ગુજરાતની 16 ચેક પોસ્ટને લઈને રૂપાણી સરકારે લીધો આ મહત્વનો નિર્ણય, જાણો

ગુજરાતના મુખ્યમંત્રી વિજય રુપાણીએ એક મહત્વનો અને ઐતિહાસિક નિર્ણય લીધો છે જેમાં તેમણે જણાવ્યું છ કે, રાજયની વિવિધ 16 ચેકપોસ્ટ નાબૂદ કરવામાં આવી છે અને ૨૫ નવેમ્બરથી રાજ્યમાં 16 ચેકપોસ્ટો નાબૂદ કરાશે. ત્યારે 25 નવેમ્બરથી આ 16 ચેકપોસ્ટો નાબૂદ કરતા વાહનોની ઊભા રહેવું નહિ પડે.

મુખ્યમંત્રી રુપાણીએ તાજેતરમાં જ એક ઐતિહાસિક નિર્ણય લીધો છે જેમાં 16 ચેકપોસ્ટ નાબૂદ કરવામાં આવી છે. તમામ 16 ચેકપોસ્ટ નાબૂદ થતાં કોઈ પણ ચાલકે પોતાનો વાહન ઉભું રાખવું નહિં પડે. અને જણાવ્યું હતું કે આ મહત્વના નિર્ણયથી ઈંધણની બચત થશે. સાથે જ રાજ્યની ચેકપોસ્ટો ઉપર ભારે માલવાહક કં. નો ચાર્જ ડાયરેક્ટ માલિકના ખાતામાંથી જમા થશે.બપોરે મુખ્યમંત્રી આ વિશેની સત્તાવાર જાહેરાત કરશે. ઐતિહાસિક નિર્ણય પ્રમાણે, 25 નવેમ્બરથી રાજ્યમાં 16 ચેકપોસ્ટો નાબૂદ કરાશે.

ગુજરાત સરકારે વાહન ચાલકોને આપી મોટી રાહત, RTO ની લાંબી લાઈનમાં ઉભું રહેવું પડશે નહીં

વિજય રુપાણીએ આજરોજ મહત્વના ત્રણ નિર્ણયો લીધા છે જેમાં હવે લાયસન્સ માટે લોકોએ ભારે ભીડનો સામનો કરવો નહિં પડે. તમામ લોકો સરળતાથી લાયસન્સ કઢાવી શકશે, લર્નિંગ લાયસન્સની કામગીરી હવે તાજેતરમાં જ ITI ખાતેથી શરુ કરી દેવામાં આવશે. તેવું એક પત્રકાર પરિષદમાં જણાવ્યું હતું.

1. ITI, પોલિટેકનિક જેવી 250થી વધુ જગ્યાઓથી લર્નિગ લાયસન્સ ઉપલબ્ધ કરી શકાશે. તેના માટે આરટીઓ ઓફિસ સુધી જવાની જરૂર નહિ પડે.
2. ઓનલાઈન સેવામાં અન્ય 7 સેવાનો ઉમેરો કરાયો છે. જેમાં 14 લાખથી વધુ લોકો રિન્યુઅલથી અનેક કામગીરી ઓનલાઈન થઈ શકશે. કમ્પ્યુટર પર અરજી કરીને જ ઈશ્યુ થઈ શકશે.
3. દર વર્ષે 90 લાખ મોટા વાહનો ચેકપોસ્ટ પર ઉભા રહેતા હતા. જેમાં તંત્ર પણ કામે લાગતું હતું. તેથી 20 નવેમ્બરથી રાજ્યની તમામ ચેકપોસ્ટ બંધ થઈ જશે. જેમાં મોટી કંપનીઓને તેમાં રૂપિયા ભરવાના હોય છે. હવે આ તમામ કામગીરી ઓનલાઈન થશે.

