2030 સુધી અર્થવ્યવસ્થાને 10 હજાર અરબ ડોલર પહોચાડવાનો લક્ષ્ય : રાજનાથ સિંહ

રક્ષા મંત્રી રાજનાથસિંહે મંગળવારે કહ્યું હતું કે, સરકારનું લક્ષ્ય 2030 સુધીમાં 10 હજાર અરબ ડોલરની અર્થવ્યવસ્થા બનાવવાનું છે અને સંરક્ષણ ક્ષેત્ર એ આ દિશામાં ફાળો આપતું મહત્વનું ક્ષેત્ર છે. સિંહે સોસાઇટી ઓફ ઇન્ડિયન ડિફેન્સ મેનુફેક્ચર્સ (એસઆઈડીએમ) ની વાર્ષિક સામાન્ય સભામાં કહ્યું કે ઘણા કારણોસર ભારતીય રક્ષા ઉદ્યોગ ભૂતકાળમાં તેની સંપૂર્ણ સંભાવના દર્શાવી શક્યો નથી.તેમણે કહ્યું કે જેને કારણે દેશ આયાત કરવામાં આવી રહેલ શસ્ત્રો પર આધારીત બન્યો.

આ બેઠકની થીમ ‘મેક ઇન ઇન્ડિયા 26 અરબ ડોલરનાં રક્ષા ઉદ્યોગ તરફ’ હતી. રક્ષા મંત્રીએ કહ્યુ કે, મેક ઇન ઇન્ડિયા જેવા પગલાથી તાજેતરમાં સ્થિતિને બદલવા માટે કોઇ પગલા ઉઠાવવામા આવ્યા છે જેથી ભારત વિશ્વમાં ન માત્ર હથિયારોનો મોટો નિર્માતા બને પરંતુ રક્ષા નિર્યાતક પણ બને. તેમણે વધુમાં કહ્યુ કે, ભારત જે પ્રકારનું આકાર ધરાવે છે અને વિશ્વમાં તેની જેવી પ્રતિષ્ઠા છે તે જોતા ભારતની સાર્વભૌમત્વનું રક્ષણ કરવું મહત્વપૂર્ણ છે અને વિદેશ નીતિ માટે આયાત કરવામાં આવેલ શસ્ત્રો પર વિશ્વાસ કરી શકાય તેમ નથી.

સિંહે કહ્યું કે, ‘મેક ઇન ઇન્ડિયા’ પહેલ અંતર્ગત સંરક્ષણ ક્ષેત્રને એક અગ્રણી ક્ષેત્ર તરીકે માન્યતા આપવામાં આવી છે, તેમણે કહ્યું કે ભારતીય અર્થવ્યવસ્થાનું વર્તમાન કદ આશરે 2700 અરબ ડોલર છે અને અમારો ઉદ્દેશ 2024 સુધીમાં તેને વધારીને 5,000 અરબ ડોલર કરવાનું છે. અને 2030 સુધીમાં અર્થતંત્રને 10,000 અરબ ડોલર બનાવવાનું છે. રક્ષા મંત્રી કહ્યું કે આ પ્રગતિમાં ફાળો આપવા માટે અર્થવ્યવસ્થાનાં ઘણા ક્ષેત્રોની ઓળખ કરવામાં આવી છે, જ્યારે સંરક્ષણ ક્ષેત્રને ‘મેક ઇન ઇન્ડિયા’ પહેલ અંતર્ગત સૌથી પ્રતિષ્ઠિત ક્ષેત્ર તરીકે ઓળખવામાં આવે છે.

અફઘાનિસ્તાનમાં અમેરિકન એમ્બેસી સામે વિસ્ફોટ, 24 લોકોના મોત

અફઘાનિસ્તાનમાં સીરિયલ બોમ્બ વિસ્ફોટના સમાચાર આવ્યા છે. બોમ્બ વિસ્ફોટમાં અત્યાર સુધી 24 લોકોના મોત થઇ ચુક્યા છે. આ વિસ્ફોટ અફઘાનિસ્તાનના પારવાં પ્રાંતમાં થયો છે. વિસ્ફોટ તે સમયે થયો જ્યારે અફઘાનિસ્તાનના રાષ્ટ્રપતિ અશરફ ગની એક રેલીને સંબોધિત કરી રહ્યાં હતા. રેલીના થોડા અંતર પર જ આ વિસ્ફોટ થયો હતો.

