ફ્રાન્સથી ચોંકાવનારા ન્યૂઝ મળી રહ્યા છે. જાણકારી પ્રમાણે ફ્રાન્સની જોનજૈક સિટીના સર્જન પર અંદાજે 250 બાળકો સાથે યૌન શોષણ કરવાનો આરોપ લાગ્યો છે. 66 વર્ષીય ડોક્ટર જોલ લી સ્કોરરનેક પર આરોપ છે કે તેણે 30 વર્ષ સુધી બાળકો સાથે યૌન હિંસા કરી છે. યૌન શોષણની ઘટનાઓને અંજામ આપવા માટે ડોક્ટર પહેલાં બાળકોને બેભાન થવાનું ઈન્જેક્શન આપી દેતો હતો અને ત્યાર બાદ તેમની સાથે શર્મનાક કૃત્ય કરતો હતો.
14 વર્ષ પહેલાં ડોક્ટરને બાળકો સાથેની યૌન હિંસાના ફોટો રાખવા બદલ ધરપકડ કરવામાં આવી હતી અને તેને દોષિત ઠેરવવામાં આવ્યો હતો. ત્યાર બાદ 2017માં સરકારે ફરીથી તેને પ્રેકટીસ કરવાની મંજુરી આપી દીધી હતી. 2017માં ડોક્ટરે 4 અને 6 વર્ષની નાની બાળાઓ સાથે દુષ્કર્મ કરતાં તેની ધરપકડ કરવામાં આવી હતી. 250 બાળકો સાથે યૌન હિંસાના આ મામલાને ફ્રાન્સનો સૌથી મોટું સ્કેન્ડલ માનવામાં આવે છે. આરોપી ડોક્ટર પેટની સર્જનનો ડોક્ટર છે અને તેના ઉપર નાના બાળકો અને બાળકીઓ સાથે દુષ્કર્મ આચરવાનો આરોપ છે.
ડોક્ટરે પોતાના પર લાગેલા આરોપને નકાર્યા છે. જોકે બાળકો સાથે ખરાબ વ્યવહારની વાતનો સ્વીકાર કર્યો છે. પોલીસે ડોક્ટરની ધરપકડ કરી પૂછપરછ શરૂ કરી છે. ડોક્ટરે હવે ટ્રાયલનો સામનો કરવો પડશે. પોલીસને તપાસમાં ડાયરી પણ મળી છે, જેમાં 250 બાળકો સાથે યૌન હિંસાનો ઉલ્લેક થયેલો જોવા મળી રહ્યો છે. ડોક્ટરના વકીલનું કહેવું છે કે ડાયરીમાં ડોક્ટરે કાલ્પનિક વાતો લખી છે.