દિલ્હીની રોહિણી કોર્ટમાં ધોળે દિવસે ફાયરીંગ, કુખ્યાત ગેંગસ્ટર ગોગીને ઠાર કરાયો, જૂઓ વીડિયો

રાજધાની દિલ્હીની હાઈ સિક્યોરીટીવાળી રોહિણી કોર્ટમાં ધોળે દિવસે ગોળીબારની ઘટના બની છે. આ ગોળીબારમાં કુખ્યાત બદમાશ ગોગી માર્યો ગયો છે. પોલીસે બદમાશોના ફાયરિંગનો પણ વળતો જવાબ આપ્યો અને બંનેને ઠાર કર્યા હતા.

રોહિણી કોર્ટમાં બે સશસ્ત્ર ગેંગસ્ટર વકીલોના વેશમાં આવ્યા હતા અને તેના કારણે તેમની ઓળખ થઈ શકી નથી. કહેવામાં આવી રહ્યું છે કે આ લોકો કુખ્યાત બદમાશ ગોગીને મારવા આવ્યા હતા. પોલીસ સૂત્રોના જણાવ્યા અનુસાર, ગોગી પર વકીલનો પોશાક પહેરેલા ટીલ્લુ તાજપુરીયા ગેંગે હુમલો કર્યો હતો. આ ઘટનાએ કોર્ટની સુરક્ષા તપાસની પ્રક્રિયા સામે પ્રશ્નો ઉભા કર્યા છે. કોર્ટ પરિસરની અંદર આવી ઘટનાએ એક ભયાનક દ્રશ્ય રજૂ કર્યું હતું.

દિલ્હી પોલીસ ગેંગસ્ટર જીતેન્દ્ર માન ‘ગોગી’ સંબંધિત કેસની સુનાવણી માટે રોહિણી કોર્ટમાં આવ્યો હતો. આ દરમિયાન વકીલના ડ્રેસમાં આવેલા બે શૂટરોએ ફાયરિંગ કર્યું હતું. જવાબી કાર્યવાહીમાં પોલીસે બંને ગેંસ્ટરને ઠાર કર્યા હતા. ગોગીને તાત્કાલિક હોસ્પિટલમાં લઈ જવામાં આવ્યો હતો, જ્યાં તેનું મોત નીપજ્યું હતું.