પારવામાં થયેલા વિસ્ફોટ બાદ અફઘાનિસ્તાનમાં વધુ એક વિસ્ફોટ થયો હતો. આ વિસ્ફોટ અમેરિકન એમ્બેસી નજીક થયો છે. કાબુલમાં થયેલા આ ધમાકામાં કેટલાક લોકોના ઘાયલ થવાના પણ સમાચાર મળી રહ્યાં છે. આ પહેલા પારવાંમાં થયેલા વિસ્ફોટમાં 30થી વધુ લોકો ઘાયલ થયા હતા.

ક્રૂડ ઓઈલના ભાવમાં વધારાની અસર, શેરબજારમાં 600 પોઈન્ટનું ગાબડું

ક્રૂડ ઓઈલના ભાવમાં વધારો થતાં તેની અસર મંગળવારે શેરબજાર પર પડી હતી. સેન્સેક્સ 600 પોઈન્ટ ગબડી ગયું હતું. દેશના શેરબજારે શરૂઆતી કારોબારમાં સવારે ગાબડા સાથે પ્રારંભ કર્યો હતો. સેન્સેક્સની મજબૂત શરૂઆત થઈ હતી પરંતુ બાદમાં કેટલીક મીનીટોમાં જ તેમાં ગાબડું પડ્યું હતું. જ્યારે નિફ્ટીમાં 180 પોઈન્ટનો ધબડકો નોંધાયો હતો.

સવારે 9.30 વાગ્યે સેન્સેક્સ 124.13 પોઈન્ટથી ગબડતાં 36,999.18 પર આવ્યું હતું. નિફ્ટીમાં લગભગ આ જ સમયે 41.75 પોઈન્ટનું ગાબડું પડ્યું હતું. અને 10,961.75 પોઈન્ટનું લેવલ નોંધાયું હતું. મુંબઈ સ્ટોક એક્સચેન્જ 30 શેરો પર આધારિત પોઈન્ટ ટેબલ સવારે 46.15 પોઈન્ટ સાથે મજબૂતીથી શરૂ થયું હતું અને પોઈન્ટ ટેબલ 37,169.46 પર પહોંચ્યું હતું. જ્યારે નેશનલ સ્ટોક એક્સચેન્જ(નિફ્ટી) 50 શેરોના ટેબલ પોઈન્ટ સાથે 3.4 પોઈન્ટની સામાન્ય નબળાઈ સાથે ખૂલ્યું હતું અને તે સમયે નિફ્ટી 11,000.01 પોઈન્ટ હતું.

 

7 દિવસ સુધી બંધ રહી શકે છે તમારી બેંક, જલ્દી પતાવી લો આ કામ

આગામી દિવસોમાં 7 દિવસ માટે બેંકો બંધ રહી શકે છે. આથી જો કોઈ જરૂરી કામકાજ હોય અથવા રોકડ ઉપાડવાનું વિચારી રહ્યાં હોય તો તમામ કામો જલ્દી પતાવવા પડશે, નહિતર બેંકો બંધ થવાથી પરેશાની થઈ શકે છે. બેંકોના વિલિનીકરણ અને પોતાની માંગોને લઈને બેંક યુનિયનોના ચાલી રહેલા આંદોલનના કારણે બેંકો 7 દિવસ સુધી બંધ રહે તેવી સંભાવના છે. આ મુદ્દત 26 સપ્ટેમ્બરથી 2 ઓક્ટોબર વચ્ચેની હોઈ શકે છે.

બેંક યુનિયનોની હડતાલની જાહેરાત
બેંકોના વિલયના વિરોધમાં બેંક યુનિયનોએ 26 અને 27 સપ્ટેમ્બરના રોજ હડતાલની જાહેરાત કરી છે. જે બાદ 28મીએ ચોથો શનિવાર અને 29મીએ રવિવાર આવી રહ્યો છે. રવિવારે દિલ્હી પ્રદેશ બેંક વર્કર્સ ઓર્ગેનાઈજેશને 30 સપ્ટેમ્બર અને 1 ઓક્ટોબરે બંધ રાખવાનો પ્રસ્તાવ રાખ્યો છે. બેંક અધિકારીઓના જણાવ્યા પ્રમાણે, જો દિવસે પણ બેંક બંધ રહેશે, તો સાત દિવસ માટે બેંકો બંધ થઈ જશે. કારણ કે, 2 ઓક્ટોબર ગાંધી જયંતિની જાહેર રજા આવે છે. આ રીતે 7 દિવસ સુધી બેંકો બંધ રહી શકે છે. હડતાલના દિવસોમાં બેંકોમાં કામકાજ ઠપ્પ રહેશે. એવામાં બેંક જનારા ગ્રાહકોને નિરાશા સાંપડી શકે છે. બેંકોમાંથી રોકડ ઉપાડવા સહિત અન્ય કાર્યોને ગ્રાહકો અત્યારથી પતાવી શકે તે તેમના હિતમાં છે. જેથી બંધ દરમિયાન કોઈ સમસ્યા ના થાય.

