કોરોના વાયરસને કારણે હાલ વિશ્વભરમાં લોકો અમથા અમથા પણ ડરી રહ્યા છે ત્યારે જ્યાંથી એ વાયરસ ઉત્તપન્ન થયો છે તે ચીનમાં તેને લઇને ડર વધુ હોય તેમાં કોઇ નવાઇની વાત નથી. ચીનના લોકોમાં આ વાયરસનો એટલો બધો ભય છે કે સલૂનમાં હેર ડ્રેસર ગ્રાહકોના વાળ 4 ફૂટ દૂર રહીને કાપી રહ્યા છે. સોશિયલ મીડિયા પર વાયરલ થઈ રહેલા આ વિડીયોમાં જોઈ શકાય છે કે આ માટે કેવા પ્રકારની ટેકનિકનો ઉપયોગ થઈ રહ્યો છે.
Chinese hairdresser.
In an epidemic, wash your hands and head more often.#Coronavirus #COVID19 #COVID2019 #CoronaOutbreak #ChinaCoronaVirus #كورونا #China #CoronaOutbreak pic.twitter.com/PVBzlt8E1S
— Farhang F. Namdar (@FarhangNamdar) March 1, 2020
આ વિડીયો ચીનના હેનાન પ્રાંતના એક સલૂનનો છે જ્યાં કોરોનાના ડરથી હેર ડ્રેસર લગભગ 3થી 4 ફૂટ દૂરથી જ લોકોના વાળ કાપી રહ્યા છે. વિડીયોમાં જોઈ શકાય છે કે લાંબા ડંડામાં કાતર બાંધીને હેર કટિંગ કરાઈ રહ્યું છે. સાથે જ હેર બ્રેશ માટે 4 ફૂટ લાંબા ડંડાનો ઉપયોગ કરાઈ રહ્યો છે.
ચીનમાં ફેલાયેલા કોરોના વાયરસના કારણે ત્યાં અત્યાર સુધીમાં 3000થી વધારે લોકોના મોત થઈ ચૂક્યા છે અને 80 હજારથી વધારે લોકોમાં આ વાયરસ ફેલાઈ ચૂક્યો છે. ડબલ્યુએચઓએ આ વાયરસના ચેપથી બચવા માટે લોકોને એકબીજાથી અંતર બનાવી રાખવાની ગાઈડલાઈન જાહેર કરી છે. સ્વાસ્થ્ય વિભાગનું કહેવું છે કે લોકોના નાક કે મોઢા સ્પર્શ ન કરવો અને જો આવું થાય તો સેનેટાઈઝરનો ઉપયોગ કરો. ભીડવાળા વિસ્તારોથી દૂર રહો. આ કારણે જ ત્યાં વાણંદ આવી રીતે અપનાવી રહ્યા છે.
વુહાનમાં રોગીઓની સારવાર કરી રહેલા ચીનના ડોક્ટર્સે બુધવારે ભારતના ડોક્ટર્સને આ રોગને અટકાવવા માટે યોજનાઓ તૈયાર કરવા, પોતાના ચિકિત્સાકર્મીઓને ટ્રેનિંગ આપવા અને લોકોને માસ્ક લગાવવા તથા હાથ ધોવા વિશે જાગૃત કરવાની સલાહ આપી હતી.
અમેરિકન મરિન સૈનિકો અહીં આ તાલીમ ખાસ લે છે અને તેના ભાગરૂપે તેઓ જંગલમાં અત્યંત ઝેરી અને ડંખીલા જીવ જંતુઓને મારીને, તેમનું ભક્ષણ કરીને પણ કઇ રીતે જીવતા રહી શકાય તે શીખવવામાં આવે છે. અમેરિકન મરિન ફોર્સના સૈનિકો તેમાં ઝેરી કરોળિયા અને વીંછી જેવા જંતુઓ ખાય છે અને કોબ્રાનું લોહી પીએ છે. કોબ્રાનું લોહી પીતા પહેલા તેનું માથું કાપી નાખવાની તાલીમ તેમને આપવામાં આવે છે.
