ચોટીલાના પિયાવા ગામે રહેતા સુરેશ ચોથાભાઇ જમોડ (ઉ.૨૨) નામના યુવકની સગાઇ થાનમાં રહેતી ભાનુ સાબરીયા નામની યુવતી સાથે થઇ હતી. પરંતુ કોઇ કારણોસર યુવતીની માતા લગ્ન માટે ના પાડી હતી. પરંતુ સગાઇ તૂટ્યા બાદ બંને વચ્ચે પ્રેમસંબંધ બંધાયો હતો. બંનેના પરિવારજનો બંનેને એક નહીં થવા દે તેવા ડરથી આપઘાતનું પગલું ભર્યું હતું. આપઘાત કરતા પહેલા બંનેએ પોતાના મોબાઇલમાંથી વીડિયો કોલ કર્યો હતો. જેમાં ભાનુએ પોતાના ઘરે જ ગળેફાંસો ખાધો હતો અને સુરેશે ઝેરી દવા પીધી હતી. આ બનાવમાં ભાનુઅને સુરેશ એ બન્નુેના મોત નીપજ્યા છે. આ અંગેની ફરિયાદ થાન પોલીસ સ્ટેશનમાં નોંધાઇ હતી.
સુરેશને પ્રથમ બોટાદ અને વધુ સારવાર માટે રાજકોટ સિવિલ હોસ્પિટલ ખસેડાયો હતો. આ બનાવ પરમ દિવસનો હોવાનું સામે આવ્યું છે. પોલીસ તપાસમાં સુરેશે વાડીએ ખડ બાળવાની દવા હતી તે પી લીધી હતી. આજે મોડી સાંજે સુરેશે પણ અંતિમ શ્વાસ લીધા હતા. સુરેશ પણ સારવાર દરમિયાન મોતને ભેટ્યો હતો.
કોઇ કારણોસર યુવતીનાં માતા લગ્ન માટે ના પાડી રહ્યાં હતાં. પરંતુ બંન્ને પરિવાર વચ્ચે કોઇ કારણોસર અણબનાવ હતો જેના કારણે તેમના લગ્ન થઇ રહ્યાં ન હતાં. જેથી આ બંન્નેએ કંટાળીને એકબીજાને વીડિયો કોલ કરીને આપઘાતનો નિર્ણય લીધો હતો. યુવકે યુવતીનાં નામનું હાથ ઉપર ટેટૂ પણ બનાવ્યું છે.