દિલ્હીમાં વિધાનસભાની ચૂંટણી પહેલા મુખ્યમંત્રી અરવિંદ કેજરીવાલે બુધવારે મોટી જાહેરાત કરી હતી. આમ આદમી પાર્ટીની સૌથી મહત્વાકાંક્ષી યોજના, ફ્રી વાઇફાઇની જાહેરાત કરવામાં આવી હતી. સમગ્ર દિલ્હીમાં 11000 હજાર સ્થળોએ હોટસ્પોટ્સ લગાવવામાં આવશે. દરેક વપરાશકર્તાને દર મહિને 15 જીબી મફત ડેટા મળશે. આ યોજના 16 ડિસેમ્બરથી શરૂ થઈ શકે છે.
ફ્રી વાઇફાઇ અંગે કેબિનેટ મંજૂરી અને ટેન્ડર પ્રક્રિયા પૂર્ણ થઈ ગઈ છે. 8મી ઓગસ્ટના રોજ કેબિનેટે દરેક વિધાનસભામાં 4000 બસ સ્ટોપ અને વિધાનસભામાં 100 હોટસ્પોટ્સ લગાવવા માટેની મંજૂરી આપી હતી. હોટસ્પોટની 50-મીટર રેન્જમાં ઘણા લોકો વાઇફાઇનો ઉપયોગ કરી શકશે. આ માટે સરકાર વાર્ષિક 100 કરોડ રૂપિયા ખર્ચ કરશે.
2015ની વિધાનસભાની ચૂંટણીમાં આમ આદમી પાર્ટીએ દિલ્હીમાં મફત વાઇ-ફાઇ આપવાનું વચન આપ્યું હતું. હવે આગામી વિધાનસભાની ચૂંટણીઓ પૂર્વે વચન પાળવાનો પ્રયાસ કરવામાં આવી રહ્યો છે.
આવી રીતે કામ કરશે હોટસ્પોટ
વિધાનસભા મત વિસ્તારની દ્રષ્ટિએ હોટસ્પોટ્સ લગાવવામાં આવશે. પ્રથમ 100 હોટસ્પોટ્સ 16 ડિસેમ્બરે શરૂ થશે. પ્રથમ અઠવાડિયામાં 100, પછી દર અઠવાડિયે 500 હોટસ્પોટ્સ સ્થાપિત થશે. દર અડધા કિલોમીટરમાં હોટસ્પોટ્સ હશે.
વાઇફાઇની સ્પીડ વધુમાં વધુ 200 અને ઓછામાં ઓછી 100 એમબીપીએસ હશે. હોટ સ્પોટ પર 100 લોકો ઇન્ટરનેટનો ઉપયોગ કરી શકે છે. આ માટે એક એપ્લિકેશન બનાવવામાં આવી છે જેને લોન્ચ કરવામાં આવશે. કેવાયસી આપીને વાઇ-ફાઇને ફોન પર ઓટીપી સાથે કનેક્ટ કરી શકાય છે. લોકો જે હોટસ્પોટની નજીર હશે તેની સાથે ઓટોમેટીક કનેક્ટ થઈ જશે.
હોટસ્પોટ પર ઇન્ટરનેટ ચલાવવા માટે, વપરાશકર્તાએ જરૂરી માહિતી આપીને ઓટીપી પર લખવાનો રહેશે. હોટસ્પોટ OTP દ્વારા કનેક્ટ થશે. કેજરીવાલ સરકારનો દાવો છે કે ઇન્ટરનેટ વાઇફાઇ આપમેળે હોટસ્પોટ સાથે કનેક્ટ થઈ જશે,જે હોટસ્પોટની નજીક યૂઝર્સ જશે.