આ પાંચ વાતનું ધ્યાન રાખશો તો ટ્રાફીકના ચલણથી આરામથી બચી શકશો, જાણો

મિત્રો હાલમાં આપણે બધા જ જાણીએ છીએ કે નવા મોટર વ્હીકલ એક્ટ હેઠળ બધા લોકોએ ફરજીયાત ટ્રાફિક નિયમોનું પાલન કરવું પડશે તેવી શક્યતા જણાઈ રહી છે. જે આજે બધા લોકોને ખુબ જ મોટી આફત સમાન લાગવા લાગ્યું છે. પરંતુ મિત્રો આ બધા જ ટ્રાફિક નિયમોને લોકો માટે અને તેની સુવિધાને ધ્યાનમાં રાખીને બનાવવામાં આવ્યા છે. માટે મિત્રો આ બધા જ નિયમો હાલ લોકોને ખુબ જ કષ્ટદાયી લાગે છે પરંતુ આવનારા સમયમાં ઘણા તેના ફાયદા પણ થાય તેવી સંભાવના આધારે સરકાર દ્વારા આ નિર્ણય લેવામાં આવ્યો છે.

મિત્રો આજે અમે તમને પાંચ એવી બાબત વિશે જણાવશું જે તમને ખુબ જ ઉપયોગી સાબિત થશે. જેમાં તમારે ગાડી ચલાવતા પહેલા માત્ર આ પાંચ બાબતનું ધ્યાન રાખવાનું છે. તેનાથી ક્યારેય પણ તમારું ચલાન કાપવામાં નહિ આવે. તો ચાલો જાણીએ કંઈ છે એ પાંચ બાબત જે ગાડી ચલાવતા પહેલા ખાસ ધ્યાનમાં રાખવી જોઈએ.

સૌથી પહેલી વાત. હંમેશા ગાડી ચલાવતા સમયે ગાડી ચાલક પાસે ડ્રાઈવિંગ લાયસન્સ, ગાડીબી આરસીબુક, પોલીષણ અન્ડર કંટ્રોલ સર્ટિફિકેટ અને વીમાના કાગળ સાથે હોવા ખુબ જ જરૂરી છે. ડીએલ અને પીયુસી સર્ટિફિકેટ ઓરીજીનલ હોવી જરૂરી છે. જ્યારે આરસી અને ઇન્શ્યોરન્સની ફોટો કોપી પણ સાથે રાખી શકો છો. જો સાથે આ દસ્તાવેજ હોય તો ચલણથી બચી જશો.

 

બીજી વાત. ચલણથી બચવા માટે સૌથી સરળ ઉપાય એ છે કે તમે સડક પર વાહન ચલાવતા પહેલા નવા ટ્રાફિક વિશે એક જરૂર જાણી લેવું જોઈએ. પરંતુ તેનાથી વધારે એ નિયમો વિશે વિચારવું ખુબ જ જરૂરી છે. કેમ કે જ્યારે તમે બદલશો ત્યારે જ સમાજ બદલાશે, અને જ્યારે સમાજ બદલાવ આવશે તો દેશ બદલશે. એટલા માટે વાહન ચલાવતા સમયે રેડ લાઈટ જંપ નહી કરવાની, રોંગ સાઈડ પર વાહન ચલાવવાથી બચવું, હંમેશા સીટ બેલ્ટ બાંધીને ઘર અથવા ઓફીસથી નીકળવું, બાઈક ચાલવતા લોકોએ હંમેશા હેલ્મેટ પહેરીને ડ્રાઈવ કરવું જોઈએ.