ફાગવેલના પૂનમના મેળામાં જતાં ત્રણ યુવાનોને કાળ ભરખી ગયો

લુણાવાડા-અમદાવાદ હાઇવે પર બાલાસિનોરના મહાદેવ મંદિર પાસે કાર અને બાઇક વચ્ચે ગમખ્વાર અકસ્માત સર્જાયો છે. જેમાં બાઇક પર સવાર ત્રણ યુવાનોના મોત નીપજ્યા છે. અને અકસ્માત બાદ કાર ચાલક ઘટના સ્થળેથી ફરાર થઇ ગયો છે. આ મામલે બાલાસિનોર પોલીસે વધુ કાર્યવાહી હાથ ધરી છે

અકસ્માતની જાણ થતાં જ બાલાસિનોર પોલીસ ઘટના સ્થળે દોડી ગઇ હતી અને ત્રણેયના મૃતદેહોને પોસ્ટ મોટર્મ માટે મોકલીને આગળની કાર્યવાહી હાથ ધરી હતી. ત્રણેય યુવાનો એક બાઇક પર બેસીને ફાગવેલ પૂનમના મેળામાં જવા માટે નીકળ્યા હતા. તે સમયે કાર સાથે અથડાતા અકસ્માત સર્જાયો હતો.

કોંગ્રેસના મહિલા ધારાસભ્યે અલ્પેશ ઠાકોર-ધવલસિંહને ગણાવ્યા ડોબા, નવા ધારાસભ્યો માટે કહ્યું કશુંક આવું, જાણો વધુ

દાહોદમાં કોંગ્રેસના જનવેદના આંદોલન કાર્યક્રમ રાખવામાં આવ્યો હતો. જેમાં કોંગ્રેસના અનેક દિગ્ગજ નેતાઓ જોડાયા હતા. આ જનવેદના આંદોલન કાર્યક્રમમાં ભાગ લેવા માટે કોંગ્રી ધારાસભ્ય પણ જોડાયા હતા. જેમાં ગરબાડાના કોંગ્રેસના ધારાસભ્ય ચંદ્રિકા બારિયા કાર્યક્રમમાં પોતાનું ભાષણ આપવા માટે ઉભા થયા હતા.

કોંગ્રેસના આ જનવેદના આંદોલન કાર્યક્રમમાં ગરબાડાના ધારાસભ્ય ચંદ્રિકા બારિયાએ ભાજપમાં પેરાશૂટ બનીને જોડાયેલા અલ્પેશ ઠાકોર અને ધવલસિંહ ઝાલા પર આકરા પ્રહારો કર્યા હતા. ગરબાડાના એમએલએ ચંદ્ગિકા બારિયાએ બફાટ કરતા ભાજપમાં જોડાયેલા અલ્પેશ ઠાકોર અને ધવલસિંહને ડોબા ગણાવ્યા હતા, જ્યારે નવા ચૂંટાયેલા એમએલએને આખલા ગણાવ્યા હતા.

દાહોદ ખાતે કોંગ્રેસનો જનવેદના આંદોલન કાર્યક્રમમાં કોંગ્રી ધારાસભ્યએ અલ્પેશ અને ધવલસિંહ પર કરેલી ટિપ્પણીને લઇને રાજનીતિ ગરમાય તેવા એંધાણ દેખાઇ રહ્યા છે, એટલું જ નહીં, તેમણે નવા ચૂંટાયેલા ધારાસભ્યોને આખલા તરીકેનું ઉપનામ આપીને ચર્ચાનો વિષય બન્યા હતા.

 

 

 

પોલીસ કોન્સ્ટેબલ જિજ્ઞેશ પટેલ અને પત્ની શીતલનું કરૂણ મોત, 6 મહિના પહેલાં જોડીયા બાળકો જન્મ્યા હતા

સાબરકાંઠા જિલ્લામાંથી પસાર થતાં નેશનલ હાઈવે પર  આઈસરે એક્ટિવા ચાલક દંપતીને અડફેટે લેતા તેમનું કમકમાટીભર્યું મોત નિપજ્યું હતું. એક્ટિવાચાલક પોલીસ કોન્સ્ટેબલ અને તેમના પત્નીના મોતને પગલે પોલીસબેડામાં શોક વ્યાપી ગયો હતો. તેઓ તાજેતરમાં જ બદલી થતાં હિંમતનગર બી ડિવિઝનમાં ફરજ બજાવતા હતા. દંપતીને છ મહિના પહેલા જ જોડિયા બાળકોનો જન્મ થયો હતો. બંનેના મોતથી જોડિયા બાળકોએ માતાપિતાની છત્રછાયા ગુમાવી હતી અને અનાથ બન્યા છે.