આ ઘટના મ્યાનમારના ડાલા પોર્ટની છે. અહીં 34 વર્ષીય મબિલા કિન ચાન મ્યા શિપમાંથી નીચે પાણીમાં પડી ગઈ. મહિલા પડી એ દિશામાં ઝડપથી બીજી શિપ આવી રહી હતી. ત્યારે એકપણ મિનિટ વેડફ્યા વિના શિપના 60 વર્ષીય કેપ્ટન યૂ માએંટે 40 ફુટ ઊંચેથી પાણીમાં છલાંગ લગાવી અને મહિલાનો જીવ બચાવ્યો હતો. મહત્વની વાત એ હતી કે આ દરમિયાન બંદરે ઊભેલા અન્ય બે યુવાનોએ પણ મહિલાનો જીવ બચાવવા માટે પાણીમાં ભૂસકો માર્યો હતો.
બેલ્જિયમના પેઇરી ડેઇઝા ઝૂમાં ૨૦૧૭ના વર્ષમાં જર્મનીથી આ ઉરાંગઉટાંગ કુટુંબને લાવવામાં આવ્યું હતું. જેમાં સારી નામની માદા, ઉજિઆન નામનો નર અને તેમનું બેરાની નામનું ત્રણ વર્ષનું બચ્ચું છે. હાલમાં આ બેરાની તેની માતા સારી સાથે તોફાન મસ્તી કરતા દેખાયું હતું અને ધિંગામસ્તી કરતા કરતા અચાનક તે માણસના બચ્ચાઓની જેમ જ રિસાઇ પણ ગયું હતું.
તેની મા તેને ફોટોમાં દેખાય છે તે રીતે ખેંચી લાવી હતી. જો કે તેના માતા પિતા તેને મનાવવામાં સફળ રહ્યા હતા અને થોડી જ વારમાં આ બચ્ચુ રાજી થઇ ગયું હોય તેમ પોતાના માતા પિતા પાસે દોડી ગયું હતું અને પોતાની માને વહાલભર્યું ચુંબન પણ કર્યું હતું. આના પછી ફરીથી તે તોફાન કરવા લાગ્યું હતું અને એક પીળા બ્લેન્કેટની નીચે ભરાઇ ગયું હતું અને પછી ત્યાંથી નીકળીને ખૂબ તરસ્યું થયું હોય તેમ પાણીના ઘૂંટડાઓ ભરવા લાગ્યું હતું.
રેસ્ટોરાં ઓન વ્હીલ્સને મેમુ ટ્રેનના બે જૂના કોચમાં સુધારો કરીને બનાવવામાં આવ્યું છે, એમ ઈસ્ટર્ન રેલવેના એક અધિકારીએ કહ્યું હતું. આ રેસ્ટોરાંથી આવતા પાંચ વર્ષમાં બિન-ટિકિટ આવક હેઠળ રૂ. 50 લાખની કમાણી કરવાનું લક્ષ્ય છે. એક કોચમાં ચા અને નાસ્તો મળશે જ્યારે બીજામાં 42 લોકોના બેસવાની ક્ષમતા છે જ્યાં સવારનો નાસ્તો, લંચ અને ડિનર મળશે.
આ રેસ્ટોરાંનું ઉદઘાટન કેન્દ્રીય પ્રધાન બાબુલ સુપ્રિયોએ કર્યું હતું. આરામ કરવા માટે બે નવા એ.સી. રૂમ અને ઈલેક્ટ્રોનિક રીતે રિઝર્વેશન ચાર્ટ દર્શાવતી પદ્ઘતિ અને બેટરીથી ચાલિત કારનું પણ ઉદઘાટન 
બાબુલ સુપ્રિયોએ કર્યું હતું. એક સમયમાં આ રેસ્ટોરાંમાં 40 લોકો બેસી શકે છે અને નાશ્તો અને ભોજન લઈ શકે છે કર્મચારીઓની સુવિધા માટે આ કૉચોમાં સુધારો કરી તેનું સૌંદર્યીકરણ કરાયું હતું.