લદ્દાખ બોર્ડર પર તણાવ યથાવત, આ તારીખે થયેલી અથડામણમાં પણ થયું હતું ફાયરિંગ

લદાખ સરહદ પર ભારત અને ચીન વચ્ચેનો તણાવ સંપૂર્ણ રીતે ઓછો થયો નથી. ચીન સરહદ પર હંગામો કરી રહ્યું છે અને ભારત તેની નજર રાખી રહ્યું છે. પેંગોંગ બેંકમાં જ્યારે ભારતીય સેનાએ દક્ષિણ બેંક વિસ્તારમાં પોતાની હાજરીમાં વધારો કર્યો ત્યારે ચીને ઉત્તર બેંક પર હલચલ વધુ તીવ્ર બનાવી. પરંતુ તે કોઈપણ પ્રકારની યુક્તિ કરવામાં સફળ થઈ શક્યું નહીં.

સૈન્ય અધિકારીઓના જણાવ્યા અનુસાર, 7-8 સપ્ટેમ્બરની વચ્ચે, ભારતીય સેનાએ હવે તેની ઉપસ્થિતિ સાઉથ બેંકથી ઉત્તર બેંક સુધી વધારી દીધી છે. ચીનની પીપલ્સ લિબરેશન આર્મી (પીએલએ) એ ઘણા વિસ્તારોમાં ભારતીય પોઝિશનમાં ઘૂસણખોરીનો પ્રયાસ કર્યો. આ દરમિયાન, તેને રોકવાનો પ્રયાસ કરવામાં આવ્યો, આ દરમિયાન કેટલાક વોર્નિંગ શોટની પણ કેટલીક ઘટના સામે આવી હતી.

સૂત્રોના જણાવ્યા મુજબ, 29 અને 31 ઓગસ્ટની વચ્ચે ઘર્ષણ અને ઘુસણખોરીના પ્રયાસો થયા હતા, ત્યારે પણ પેંગોંગ તળાવના દક્ષિણ છેડે ફાયરિંગ થયું હતું. ત્યારબાદ ભારતીય સેનાએ ચીનને ઘુસણખોરી કરતા અટકાવ્યું. તે પછી પણ ત્યાં ફક્ત ચેતવણીના શોટ હતા. આ સમય દરમિયાન, લાઇટ મશીનગન અને એસોલ્ટ રાઇફલ્સનો ઉપયોગ કરવામાં આવ્યો હતો. આ પછી પણ બોર્ડર પર ચેતવણી આપવાની કેટલીક ઘટનાઓ બની હતી.

તમને જણાવી દઈએ કે મે મહિનાથી તણાવની સ્થિતિ યથાવત્ છે. પરંતુ ઓગસ્ટના છેલ્લા અઠવાડિયામાં ફાયરિંગની ઘટનાએ વાતાવરણ બગાડ્યું હતું. મંગળવારે રાજનાથસિંહે લોકસભામાં આ સમગ્ર મુદ્દે નિવેદન આપ્યું હતું, જેમાં તેમણે કહ્યું હતું કે, ચીને કરારના ભંગમાં સરહદ પર સૈનિકોની સંખ્યામાં વધારો કર્યો છે.