અરબી સમુદ્રમાં સર્જાયેલું ચક્રવાતી તોફાન ક્યાર શનિવારે ભીષણ તોફાનમાં પરિવર્તિત થયું છે. પશ્ચમી દરીયા વિસ્તારમાં તેની અસર જોવા મળી રહી છે. કાંઠા વિસ્તારોમાં તોફાની પવનો ફુંકાઈ રહ્યા છે અને કટેલાક વિસ્તારોમાં ભારે વરસાદ પડી રહ્યો છે.
આ વાવાઝોડાએ આજે સવારે એક તીવ્ર ચક્રવાતનું સ્વરૂપ ધારણ કર્યું હતું. સવારે 5:30 વાગ્યે તેની સ્થિતિ 270 કિ.મી. પશ્ચિમ અને દક્ષિણ-પશ્ચિમમાં રત્નાગિરિથી જ્યારે 360 કિ.મી. દક્ષિણ અને મુંબઇથી દક્ષિણ-પશ્ચિમમાં હતી. તે ઓમાનના સલાલાથી તેમજ પૂર્વ-દક્ષિણપૂર્વમાં 780 કિલોમીટર દૂર સ્થિત હતું.
સ્કાયમેટના હવામાન નિષ્ણાતોના જણાવ્યા મુજબ, વાવાઝોડાની અસર થતાં જ દેશના પશ્ચિમ દિશામાં આગળ વધવાનું શરૂ કર્યું છે. તે ઓમાન તરફ આગળ વધી રહ્યું છે અને સમુદ્રની સ્થિતિ સાનુકૂળ રહે તો માટે આગામી 24 કલાકમાં તે ખૂબ જ તીવ્ર ચક્રવાતનું વાવાઝોડું બને તેવી સંભાવના છે.
ક્યાર વાવાઝોડું આગળ વધી રહ્યું છે તેમ તેમ ભારતના પશ્ચિમ દરિયાકાંઠે અસર જોવા મળી રહી છે. મહારાષ્ટ્રના દરિયાકાંઠાના વિસ્તારોમાં કલાકના 40 થી 50 કિમીની ઝડપે પવન ફુંકાઈ રહ્યા છે. કર્ણાટકના દરિયાકાંઠે પ્રતિ કલાક 30 થી 40 કિ.મી.ના પવન ફુંકાવાની સંભાવના છે. તેમજ દરિયાકાંઠાના વિસ્તારોમાં 10 થી 14 ફૂટ ઉંચાઇના મોજા ઉછળી શકે છે. આ કારણોસર માછીમારોને દરિયાથી દૂર રહેવાની સલાહ આપવામાં આવી છે.
સ્કાયમેટ અનુસાર, આગામી 24 કલાક દરમિયાન, ઉત્તરી દરિયાકાંઠે કર્ણાટક, ગોવા અને દક્ષિણ કોંકણ ક્ષેત્રમાં વાદળછાયું વાતાવરણ રહેશે અને વાવાઝોડાના પવન સાથે ભારે વરસાદ પડી શકે છે. જોકે, હાલમાં ભારતના પશ્ચિમ દરિયાકાંઠે ખૂબ જ તીવ્ર વરસાદની સંભાવના નથી કારણ કે વાવાઝોડું સતત જઈ રહ્યું છે.
અનુમાન છે કે 27 ઓક્ટોબરથી, ભારતના ભૂ ભાગોથી તેનું અંતર વધુ વધશે, જેના કારણે મહારાષ્ટ્રથી કર્ણાટકના પશ્ચિમ દરિયાકાંઠા સુધીના વરસાદમાં નોંધપાત્ર ઘટાડો થશે. પવનની ગતિ પણ ઓછી થશે.
આગામી 24 કલાક પછી સાયક્લોન ક્યારની નબળું થવાની પ્રક્રિયા શરૂ થશે અને તે 31મી ઓક્ટોબરે ઓમાનના દરીયા કાંઠા સાથે ટકરાશે. ત્રાટકતા પહેલાના ક્યાર અત્યંત તીવ્ર ચક્રવાત તોફાનમાંથી અતિ ગંભીર ચક્રવાતનું સ્વરૂપ ધારણ કરશે.