Remove China Appsને પ્લે સ્ટોર પરથી હટાવ્યા બાદ ગુસ્સે ભરાયા ભારતીય યુઝર્સ

નવી દિલ્હી : ભારતમાં ખુબ જ લોકપ્રિય થયેલી એપ્લિકેશન Remove China Apps (રિમૂવ ચાઈના એપ) નામની એપ્લિકેશનને પ્લે સ્ટોર પરથી હટાવી દેવામાં આવી છે. આ એપ્લિકેશન ફોનમાં હાજર ચાઇનીઝ એપ્લિકેશન્સને સ્કેન કરીને અને તેમને ફોનથી અનઇન્સ્ટોલ કરવાનું કાર્ય કરે છે. ગૂગલે આ એપને પ્લે સ્ટોર પરથી હટાવ્યા બાદ ભારતીય વપરાશકર્તાઓએ ટ્વિટર દ્વારા પોતાનો ગુસ્સો વ્યક્ત કર્યો છે. ટ્વિટર પર, વપરાશકર્તાઓએ ગૂગલના નિર્ણયને ખોટો ગણાવીને એપ્લિકેશનને પરત લાવવાની માંગ કરી છે.

આપને જણાવી દઈએ કે Remove China Apps નામની આ એપ્લિકેશન જયપુરની કંપની વન ટચ એપલેબ્સ દ્વારા બનાવવામાં આવી છે અને તે થોડા દિવસો પહેલા જ પ્લે સ્ટોર પર લાવવામાં આવી હતી. ટૂંક સમયમાં આ એપ્લિકેશનને 50 લાખથી વધુ ડાઉનલોડ્સ મળ્યા છે. આ એપને લોકપ્રિય થવાનું કારણ ભારત અને ચીન વચ્ચે ચાલી રહેલા સંઘર્ષ છે..

ભારતીય વપરાશકર્તાઓએ ટ્વિટર દ્વારા ગુસ્સો વ્યક્ત કર્યો

પ્લે એપ પરથી આ એપને હટાવ્યા પછી, વપરાશકર્તાઓએ ગૂગલ પર જ પ્રશ્નો ઉભા કર્યા છે. ઘણા વપરાશકર્તાઓએ ગૂગલ પર પણ ચીનનું સમર્થન કરવાનો આરોપ લગાવ્યો છે.