ત્રીજી વાત. ક્યારેય પણ ગાડી ચલાવતા સમયે ફોનનો ઉપયોગ ન કરવો જોઈએ. હંમેશા ગાડી સડકના કિનારે ઉભી રાખીને વાત કરવી જોઈએ અને તેની આદત બનાવી લેવી જોઈએ. નશો કરીને ક્યારેય પણ વાહન ચલાવવું ન જોઈએ. નશામાં ગાડી ચલાવવાથી અકસ્માત થવાની અથવા કોઈ ઘટના બનવાની સંભાવના વધી જાય છે. સૌથી અહેમ વાત એ કે ક્યારેય પણ ગાડી ચલાવતા સમયે ઉતાવળ ન કરવી જોઈએ અને હંમેશા સ્પીડનો ખ્યાલ રાખવો જોઈએ

ચોથી વાત. આંકડા જણાવે છે કે આપણા દેશમાં દર વર્ષે પોણા પાંચ લાખ સડક હાદસા થાય છે અને તેમાં લગભગ દોઢ લાખ લોકોના મૃત્યુ થાય છે. ટ્રાફિક નિયમો હોવા છતાં મોટાભાગના લોકો તેનું પાલન નથી કરતા. જેનું પરિણામ મૃત્યુ અને વિકલાંગતા હોય છે. ટ્રાફિક નિયમોનું પાલન મજબૂતી સાથે કરવામાં આવે તો પણ તમે ચલણથી બચી શકો છો. પરંતુ દરેક વ્યક્ત પરફેક્ટ રીતે નિયમોનું પાલન કરે એ માટે જ દંડની રકમ વધારવામાં આવી છે.

પાંચમી વાત. ડીજીલોકર અથવા એમ પરિવહન એપમાં પણ તમે તમારા ડ્રાઈવિંગ લાયસન્સ, રજીસ્ટ્રેશન સર્ટિફિકેટ અને વાહનનો વીમો સ્કેન કરીને તેની કોપી રાખી શકો છો. ડીજીલોકરમાં રાખવામાં આવેલા દસ્તાવેજની ઓરીજીનલ હાર્ડ કોપી જ માનવામાં આવે છે. પરંતુ પોલ્યુશન અન્ડર કંટ્રોલ ને ડીજીલોકર અને એમ પરિવહન એપમાં લિંક કરવાનો ઓપ્શન્સ નથી આવતો. એટલા માટે પીયુસી તમારા ઓરીજીનલ સાથે રાખવી પડશે. નવેમ્બર 2018 માં માર્ગ વાહન વ્યવહાર મંત્રાલય દ્વારા જાહેર કરવામાં આવ્યું હતું કે ડીજીલોકર કાનૂની રીતે માન્ય ગણાશે. (મિત્રો ડીજીલોકર એક મોબાઈલ એપ્લીકેશન છે. જેમાં તેમ તમારા બધા ડોક્યુમેન્ટને સ્કેન કરીને સ્ટોર કરી શકો છો.)મિત્રો આ પાંચ બાબતોનું ખાસ ધ્યાન રાખવામાં આવે તો ક્યારેય પણ ટ્રાફિક નિયમો માટે ચલણ ભરવું ન પડે. માટે નવા નિયમોને ધ્યાનમાં રાખીને દરેક લોકોએ સરકાર તથા પ્રશાસનને સહકાર આપવો જોઈએ.

કેન્દ્ર સરકારને ઝટકો આપતી સુપ્રીમ કોર્ટ, ગુલામ નબી આઝાદને કાશ્મીરની મુલાકાત લેવા પરમીશન

પાંચમી ઓગષ્ટથી જમ્મૂ-કાશ્મીરમાં કરફ્યુ છે અને કોઈ પણ રાજકીય નેતાને કાશ્મીરમાં પ્રવેશવામી મનાઈ ફરમાવી દેવામાં આવી છે. અનેક નેતોએ જમ્મૂ-કાશ્મીરની મુલાકાત લેવાના પ્રયાસો કર્યા પણ તે બધાને શ્રીનગર એરપોર્ટ પરથી જ પાછા કરી દેવામાં આવ્યા છે. રાહુલ ગાંધી સહિત વિપક્ષને  પણ મુલાકાત લેવા દેવામાં આવી ન હતી અને ગુલામ નબી આઝાદને પણ પોતાના હોમ ટાઉનમાં જવા દેવા માટે પરમીશન આપવામાં આવી ન હતી.

