. વર્માનો સમાવેશ થાય છે.
આ ઉપરાંત ડો. દિનેશ શર્માએ અંદમાન અને નિકોબારના એલજી બન્યા પછી રાજીનામું આપતા તે બેઠક પણ ખાલી પડી છે. સમાજવાદી પાર્ટીના મુખ્ય રાષ્ટ્રીય મહાસચિવ રામગોપાલ યાદવ અને બસપાના રામજી ગૌતમનો કાર્યકાળ પણ પૂર્ણ થઈ રહ્યો છે. ઉત્તરપ્રદેશ વિધાનસભાની કુલ 403 બેઠકોમાંથી હાલમાં 6 ધારાસભ્યોના નિધન પછી 397 ધારાસભ્યો મતદાન કરશે. રાજ્યસભાની એક સીટ જીતવા માટે ઉમેદવારને આશરે 37 પ્રથમ પસંદગીના મતોની જરૂર પડશે. બસપાનો યુપી વિધાનસભમાં એક પણ ધારાસભ્ય ન હોવાથી, વર્તમાન સાંસદનો કાર્યકાળ પૂર થતા જ રાજ્યસભામાં પણ બસપાનું પ્રતિનિધિત્વ શૂન્ય થઈ જશે.
સમાજવાદી પાર્ટી પાસે 101 ધારાસભ્યોનું બળ હોવાથી તે ર રાજ્યસભા બેઠકો સરળતાથી જીતી શકે તેમ છે, અને તેની પાસે વધારાના મતો પણ બચશે. બીજી તરફ ભાજપ પાસે પોતાના 356 અને સહયોગી પક્ષોના 33 મળીને કુલ 289 ધારાસભ્યોનું સંખ્યાબળ છે. આ ગણિત અનુસાર ભાજપ સરળતાથી 7 બેઠકો જીતી શકે તેવી મજબૂત સ્થિતિમાં છે.