મળતી વિગતો મુજબ GJ09Z-6467 નંબરની આઈસર ગાડીના ચાલકે ગફલતભરી ડ્રાઈવિંગ કરીને પૂરપાટ વાહન ચલાવીને એક્ટિવા જીજે૦૯સીયુ૮૭૭૪ને ટક્કર મારી હતી. જેમાં જિજ્ઞેશ પટેલ (ઉં.વ.30)નું ઘટનાસ્થળે જ્યારે તેમની પાછળ બેઠેલા શીતલબેન પટેલ (ઉં.વ.30)ને માથે અને શરીરે ગંભીર ઈજાઓ પહોંચી હતી. જેમનું સારવાર દરમિયાન મોત નીપજ્યું હતું. જ્યારે આઈસરના ચાલક ગાડી ઘટનાસ્થળે મૂકીને નાસી છૂટ્યો હતો. આ મામલે હિંમતનગરના એ ડિવિઝન પોલીસ સ્ટેશનમાં ગુનો નોંધીને પોલીસે તપાસ હાથ ધરી છે.

રૂપાણી સરકારે ખેડુતો માટે જાહેર કર્યું 700 કરોડનું પેકેજ, જાણો પેકેજની મહત્વની જોગવાઈઓ વિશે

ગુજરાતની રૂપાણી સરકારે  ખેડૂતો માટે 700 કરોડની સહાયનું પેકેજ જાહેર કર્યું છે. 33 ટકા કરતા વધુ નુકસાન માટે સહાય કરવાની જાહેરાત કરવામાં આવી છે. કેબિનેટની મીટીંગમાં નિર્ણય લેવામાં આવ્યો છે.

આ ઉપરાંત પિયતમાં એક હેકટર દીઠ 13, 500ની સહાય આપવામાાં આવશે. બિન પિયતમાં હેકટર દીઠ 6,800ની સહાય કરાશે. જ્યારે પાકવીમા સિવાય પણ રાજય સરકારે સહાય જાહેરાત કરી છે. લાખ કરતા વધુ ખેડૂતોને સહાય પહોંચાડવામાં આવશે.

સૌરાષ્ટ્રમાં ખાસ કરીને કપાસ અને મગફળીના પાકને મોટું નુકશાન થયુ છે. સૌરાષ્ટ્ર સિવાયના ગુજરાતના વિસ્તારમાં ડાંગર અને અન્ય પાક પર વરસાદી પાણી ફરી વળતા ખેડૂતો પાયમાલ થઈ ગયા છે. આ વર્ષે વરસાદ સારો થતા સારૂ વર્ષ થવાની ખેડૂતોને આશા હતી. ચોમાસાનો સમયગાળો પુરો થયા પછી અચાનક આવેલા ભારે વરસાદે ખેડૂતોની આશા પર પાણી ફેરવી દીધુ છે.

અનેક વિસ્તારોમાં કપાસ, મગફળી, ડાંગર જેવા પાકને ભારે નુકશાન થયુ છે. ખાતર, બિયારણ અને ખેડૂતોની મહેનત નકામી ગઈ છે. વરસાદ પછી તરત સરકારે અસરગ્રસ્ત ખેડૂતો પાસેથી સહાય માટે અરજીઓ મંગાવી હતી. સરકાર દ્વારા ગામેગામ સરવે કરવામાં આવ્યો હતો. સરવેનો અહેવાલ તૈયાર કરવામાં આવ્યો હતો. અહેવાલના આધારે રાજ્ય સરકાર પાસે પણ મદદ માંગવામાં આવી હતી. જે ખેડૂતોનો વીમો નથી તેને સરકારી પેકેજનો મહત્તમ લાભ મળે તેવો સરકારનો પ્રયાસ છે.

નિયમ મુજબના પાક વીમાની ઝડપથી ચુકવણી કરવા કેન્દ્ર સરકારમાં રજૂઆત કરવામાં આવશે. ખેડૂતોને સરકારી પેકેજથી નોંધપાત્ર લાભ મળે તેવી આશા આ પેકેજથી બંધાઈ છે. કોંગ્રેસે ખેડૂતોના પ્રશ્ને આંદોલન શરૂ કરવાની જાહેરાત કરી છે. તેની સંભવિત અસરને ખાળવા સરકારે ગણતરીની કલાકોમાં જ ખેડૂતો માટે રાહત અને સહાયના પગલા જાહેર કર્યા છે.