આ દરમિયાનમા કોંગ્રેસના નેતા અને રાજ્યસભાના વિપક્ષી નેતા ગુલામ નબી આઝાદને સુપ્રીમ કોર્ટે મુલાકાત લેવાની મંજુરી આપતા કેન્દ્ર સરકારને ઝટકો આપ્યો છે. કાશ્મીરની મુલાકાત દરમિયાન ગુલામ નબી આઝાદ ચાર જિલ્લાની મુલાકાત લઈ શકે છે. જોકે, તેઓ આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા બાદ  સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે.

 

આંધ્રપ્રદેશના પૂર્વ વિધાનસભા અધ્યક્ષ કે શિવપ્રસાદ રાવે ગળેફાંસો ખાઇને આત્મહત્યા કરી

આંધ્રપ્રદેશના પૂર્વ વિધાનસભા અધ્યક્ષ કે શિવપ્રસાદ રાવે હૈદરાબાદ સ્થિત તેમના નિવાસસ્થાને ગળેફાંસો ખાઇને આત્મહત્યા કરી લીધી હતી. રાવ ટીડીપીના વરિષ્ઠ નેતાઓમાંના એક હતા. પોલીસને ઘટનાની માહિતી મળ્યા બાદ રાવને નજીકની હોસ્પિટલમાં દાખલ કરવામાં આવ્યા હતા. જ્યાં ડોકટરોની ટીમે તેમને મૃત જાહેર કર્યા હતા. આંધ્રપ્રદેશથી તેલંગાણાના અલગ થયા પછી 2014 માં રાવ સ્પીકર બન્યા હતા. તેઓ છ વખત ધારાસભ્ય બન્યા હતા. કે.શિવપ્રસાદ રાવ 72 વર્ષના હતા.

  • આંધ્રપ્રદેશના પૂર્વ સ્પીકરનો આપઘાત
  • 30 વર્ષની રહી રાજકીય સફર
  • 5 વખત બન્યા ધારાસભ્ય

કોણ હતા કે શિવપ્રસાદ ?

આ સાથે જ તેઓ, રાજ્યના ગૃહ પ્રધાન અને પંચાયતોના રાજ્યમંત્રી તરીકે પણ કામ કરી ચૂક્યા છે. કે શિવપ્રસાદ રાવ 1983 માં ટીડીપીમાં જોડાયા હતા. તેમનો જન્મ ખેડૂત પરિવારમાં થયો હતો. ગુંટુર મેડિકલ કોલેજમાંથી સ્નાતક થયા પછી, તેમણે મેડિકલનો અભ્યાસ કર્યો હતો.

ભાજપના પ્રવક્તાએ પૂર્વ સ્પીકરના નિધન પર દુ:ખ પ્રગટ કર્યું

ભાજપના પ્રવક્તા કે.કૃષ્ણ રાવે શિવપ્રસાદ રાવની આત્મહત્યાના સમાચાર અંગે પ્રતિક્રિયા આપતા કહ્યું હતું કે રાવે આત્મહત્યા કરી છે તેવું માનવું ખૂબ મુશ્કેલ છે. હું તેમના પરિવાર પ્રત્યે દુ:ખ વ્યક્ત કરું છું. તેના આત્માને શાંતિ મળે.

3 દાયકાની રાજકીય સફર

ત્રણ દાયકાની કારકિર્દીમાં, તેમણે એનટી રામ રાવ અને એન. ચંદ્રબાબુ નાયડુની સરકારોમાં કેબિનેટ પ્રધાન તરીકે સેવા આપી હતી. તેમણે ઘર અને આરોગ્ય સહિતના કેટલાક મહત્વપૂર્ણ મંત્રાલયોમાં પોતાની ભૂમિકા ભજવી હતી.

5 વખત બન્યા ધારાસભ્ય

કે શિવપ્રસાદ રાવ સૌ પ્રથમ વખત 1983 માં આંધ્રપ્રદેશના ગુંટુર જિલ્લામાંથી ધારાસભ્ય તરીકે ચૂંટાઇ આવ્યા હતા. ત્યારબાદ તેઓ, 1985,1989,1994 અને 1999 માં તેઓ અહીંથી જ ધારાસભ્ય બન્યા. 2014 માં, શિવપ્રસાદ રાવ ગુંટુર જિલ્લાના સત્તેનાપલેથી જીત્યા હતા.

