તો 11 લાખ જીએસટી રજિસ્ટ્રેશન રદ થઈ જશે, કારણ જાણીને ચોંકી જશો

મોદી સરકારે તાજેતરમાં જીએસટી રજિસ્ટ્રેશનને લઈ કરાવેલી તપાસમાં 20 ટકા જીએસટી રજિસ્ટ્રેશન બોગસ હોવાનું બહાર આવ્યા બાદ કાર્યવાહી કરવાની દિશામાં સરકાર અને જીએસટી વિભાગ આગળ વધી રહ્યું છે. આ ઉપરાંત 6 મહિના સુધી જીએસટી રિટર્ન ફાઈનલ ન કરનારા લોકોનું રજિસ્ટ્રેશન રદ કરવા જઈ રહી છે. સરકારને આશંકા છે કેઆ જીએસટી ખાતાનો ઉપયોગ બનાવટી ક્લેઈમ હાંસલ કરવા માટે કરાયો છે. સૂત્રોએ કહ્યું કે આ પૈકીના મોટાભાગના ખાતાનો ઉપયોગચોરી અને તેનાથી મળેલી રકમને આમ-તેમ કરવા માટે કરવામાં આવ્યો હતો.

આશંકા વ્યક્ત કરાઈ રહી છેકે દેશભરમાં અંદાજે 11 લાખ જીએસટી રજિસ્ટ્રેશન ખોટી રીતે ઈનપુટ ટેક્સ ક્રેડિટ લેવાના હેતુથી જ કરવામાં આવ્યા હતા. તપાસ દ્વારા એવો પણ ખુલાસો થયો છે કે આ પૈકીના મોટાભાગના ખાતાઆેનો ઉપયોગ બહુ આેછી વખત થયો છે. સાથે જ 6 મહિના અને તેનાથી પણ વધુ સમયથી રિટર્ન પણ ફાઈલ કરવામાં આવ્યું નથી.

આંકડાઓ અનુસાર કૌભાંડકારોએ પાંચેક હજાર ખાતા થકી જીએસટીની ચોરી કરી છે. આ ખાતાઆે દ્વારા સિસ્ટમને 10 હજાર કરોડ રૂપિયાથી પણ વધુનું નુક્સાન ગયું છે. બાકી ખાતાઓનો ઉપયોગ રકમને આમ-તેમ કરવા માટે કરવામાં આવ્યો હતો. દેશભરના જીએસટી કમિશનરોનું દિલ્હીમાં સંમેલન મળ્યું હતું. અહી અધિકારીઆેને આ મામલે પ્રેઝન્ટેશન આપવામાં આવ્યું હતું. સાથે જ એક શ્રેષ્ઠ રણનીતિ ઘડવા પણ અધિકારીઆેને આદેશ અપાયો હતો.