શિવસેનાની કોર્પોરેટર કિશોરી પેડનેકર મુંબઈના નવા મેયર તરીકે ચૂંટાયા છે. આ સાથે જ ડેપ્યુટી મેયર પદ માટે શિવસેનાના સુહાસ વાડેકરની પસંદગી કરવામાં આવી છે. કિશોરી પેડનેકર આગામી અઢી વર્ષ સુધી BMCના મેયર રહેશે. 227 બેઠકોવાળી BMCમાં કિશોરી પેડનેકરની ચૂંટણી બિનહરીફ હતી.
મેયર બન્યા પછી કિશોરે કહ્યું કે મુંબઇના રસ્તા ઉપરના ખાડાઓને ખતમ કરવા તે તેની પ્રાથમિકતા હશે. આ સાથે, કિશોરનું એમ પણ કહેવું છે કે શિક્ષણ, આરોગ્ય અને લોકોને શુધ્ધ પાણી પૂરું પાડવું તેની પ્રાથમિકતામાં શામેલ થશે.
મહારાષ્ટ્રના ઉલ્હાસનગર મ્યુનિસિપલ કોર્પોરેશનમાં મોટો હોબાળો થયો હતો. બહુમતી હોવા છતાં, ઉલ્હાસનગર મહાનગરપાલિકામાં ભાજપના મેયર પદના ઉમેદવારનો પરાજય થયો હતો. ભાજપના બળવાખોર જૂથ નેતા ઓમી કલાનીએ શિવસેનાને ટેકો આપ્યો હતો. શિવસેનાની લીલાબાઈ આશાન ઉલ્હાસનગરમાં મેયર પદ પર જીત મેળવીને ભાજપના જીવન ઇદનાનીને 8 મતોથી હરાવ્યા હતા.
શિવસેનાના લીલાબાઈ આશાનને ૪૩ મત મળ્યા હતા જ્યારે ભાજપના જીવન ઇદનાનીએ ૩૫ મત મેળવ્યા હતા. ડેપ્યુટી મેયર પદ માટેની ચૂંટણીમાં શિવસેના-એનસીપી-કોંગ્રેસ અને બળવાખોર ભાજપના કાઉન્સિલરોએ 44 મતોથી આરપીઆઈ આઠવલે જૂથના ઉમેદવાર ભાપિરાવને જીત્યા છે. અહીં ભાજપના વિજય પાટીલ ડેપ્યુટી મેયરની ચૂંટણીમાં હાર્યા હતા.