આમોદ તાલુકાના રોધ ગામના રહેવાસી મહેશભાઈ નવીનભાઈ પટેલનું આમોદમાં આવેલી ભરૂચ ડિસ્ટ્રિક્ટ સેન્ટ્રલ કો.ઓપરેટિવ બેંકમાં ખાતું છે. મહેશભાઈને રૂપિયાની જરૂર પડતાં શનિવારે આમોદમાં આવેલી ડિસ્ટ્રિક્ટ બેન્કના ATM પર ગયા હતા ત્યાં મશીનમાં કેશ ન હોવાને કારણે તેઓ નવજીવન શોપીંગ સેન્ટરમાં આવેલા એક્સિસ બેન્કના ATM પર પહોંચ્યા જ્યાં તેમણે 10:07 વાગ્યાના સમયે પોતાના ATM કાર્ડ દ્વારા 500 રૂપિયા ઉપાડ્યા હતા પછી તેઓ ઘરે પરત ફર્યા હતા.
ત્યારબાદ તેમના ફોન ઉપર 11:31 વાગ્યાના સમયે નાણાં ઊપડ્યાનો મેસેજ આવ્યો તેમણે ચેક કરતા જાણવા મળ્યું કે તેમના એકાઉન્ટમાંથી રૂપિયા 1,49,000 ઊપડી ગા તો તેમના હોશકોશ ઉડી ગયા હતા. મહેશભાઈએ ભરૂચ ડિસ્ટ્રિક્ટ બેન્કનો સંપર્ક કરતા જાણવા મળ્યું કે કરજણ નવાબજારમાં આવેલા એક્સિસ બેન્કના ATMમાંથી કોઈએ ઊપડ્યા છે, તો તેમણે આમોદ પોલીસ મથકે લેખિતમાં અરજી આપી આ બાબતની જાણ કરી હતી.
મહેશભાઈ એ વધુમાં જણાવ્યું હતું કે મારા ATM કાર્ડની લિમિટ 25,000 ની છે તો એકજ દિવસમાં 16 ટ્રાન્ઝેકશન થઈ ગયા અને રૂપિયા 1,49,000 કેવી રીતે ઊપડી ગયા તે એક પ્રશ્વ છે. આ અંગે બેન્કના મેનેજરને પૂછતાં મેનેજરે ગલ્લાતલ્લા કર્યા હતા.
આજ દિવસે આમોદ નગરપાલિકામાં સમાજ સંગઠક તરીકે ફરજ બજાવતા અંકિતાબેન નવીનચન્દ્ર પડ્યા જેઓ આમોદમાં આવેલી સ્ટેટ બેન્માં પોતાનુ ખાતું ધરાવે છે. અંકિતાબેન પણ નવજીવન શોપિંગ સેન્ટરમાં આવેલા એક્સિસ બેન્કના ATMમાં નાણાં ઉપાડવા ગયા હતા તેમણે 9:58 વાગ્યાના સમયે પોતાના ATM દ્વારા રૂપિયા 2000 ઊપડ્યા હતા ત્યારબાદ તેમને બપોરે 3:51 વગ્યાના સમયે ફોન ઉપર મેસેજ દ્વારા રૂપિયા 40,000 ઊપડ્યાની જાણ થઈ. અંકિતાબેને આ અંગે તપાસ કરી તો જાણવા મળ્યું કે બોરસદમાં આવેલી UCO BANK નાં ATM દ્વારા ઊપડ્યા છે. તેમણે મેનેજરને પૂછતાં મેનેજરે ગલ્લાતલ્લા કર્યા હતા આ બાબતની જાણ અંકિતાબેને આમોદ પોલીસ મથકે કરી હતી
તેમણે વધુમાં જણાવ્યું હતું કે તેમના ATM કાર્ડની લિમિટ 25000 ની છે તો એક જ દિવસમાં એટલું ટ્રાન્ઝેક્શન થયું કઈ રીતે?
એક જ દિવસમાં બે બે વ્યક્તિ ના atm કાર્ડ વગર અન્ય બેન્કના ATM દ્વારા નાણાં ઉપડવાની આ ઘટનાએ આમોદ તાલુકામાં ફફડાટ ફેલાવી મુક્યો છે આ ભેજાબાજ વ્યક્તિ ATM માંથી કઈ રીતે નાણાંની તફંડચી કરે છે અને તે કોણ છે તેને પોલીસ ક્યારે ઝડપી પાડી કાર્યવાહી કરશે તે હવે જોવાનું રહે છે.