વાદળછાયા વાતાવરણમાં ખેડુતોએ શું કરવું જોઈએ? વાંચો આ મહત્વની ટીપ્સ

હવામાનમાં વાદળછાયું વાતાવરણને કારણે આગામી દિવસોમાં ખેડુતોને દિવેલા પાકમાં રોગ જીવાત સામે રક્ષણ માટે બનાસકાંઠા જિલ્લા ખેતીવાડી અધિકારી પી.કે.પટેલે નીચે મુજબના પગલા લેવાં જણાવ્યું છે.

માવઠા જેવું વાતાવરણ હોવાના કારણે દિવેલા પાકમાં ઘોડીયા ઇયળનો ઉપદ્રવ જોવા મળે તો ઉભા પાકમાં એકલ દોકલ દેખાતી ઇયળ વિણાવી નાશ કરવો. તેમજ ઉનાળામાં ઊંડી ખેડ કરવાથી કોસેટોનો નાશ થાય છે. છોડ દીઠ ચાર ઇયળો જોવા મળે ત્યારે ક્વિનાલફોસ (૦.૦5%) ૨૦ મીલી. અથવા કલોર્પાયરીફોસ (૦.૦4%) 20 મીલી. દવા 10 લીટર પાણીમાં ભેળવી છંટકાવ કરવા જિલ્લા ખેતીવાડી અધિકારી દ્વારા ભલામણ કરવામાં આવી છે.

30 નવેમ્બર સુધી આધાર સીડીંગ કરાવી શકાશે

પ્રધાનમંત્રી કિસાન સમ્માન નિધિ યોજના અંતર્ગત ભારત સરકારશ્રી દ્વારા આધાર સીડીંગ ઓફ બેનીફીશરીઝ ડેટાની કામગીરી પૂર્ણ કરવાની છેલ્લી તારીક 30 નવેમ્બ નિર્ધારીત થયેલી છે ત્યારબાદ કોઇ સુધારો થઇ શકશે નહીં. તથા આ યોજના હેઠળ લાભ મળવાનો બંધ થઇ જશે. જેની તમામ લાભાર્થી ખેડુતોને નોંધ લેવા જણાવ્યું છે.

આ બાબતોને ધ્યાને લઇ બનાસકાંઠા જિલ્લામાં તા.13-11-2019 તા.16-11-2019 સુધી જિલ્લાની તમામ તાલુકા પંચાયત તથા મામલતદાર ઓફિસ ખાતે આધાર સીડીંગ કેમ્પનું આયોજન હાથ ધરવામાં આવે છે. જેને ધ્યાને લઇ વધારેમાં વધારે લાભાર્થી ખેડૂતોએ કેમ્પની મુલાકાત લઇ આધાર સીડીંગની કામગીરી પૂર્ણ કરાવવી જેથી યોજનાઓનો લાભ લઇ શકાય. આ ઉપરાંત તા.30-11-2019 સુધીમાં આધાર સીડીંગની કામગીરી ગ્રામ્ય લેવલે વી.એલ.ઇ, તલાટી દ્વારા પણ થઇ શકશે. જેની તમામ ખેડૂતો મિત્રોએ નોંધ લેવા જિલ્લા ખેતીવાડી અધિકારી બનાસકાંઠા દ્વારા જણાવાયું છે.

 

ધારાસભ્યોની પ્રવેશબંધી, વીમા કંપનીઓની તાળાબંધીનો હૂંકાર કરતો હાર્દિક પટેલ

માવઠા અને અતિવૃષ્ટિના કારણે ખેતીને થયેલા નુકસાન, પાક વીમા, બિયારણ સહિતના ખેડૂતોના વિવિધ પ્રશ્નોને ધ્યાને લઇ કોંગ્રેસના સ્ટાર પ્રચારક અને પાટીદાર અનામત આંદોલનના પ્રણેતા હાદિર્ક પટેલે આજે પડધરી નજીક બાયપાસ પાસે આવેલી હોટલ નજીક પ્રતિક ઉપવાસ કર્યા હતા અને તેમાં કિસાન સંઘના આગેવાનો કાર્યકરો ખેડૂતો મોટીસંખ્યામાં જોડાયા હતા.

પ્રતીક ઉપવાસ આંદોલન શરુ કરતા પહેલા ઉપસ્થિત જનમેદનીને સંબોધતા હાદિર્ક પટેલે જણાવ્યું હતું કે પાક વીમા સહિતના પ્રશ્ને ખેડૂતોને હેરાન પરેશાન કરવામાં આવે છે .પ્રીમિયમ ભર્યા પછી પણ જો કંપની વીમો ન ચૂકવે તો આવી કંપનીને તાળાબંધી કરવાનું એલાન હાદિર્ક પટેલે આપ્યુ હતું.

