યુવાનોમાં રેવ પાર્ટીનું ક્રેઝ જોવા મળે છે. આ ક્રેઝમાં પોલીસની કાર્યવાહીનો પણ સામનો કરવો પડે છે. પોલીસે અનેક રેવ પાર્ટી પર દરોડા પાડ્યા છે છતાં ક્યાંકને ક્યાંક રેવ પાર્ટીના નામે ધીંગા મસ્તી અને નશીલા પદાર્છોના સેવનની ગેરકાયદે પ્રવૃત્તિઓ કરવામાં આવે છે. ખાસ કરીને ફાર્મ હાઉસોમાં રેવ પાર્ટીઓ યોજવામાં આવે છે અથવા તો સિટીથી દુર હાઈવે પર કે ઓછી જાણીતી જગ્યાએ પાર્ટીનું આયોજન કરવામાં આવે છે.
હવે રેપ પાર્ટી માટે સિટી બહારના વિસ્તારોની પસંદગી કરવામાં આવે છે. ખુલ્લી જમીનને આવી હાઈપ્રોફાઈલ રેવ પાર્ટી માટે હાઈ રેટ પર હાયર કરવામાં આવે છે. હવે તો રેવ પાર્ટીના ઈવેન્ટ ઓર્ગેનેઈઝરો પણ કામે લાગ્યા છે.
પોલીસ સૂત્રોની માનીએ તો વ્હોટ્સ અપ પર માલેતુજાર ઘરના નબીરાઓનું ગ્રુપ યુવાઓ અને અમીર બાપની ઔલાદોને રેવ પાર્ટીની આયોજન કરે છે. સામાન્ય રીતે આયોજક દ્વારા કપલ એન્ટ્રી માટે દસ હજાર રૂપિયા અને સિંગલ એન્ટ્રી માટે પંદર હજાર રૂપિયા લે છે. કેટલીક રેવ પાર્ટીઓમાં દારુ, જુગાર, સેક્સ ડીલથી લઈને અનેક પ્રકારની ગેરકાયદે પ્રવૃત્તિઓ કરવામાં આવે છે.
પોલીસ સૂત્રોના જણાવ્યા પ્રમાણે યુવતીઓને મનોરંજનના નામે બોલાવવામાં આવે છે અને તેમની સાથે અનૈતિક કામો કરાવવામાં આવે છે. આવી રેવ પાર્ટીઓમાં પ્રાઈવેટ રૂમની પણ વ્યવસ્થા કરવામાં આવતી હોય છે. મોટાભાગે આવી પાર્ટીઓનું આયોજન મહિના અંતિમ દિવસોમાં કરવામાં આવે છે. આયોજકો દ્વારા ભાગ લેનારા યુવાનોને અંત સુધી એડ્રેસ આપવામાં આવતું નથી. પહેલાં એક ચોક્કસ જગ્યાએ બધાને એકઠાં કરવામાં આવે છે અને ત્યાર બાદ તેમને રેવ પાર્ટીના નિશ્ચિત સ્થળ સુધી લઈ જવામાં આવે છે. આમાં સ્થાનિક પોલીસને પણ રૂપિયા સુદ્વાં પહોંચાડવામાં આવે છે.
સૂત્રોના જણાવ્યા મુજબ આવી હાઈપ્રોફાઈલ પાર્ટીઓમાં ડ્રગ્સનું વેચાણ ધૂમ થાય છે.