રાજ્યસભાના ઐતિહાસિક 250મા સત્ર દરમિયાન વડા પ્રધાન નરેન્દ્ર મોદીએ સંસદના ઉચ્ચ ગૃહને ભારતના સંઘીય બંધારણનો આત્મા ગણાવ્યો હતો. તેમણે કહ્યું કે જ્યારે લોકસભા જમીન સાથે જોડાયેલી છે, ત્યારે ઉપલા ગૃહ રાજ્યસભા દૂર સુધી જોઈ શકે છે. પૂર્વ વડા પ્રધાન અટલ બિહારી વાજપેયીના નિવેદનનો ઉલ્લેખ કરતા તેમણે કહ્યું કે રાજ્યસભા સેકન્ડ હાઉસ છે સેકન્ડરી( ગૌણ, મહત્ત્વવિહિન) ગૃહ નથી અને આ ગૃહે ભારતના વિકાસ માટે સપોર્ટ હાઉસ રહેવું જોઈએ.
આ સમય દરમિયાન તેમણે એનસીપી અને બીજુ જનતા દળ (બીજેડી) ની પ્રશંસા કરી કારણ કે તેમના સાંસદો ક્યારેય સંસદની વેલમાં આવતા નથી. પીએમ મોદીએ કહ્યું કે, ભાજપ સહિત આપણે બધાએ આ બંને પાર્ટીઓ પાસેથી પણ શીખવાની જરૂર છે. વડાપ્રધાને એવા સમયે એનસીપીની પ્રશંસા કરી છે જ્યારે મહારાષ્ટ્રમાં રાજકીય ઉથલપાથલ ખૂબ જોરદાર છે અને પવારનો પક્ષ ભાજપના પૂર્વ સાથી શિવસેના સાથે મળીને સરકાર બનાવવાનો પ્રયાસ કરી રહ્યો છે.
વડા પ્રધાન મોદીએ કહ્યું, ‘ચેક એન્ડ બેલેન્સનો સિદ્ધાંત રાજ્યસભામાં લાગુ પડે છે. તે મહત્વપૂર્ણ છે કે આપણે અંતરાયોને બદલે સંદેશાવ્યવહારનો માર્ગ પસંદ કરીએ. હું બન્ને પાર્ટીઓ – એનસીપી અને બીજેડીનો ઉલ્લેખ કરવા માંગું છું. બંને પક્ષોએ જાતે જ નિર્ણય લીધો છે કે અમે વેલમાં જઈશું નહીં. તેમણે આ નિયમ ક્યારેય તોડ્યો નથી. આપણે બધાએ તેમની પાસેથી શીખવાની જરૂર છે. આ બંને પક્ષોએ બતાવ્યું છે કે વેલમાં ગયા વિના પણ તેઓ દિલ જીતી શકે છે, વિશ્વાસ જીતી શકે છે. જ્યારે અમે વિરોધમાં હતા, ત્યારે અમે પણ તે જ કરતા, તેથી આપણે પણ શીખવાની જરૂર છે.
વડા પ્રધાને કહ્યું કે રાજ્યસભા સમય પ્રમાણે અનુરૂપ થઈ રહી છે. તેમણે કહ્યું, ‘સમય બદલાયો, સંજોગો બદલાયા અને આ ગૃહ બદલાયેલા સંજોગોને આત્મસાત કરતું અને તે પ્રમાણે પોતાને અનુકૂળ થયું. મારા માટે ભાગ્યની વાત છે કે મને આજે આ મહત્વપૂર્ણ પ્રસંગનો સાક્ષી થવાની તક મળી.
તેમણે કહ્યું કે આપણા પ્રથમ રાષ્ટ્રપતિ ડો. સર્વપલ્લી રાધાકૃષ્ણને રાજ્યસભામાં કહ્યું હતું કે, “આપણા વિચારો, આપણું વર્તન અને આપણો વ્યવહાર બે ગૃહોથી બનેલી આપણી સંસદીય પ્રણાલીને યોગ્ય ઠેરવશે. બંધારણનો ભાગ બનેલી આ દ્વિપક્ષીય પ્રણાલીની આપણી ક્રિયાઓ દ્વારા પરીક્ષણ કરવામાં આવશે. ‘
રાજ્યસભાની મહત્તા વર્ણવતા વડાપ્રધાને કહ્યું કે જો નીચલું ગૃહ જમીન સાથે જોડાયેલું હોય, તો બીજુ ગૃહ દૂર સુધી જોઈ શકે છે. તેમણે કહ્યું કે આ ગૃહે ઇતિહાસ રચ્યો છે અને જ્યારે જરૂર પડે ત્યારે ઇતિહાસ પણ ફેરવ્યો છે. વડા પ્રધાને કહ્યું, “આ ગૃહે ઘણી ઐતિહાસિક ક્ષણો જોઇ છે, ઇતિહાસ રચ્યો છે, ઇતિહાસ બનતો પણ જોયો છે અને જ્યારે જરૂર પડે ત્યારે ઇતિહાસના પ્રવાહને ફેરવ્યો પણ છે.
વડા પ્રધાન મોદીએ કહ્યું કે સ્થિરતા અને વિવિધતા એ રાજ્યસભાના વિશેષ પાસા છે. તેમણે કહ્યું, ‘રાજ્યસભાના બે પાસા ખાસ છે – સ્થિરતા અને વિવિધતા. રાજ્યસભાનું ન તો વિસર્જન થાય છે અને વિસર્જન થશે પણ નહીં છે. તે કાયમી છે. વિવિધતામાં એકતાની સૌથી મોટી તાકાત આ ગૃહમાં આવે છે.