ભારત-ચીન વચ્ચે એલએસી પર ક્લેશ વધતો જઈ રહ્યો છે. ગત સોમવારે એક ચીની સૈનિક એલએસી પર ભટકતો હતો, જેને ભારતીય સેનાએ ઝબ્બે કર્યો હતો. પૂર્વ લદ્દાખના ચૂમર-ડેમચોક વિસ્તારમાં પીએલએ સૈનિકની ધરપકડ કરવામાં આવી હતી. લદ્દાખ વિસ્તારમાં મંગળવારે રાત્રે ચીની સૈનિકનેભારતે પરત કર્યો હતો. મંગળવારે મોડી રાત્રે ચુશુલ મોલ્ડો મીટિંગ પોઇન્ટ પર ચીનને સોંપવામાં આવ્યો હતો. ચીનના સૈનિકનું નામ વાંગ યા લોંગ હતું.
વાંગ યા લોંગને 19 ઓક્ટોબરના રોજ પૂર્વી લદ્દાખના ડેમચોક વિસ્તારમાંથી પકડવામાં આવ્યો હતો. વાંગ એક્ચ્યુઅલ કંટ્રોલ (એલએસી)ની લાઇન પાર ભટકાયો અને ભારતીય સીમામાં પ્રવેશ કર્યો હતો. આ સમય દરમિયાન, ભારતીય સેનાએ ચીની સૈનિકને ઠંડા વાતાવરણથી બચાવવા માટે તબીબી સહાયની સાથે ખોરાક, પીવા અને ગરમ કપડાં આપ્યા હતા.
જૂનમાં, લદ્દાખની ગલવાન ઘાટીમાં બંને સૈન્ય વચ્ચે હિંસક અથડામણ થઈ હતી, જેમાં 20 ભારતીય સૈનિકોએ જીવ ગુમાવ્યો હતો. હિંસક અથડામણમાં ડઝનેક ચીની સૈનિકો પણ માર્યા ગયા હતા. તે જ સમયે, પેંગોંગ ત્સોમાં બંને પક્ષો વચ્ચે એકથી વધુ વખત એર શોટ ફાયર કરવાની ઘટનાઓ પણ બની છે. આ સમય દરમિયાન ભારત અને ચીન વચ્ચે ઘણી કમાન્ડર કક્ષાની વાટાઘાટો પણ થઈ છે, જે લગભગ દરેક વખતે નિષ્ફળ ગઈ છે.