ભારતમાં ફૂડ પાર્ક બનાવવા માટે વર્લ્ડ બેન્ક 3000 કરોડની લોન આપશે

દેશમાં નાના-મોટા ફૂડ પાર્ક સ્થાપિત કરવા વર્લ્ડ બેન્ક રૂ. 3000 કરોડની લોન સહાય કરશે. લોનની મદદથી પૂર્વોત્તર ક્ષેત્રમાં ફૂડ પાર્ક સ્થાપિત કરવામાં આવશે. જે ખેડૂતોની આવક બમણી કરવામાં મદદ કરશે. કેન્દ્રીય ફૂડ વિભાગના જણાવ્યા પ્રમાણે, આ બાબતે અમુક ઔપચારિક્તા બાકી છે. ટૂંકસમયમાં જ લોનની રકમનો પ્રથમ હપ્તો ઉપલબ્ધ કરશે.

ભારત અને અમેરિકાની (આઈએસીસી-એનઆઈસી)ના બેનર હેઠળ આયોજિત 15મા ભારત-અમેરિકા આર્થિક સંમેલનમાં આ અંગે જાણકારી આપવામાં આવી હતી.ઉદ્યોગ જગતને સરકારી નીતિઓનો લાભ લેવા માટે પ્રોત્સાહિત કરવામાં આવ્યા હતાં. સૂત્રોના જણાવ્યા પ્રમાણે, ફૂડ પ્રોસેસિંગ એકમોને સ્થાપિત કરવા માટેની સબસિડીનો લાભ 75 ટકા પાસે પહોંચ્યો છે.

સરકારે ખેડૂતોની આવક બમણી કરવા નાના અને મેગા ફૂડ પાર્ક સ્થાપિત કરવા ફોકસ કરી રહી છે. જેથી ફૂડ પ્રોસેસિંગ યુનિટ સહિત ખેડૂતોને પણ લાભ મળી શકે. કાશ્મીર ખીણના પુલવામામાં પણ એક ફૂડ પાર્કને મંજૂરી અપાઈ છે. જે લોકોની આવકમાં વૃદ્ધિ અને રોજગાર સર્જન સાથે જીડીપીને વેગ આપશે. કાશ્મીરમાં 370ની કલમ દૂર થવાથી ખીણમાં ઉદ્યોગ સેક્ટર્સ સ્થાપિત કરાશે. જે રોજગારીમાં વધારો કરશે. કાશ્મીર અને લદાખમાં નાના-મોટા ફૂડ પાર્ક તૈયાર કરી ખેતીને પ્રોત્સાહન આપશે. ફૂડ પ્રોસેસિંગ યુનિટ સ્થાપિત કરી ગુણવત્તાયુક્ત ખાદ્યાન પદાર્થો તૈયાર કરવામાં આવશે. દેશમાં આશરે 3.5 કરોડ ખેડૂતો છે.

હિન્દ મહાસાગરમાં ચીની યુદ્ધ સબમરીન દેખાઈ, તેની દરેક હરકત પર ઈન્ડિન નેવીની નજર

હિન્દ મહાસાગરમાં ચીનની વધતી દખલગીરી દરમિયાન ઈન્ડિયન નેવીએ ભારતીય જળસીમા નજીક ચીન યુદ્ધ સબમરીન જોવા મળી છે. ઈન્ડિયન નેવીએ સર્વિલાન્સ એરક્રાફ્ટે પેટ્રોલિંગ દરમિયાન ચીની યુદ્ધ સબમરીનની તસવીરો લીધી છે. નોંધનીય છે કે, ભારતીય જળસીમા પાસેથી પસાર થતી દરેક ઓફિશિયલ અને યુદ્ધ સબમરીન પર ભારતીય નેવી નજર રાખે છે.

નેવીના P-8I ખાનગી વિમાને દક્ષિણ હિન્દ મહાસાગરના વિસ્તારમાં ચીનના યુદ્ધ સબમરીન શિયાન-32ને સફળતાપૂર્વક ટ્રેક કર્યું છે. ભારતના સર્વિલાન્સ પ્લેને ચીની યુદ્ધ સબમરીનની ઉપરથી તસવીર લીધી છે. તેમાં તેનું લેન્ડિંગ પ્લેટફોર્મ ડૉક દેખાય છે. વિસ્તારમાં ચીનનું જંગી સબમરીન હોવાથી પણ ભારતીય નેવી પણ એલર્ટ છે.

