તાપી નદીના ઉપરવાસમાં થઈ રહેલા વરસાદના કારણે તાપી જિલ્લામાં આવેલા ઉકાઈ ડેમની સપાટીમાં સતત વધારો નોંધાઈ રહ્યો છે. હવામાન વિભાગના જણાવ્યા અનુસાર રાજ્યમાં ચોમાસું ફરી સક્રિય થયું છે. આગામી પાંચ દિવસ મધ્યમથી ભારે વરસાદની આગાહી કરવામાં આવી છે.
ઉપરવાસમાં વરસાદના પગલે ઉકાઈ ડેમમાં પાણીની આવક સતત થઈ રહી છે. મધ્યપ્રદેશ, મહારાષ્ટ્રના ડૂંગરાળ વિસ્તારોમાં વરસાદ વરસી રહ્યો છે જેના કારણે ડેમની જળસપાટી 339.52 ફૂટે પહોંચી ગઈ છે. ડેમની ભયજનક સપાટી 345 ફૂટ છે એટલે ઉકાઈ ડેમ ભયજનક સપાટીથી માત્ર 6 ફૂટ દુર છે.
આજે બપોરે બાર વાગ્યા સુધીમાં ઉકાઈ ડેમનીસપાટીમાં વધારો નોંધાયો છે. 53 હજાર ક્યુસેક પાણીની આવક છે અને 53 હજાર પાણી તાપી નદીમાં છોડવામાં આવી રહ્યું છે.