ચર્ચાસ્પદ લગ્ન: અમેરિકામાં ગુજરાતી યુવાને કર્યા ગે મેરેજ, કરાયું જોરદાર સેલિબ્રેશન

અમેરિકામાં ચોંકાવાનારી ઘટના સામે આવી છે. ગુજરાતી યુવકે સ્વામી નારાયણ મંદિરમાં ગે મેરેજ કર્યા છે અને તેના ફોટો પણ સોશિયલ મીડિયામાં વાયરલ કર્યા હતા. અમિત શાહ નામના ગુજરાતી યુવકે તેના મિત્ર આદિત્ય મદીરાજુ સાથે ગે મેરેજ કરવાના ચર્ચાસ્પદ કિસ્સો સામે આવ્યો છે. સમાન્ય લગ્ન થાય તે રીતે અમેરિકાના ન્યૂજર્સીમાં ધામધૂમપૂર્વક અને ભારે જલસા સાથે આ મેરેજ કરવામાં આવ્યા હતા.

અમિત અને આદિત્યએ લગ્નના ફોટો સોશિયલ મીડિયામાં શેર ક્રયા હતા. બન્નેને શૂભકામના મળી હતી તો મોટાપાયા પર તિરસ્કાર પણ મળ્યો હતો. લોકોએ તેમની આકરી ટીકા પણ કરી હતી. પરંતુ આ ટીકાઓથી અમિત અને આદિત્યે કોઈ દરકાર રાખી નથી. લગ્ન દરમિયાન બન્નેએ ફેશન ડિઝાઇનર અનિતા ડોંગરે દ્વારા ડિઝાઇન કુર્તા પહેર્યા હતાં.

અમિત અને આદિત્યે લગ્ન કરતા પહેલાં ખાસ્સો સમય સાથે વિતાવ્યો હતો. વાલીઓએ શરૂઆતમાં આનાકાની કરી વિરોધ નોંધાવ્યો હતો. બન્નેની મુલાકાત બારમાં થઈ હતી અને 2016માં બન્ને વચ્ચે ગાઢ મિત્રતા થઈ ગઈ હતી. મિત્રતા પ્રેમમાં પલટાઈ હતી અને લગ્ન કરવાનો નિર્ણય કરાયો હતો.