નેવીએ જણાવ્યું છે કે આ તસવીર સપ્ટેમ્બરના પહેલાં 15 દિવસની છે. ચીનનું આ યુદ્ધ સબમરીન થોડા સમય પછી જ શ્રીલંકાના જળવિસ્તારમાં પ્રવેશી ગયું હતું. ભારતના નેવી વિમાને ચીનના યુદ્ધ સબમીરન પર સતત નજર રાખી અને તેની દરેક મૂવમેન્ટની માહિતી આપી હતી.

આ ઉપરાંત ભારતીય પેટ્રોલિંગ વિમાન P-8Iએ ચીનના વધુ એક યુદ્ધ સબમરીનને ટ્રેક કરી જે અદનની ખાડીમાં એન્ટી પાઈરેસી મિશનમાં સામેલ હતી. ચીનનું આ જંગી જહાજ સોમાલી દરિયાઈ લુંટારાઓથી પોતાના દેશના વેપારીઓના હિતોની સુરક્ષા કરવા માટે તહેનાત કરવામાં આવ્યું છે. તેની તસવીર થોડા દૂરથી ત્યારે લેવામાં આવી હતી જ્યારે તે હિંદ મહાસાગરમાંથી પસાર થઈ રહ્યું હતું.

જમ્મુ કશ્મીરના મુદ્દે મહત્ત્વની ચર્ચા કરવા કેન્દ્રના ગૃહ ખાતાની બેઠક શરૂ

જમ્મુ કશ્મીરના મુદ્દે મહત્ત્વની ચર્ચા કરવા કેન્દ્રના ગૃહ ખાતાની એક બેઠક ગૃહ પ્રધાન અમિત શાહની આગેવાની હેઠળ આજે સવારે અહીં શરૂ થઇ હતી.

સરકારી પ્રવક્તાએ કહ્યું હતું કે આ બેઠકમાં વિવિધ ગુપ્તચર એજન્સીના વડા અધિકારીઓ પણ હાજર રહ્યા હતા. આ બેઠકમાં ગૃહ સચિવ ઉપરાંત નેશનલ સિક્યોરિટી એડ઼વાઇઝર અજિત દોભાલ પણ હાજર રહ્યા હતા.

કેન્દ્ર સરકારે જમ્મુ કશ્મીરને ખાસ દરજ્જો આપતી 370મી કલમ રદ કર્યા બાદ છેલ્લાં 40 દિવસથી પાકિસ્તાન સતત સરહદો પર તોપમારો અને ગોળીબાર કરી રહ્યું છે છતાં ભારતીય લશ્કર સંયમ રાખીને બેઠું છે. અગાઉ એકવાર લશ્કરી અધિકારીઓએ કેન્દ્ર સમક્ષ એવી માગણી કરી હતી કે અમને છૂટો દોર આપો. પરંતુ ભારત સકાર એવું કોઇ ઉતાવળું પગલું લેવાના મતની નથી.

જમ્મુ કશ્મીર રાજ્ય સરકારના પ્રવક્તા અને ભારતીય લશ્કરના પ્રવક્તાએ જણાવ્યા મુજબ હિંસાની છૂટીછવાયી ઘટના બનવા ઉપરાંત અને આતંકવાદની બે ચાર ઘટના સિવાય એકંદરે રાજ્યમાં સર્વત્ર શાંતિ પ્રવર્તી રહી હતી.

કેન્દ્ર સરકારે છઠ્ઠી ઑગસ્ટે જમ્મુ કશ્મીરનો ખાસ દરજ્જો નાબૂદ કરીને જમ્મુ, કશ્મીર અને લદ્દાખને કેન્દ્રશાસિત પ્રદેશો જાહેર કર્યા હતા. ત્યારથી પાકિસ્તાન અકળાયું હતું અને રોજ નિયમિત રીતે યુદ્ધતહકૂબીનો સતત ભંગ કરી રહ્યું હતું. જો કે ભારતીય લશ્કરે સતત સંયમ દાખવ્યો હતો. આજની ગૃહ ખાતાની બેઠકમાં કોઇ મહત્ત્વના નિર્ણય લેવાય એવી શક્યતા નકારી કઢાતી નથી.