લોકડાઉન દરમિયાન અમદાવાદમાં શાકભાજીની લારીઓ ઉંધી વાળી દેનાર પીઆઈ સસ્પેન્ડ

અમદાવાદમાં ફરજ બજાવતા પોલીસ ઈન્સપેક્ટરને સસ્પેન્ડ કરવાનો હુકમ ડીજીપી શિવાનંદ ઝા દ્વારા કરવામાં આવ્યો છે. પીઆઈ દ્વારા શાકભાજી અને ફળ-ફ્રુટની લારીઓ ઉંધી વાળવાનો વીડિયો સોશિયલ મીડિયામાં વાયરલ થયો હતો.

કૃષ્ણનગરના પીઆઈ વી.આર.ચૌધરીને સસ્પેન્ડ કરવામાં આવ્યા છે.  અમદાવાદના કૃષ્ણનગરમાં લારી ચલાવતા લોકોને માર મારવાનો મામલો સોશિયલ મીડિયા દ્વારા બહાર આવ્યો હતો.

લોકડાઉનના અમલ દરમિયાન પીઆઈ ચૌધરી અને સ્ટાફના પોલીસો લારીઓની તોડફોડ કરી હતી અને ચીજ-વસ્તુઓને ફેંકી દીધી હતી. DGP શિવાનંદ ઝાએ કૃષ્ણનગરના પોલીસ ઈન્સપેક્ટરને કર્યા સસ્પેન્ડ કરવાનો આદેશ કર્યો છે અને સાથો સાથ લારીવાળાઓને આર્થિક નુકસાનની ભરપાઇ કરવાનો પણ આદેશ આપ્યો છે.