કુતરાને બચાવવા JCBથી નદીમાં કૂદી પડ્યો હોમગાર્ડ, વીડિયો વાયરલ

તેલંગાણાના નગરકુરનૂલ પોલીસ સ્ટેશનના એક હોમગાર્ડે કૂતરાનો જીવ બચાવવા પોતાનો જીવ જોખમમાં મૂક્યો હતો. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.

સમાચાર એજન્સી એએનઆઈ દ્વારા પોસ્ટ કરાયેલા આ વીડિયોમાં તે જોવામાં આવ્યું છે કે પાણીના જોરદાર પ્રવાહમાં એક કૂતરો લપસી ગયો હતો. તે ઝાડીમાં ફસાઈ ગયો અને તડફડી રહ્યો હતો.

ચારે બાજુ પાણીનો જોરદાર પ્રવાહ વહી રહ્યો હતો. તે દરમિયાન હોમગાર્ડ મુજીબે જેસીબીને ફોન કર્યો અને તેમાં બેસીને પાણીના ઝડપી પ્રવાહમાં કૂતરાને બચાવવા પહોંચી ગયો. ઝાડીમાં ફસાયેલા કૂતરાને દૂર કરી તેનો જીવ બચાવ્યો હતો.

વીડિયોમાં બતાવવામાં આવ્યું છે કે, કૂતરો કેવી રીતે ઝડપથી વહેતી નદીની વચ્ચે ફસાયો છે અને તેને બચાવવા હોમગાર્ડ જવાન જેસીબીથી નદીમાં ઉતરી રહ્યો છે. સોશિયલ મીડિયા પર આ વીડિયો આવ્યા બાદ લોકો હોમગાર્ડ જવાનના વખાણ કરી રહ્યા છે.