ફેશન ડિઝાઈન ક્ષેત્રની વિખ્યાત ફેશન ડિઝાઇન ઇન્સ્ટિટ્યૂટ આઈઆઈએફટી દ્વારા વિદ્યાર્થીઓ માટે શૈક્ષણિક ટુરનું આયોજન કરવામાં આવ્યું હતું. ઇન્સ્ટિટ્યૂટના વિદ્યર્થીઓને ટુર પર પેરિસ ખાતે લઈ જવાયા હતા. જ્યાં જુદા-જુદા વિષય પર લાઈવ વર્કશોપ યોજાયો હતો.
આ અંગે ઇન્સટિટ્યૂટના સંચાલક મુકેશ માહેશ્વરીએ જણાવ્યું હતું કે ફેશન જગત એવું છે કે જ્યાં નવું હંમેશા ઉમેરાતું હોય છે. કંઇક ને કઈક નવું આવતું હોય છે ત્યારે વિદ્યાર્થીઓ આ બાબતે માહિતગાર રહે તે ખૂબ જરૂરી છે. ઇન્ટનેશનલ સ્તરે બદલાતી ફેશન બાબતે આઈઆઈએફટીના વિદ્યાર્થીઓ અપડેટ રહે અને આ અંગેનું જ્ઞાન તેમને મળી રહે તે માટે આ ટુરનું આયોજન કરવામાં આવ્યું હતું. ભવિષ્યમાં પણ આ પ્રકારની શૈક્ષણિક ટુર આઈ આઈ એફ ટી દ્વારા યોજાતી રહેશે.