કોંગ્રેસના ઢંઢેરામાં ખેડૂતોને MSPની ગેરંટી અને 450 રૃપિયામાં ગેસ સિલિન્ડર મળશે

લોકસભા ચૂંટણી માટે ચૂંટપી પંચ દ્વારા ટૂંક સમયમાં તારીખો ક્ષણ જાહેર કરવામાં આવી શકે છે. આ વખતે પાર્ટીના ઢંઢેરામાં યુવાનો, મહિલાઓ, ખેડૂતો, પછાત લોકો અને ગરીબો પર ધ્યાન કેન્દ્રિત કરવામાં આવશે. ઉપરાંત એઆઈ દ્વારા મોટાપાયે પ્રચારની વ્યૂહરચના બનાવવામાં આવી રહી હોવાનું સૂત્રો જણાવે છે.

કોંગ્રેસનો ઢંઢેરો યુવા કેન્દ્રિત હશે. આમાં બેરોજગારી ભથ્થા જેવી યોજનાઓ હેઠળ સીધા ખાતામાં સારા પૈસા આપવાનું વચન આપી શકાય છે. કોંગ્રેસ આને ગેમચેન્જર તરીકે લાવવા જઈ રહી છે. જાહેરાનામામાં એજ્યુકેશન લોન પરના વ્યાજ દરમાં રાહત આપવામાં આવી શકે છે. આ સાથે કેન્દ્રની લાખો ખાલી જગ્યાઓ ભરવાનું વચન પણ સામેલ કરવામાં આવ્યું છે. મળતી માહિતી મુજબ પાર્ટી મેનિફેસ્ટોમાં મોટી સંખ્યામાં નોકરીઓ આપવાનું વચન આપી શકે છે. અગ્નિવીર યોજના બંધ કરવાનું અને જુની ભરતી યોજનાને ફરીથી શરૃ કરવાનું વચન પણ સામેલ થઈ શકે છે. કોંગ્રેસ પેપર લીકને રોકવા માટે કડક સજાની વાત કરી શકે છે અને વિશ્વમાં ગણાતી ટેકનિક અને વ્યુહરચનાનો ઉપયોગ કરી શકે છે. સત્તાની મજબૂતી સાથે મહિલા સશક્તિકરણ માટે મોટા વચનો આપવાની તૈયારી છે. તેથી પાર્ટી ગૃહ લક્ષ્મી જેવી યોજના કરતા સીધા મહિલાઓના ખાતામાં વધુ પૈસા નાખવાનું વચન આપી શકે છે.

ઉદાહરણ તરીકે કોંગ્રેસની સુખુ સરકારે હિમાચલમાં મહિલાઓને લઈને તેની પાંચમી ગેરંટી જાહેર કરી છે. આ અંતર્ગત હિમાચલ પ્રદેશમાં ૧૮ વર્ષથી વધુ ઉંમરની તમામ મહિલાઓને ૧પ૦૦ રૃપિયાની માસિક આર્થિક સહાય આપવાની જાહેરાત કરવામાં આવી છે. કોંગ્રેસ આનાથી પણ મોટી જાહેરાત કરી શકે છે. તે ઉપરાંત ૪પ૦ રૃપિયામાં ગેસ સિલિન્ડર આપવાના વાયદાની સાથે જ બસની મુસાફરી પર ડિસ્કાઉન્ટની જાહેરાત પણ મેનિફેસ્ટોમાં થઈ શકે છે.

સીધી લોન માફીને બદલે ખેડૂતો માટે એમએસપીની ગેરંટી આપવાનું વચન અથવા ખેડૂતોના સાધનો પરથી જીએસટી દૂર કરવા અથવા ઘટાડવાનું વચન હોઈ શકે છે. મતદારોને આકર્ષવા માટે પાર્ટી મોંઘવારીથી છૂટકારો મેળવવા માટે લેવામાં આવેલા પગલાંના ભાગરૃપે પેટ્રોલ અને ડીઝલના ભાવ ઘટાડવાનું વચન આપી શકે છે. આ સાથે જાતિની વસતિ ગણતરી અને તેની સંખ્યાના આધારે અનામતનું વચન પણ ચૂંટણી ઢંઢેરામાં આપી શકાય છે. પૂરતુ બજેટ આપીને મનરેગાને યોગ્ય રીતે ફરીથી અમલમાં મૂકવાની સાથે રેલવે ભાડામાં ઘટાડો, ંગતિશીલ ભાડા જેવી યોજનાઓ બંધ કરવી અને રેલવેનું ખાનગીકરણ ન થવા દેવા જેવા વચનો આપી શકાય છે.

એક કે બે ઉદ્યોગપતિઓને મદદ કરવાને બદલે કોંગ્રેસ તેના ઢંઢેરામાં નિયમો હેઠળ તમામને સમાન તક પૂરી પાડવાનું વચન આપી શકે છે. એટલે કે કોની મૂડીવાદનો અંત લાવવા. આ સિવાય નાના ઉદ્યોગોને પ્રોત્સાહન આપવા માટે તેમની લોન અમુક હદ સુધી માફ કરવા અને તેમને સસ્તા દરે લોન આપવાનું વચન આપી શકાય છે. સૂત્રોના જણાવ્યા અનુસાર આજે સાંજે સાડાચાર વાગ્યે તમામ સભ્યો ફરી બેઠક કરશે અને ઢંઢેરાના ડ્રાફ્ટને અંતિમ સ્વરૃપ આપશે. જે પછી ડ્રાફ્ટ કોંગ્રેસ અધ્યક્ષ મલ્લિકાર્જુન ખડગેને સોંપવામાં આવશે. આ વખતે કોંગ્રેસ પોતાનો ચૂંટણી ઢંઢેરો જલદી લાવવાનું વિચારી રહી છે.

આ ઉપરાંત પાર્ટી પોતાના મેનિફેસ્ટોમાં રાજ્યો સાથે જોડાયેલા મોટા મુદ્દાઓને પણ સામેલ કરશે. મેનિફેસ્ટો હિન્દી, અંગ્રેજી તેમજ પ્રાદેશિક ભાષાઓમાં બહાર પાડવામાં આવશે અને ડિજિટલી ઉપલબ્ધ હશે. સૌથી મહત્ત્વની વાત એ છે કે સોશિયલ મીડિયા ઉપરાંત મેનિફેસ્ટો અને પાર્ટીના પ્રચાર માટેની પરંપરાગત્ પદ્ધતિઓની સાથે એઆઈ ટેકનોલોજીના મોટા પાયે ઉપયોગ માટેની વ્યુહરચના પણ નક્કી કરવામાં આવી રહી છે.