હાદિર્ક પટેલે વધુમાં જણાવ્યું હતું કે ખેડૂતોના પ્રશ્નોને વાચા આપવા અને તેના ઉકેલમાં ધારાસભ્યોની મહત્વની ભૂમિકા હોય છે .જો કોઈ ધારાસભ્ય આ ફરજ બજાવવામાં પાછળ પડે તો તેને તેના મતવિસ્તારમાં પ્રવેશબંધી કરવા જેવા કાર્યક્રમો પણ ખેડૂતોએ આપવા જોઈએ. પાક વિમા સહિતના પ્રશ્ને ખેડૂતોએ જાગૃત થવાની જરુર છે.

પડધરી બાદ હવે આગામી ત્રણ-ચાર દિવસમાં ઉપલેટા ખાતે હાદિર્ક પટેલ પ્રતિક ઉપવાસ આંદોલન કરશે અને તે મુજબ અલગ-અલગ દિવસોએ જુદા જુદા સ્થળે ઉપવાસ આંદોલન કરી સરકારને જાગૃત કરવા માટે આંદોલનના મંડાણ કરશે.

જો ખેડૂતોને સાત દિવસમાં પાક વીમો નહી મળે તો પોતે ખેડૂતોના પ્રશ્ને આંદોલન શરુ કરશે એવી જાહેરાત એકાદ સપ્તાહ પહેલા હાદિર્ક પટેલે રાજકોટમાં કરી હતી અને ત્યાર બાદ આજે પડધરીથી પોતાના આંદોલનના મંડાણ આ હાદિર્ક પટેલે કરેલા છે.

 

મોરબીમાં કપાસના ઓછા ભાવથી નારાજ ખેડૂતોએ હરાજી અટકાવી

મોરબીના માર્કેટિંગ યાર્ડમાં ખેડૂતોને કપાસના ભાવ ઓછા આપવામાં આવતા હોય અને નારાજ ખેડૂતોએ યાર્ડમાં હરાજી જ અટકાવી દીધી હતી. જેથી સોમવારે હરાજી બંધ રાખવામાં આવી હતી.

બનાવની મળતી માહિતી મુજબ દિવાળી બાદ માર્કેટ યાર્ડમાં કપાસની આવક જાવા મળી રહી છે અને આજે મોરબીના માર્કેટિંગ યાર્ડમાં ખેડૂતો કપાસ લઈને પહોંચ્યા હતા. જાકે યાર્ડમાં પહોંચેલા ૩૦૦ જેટલા ખેડૂતોને કપાસનો ભાવ અયોગ્ય લાગ્યો હતો.

યાર્ડમાં કપાસનો ભાવ ૮૫૦થી ૯૫૦ સુધી આપવામાં આવતો હતો. જાકે ખેડૂતોએ કપાસનો ભાવ રૂ. ૧૦૦૦થી ૧૧૦૦ મળવા જાઈએ. તેવી માંગણી કરી હતી અને કપાસનો ભાવ પુરતો ના મળતો હોવાથી નારાજ ખેડૂતોએ હરાજી બંધ કરાવી હતી. જેથી આજ પુરતી યાર્ડમાં હરાજી બંધ રહેવા પામી હતી.

ગિરનારની લીલી પરિક્રમા એક દિવસ પહેલા પૂર્ણ, એક લાખથી વધારે યાત્રિકો ગિરનાર ચઢયા

જૂનાગઢમાં ગિરનાર પરિક્રમા સાંજે એક દિવસ વહેલી પૂરી થઈ ગઈ હોય તેમ યાત્રિકોનો પ્રવાહ એકલ-દોકલ રહ્યો છે, જેથી એક દિવસ પહેલા જ જંગલ ખાલી અને તમામ અન્નક્ષેત્ર, ઉતારા મંડળોએ પોતાનો સામાન પણ આટોપી લેતા પરિક્રમા શંતિપૂર્ણ રીતે પૂર્ણ થઈ છે. જા કે હજુ આજનો દિવસ બાકી છે, પણ ૫૦-૧૦૦ યાત્રિકો આવી રહ્યા હોય જંગલ ખાલી થયું છે. આ વર્ષે આજ સાંજ સુધીમાં ૫.૭૫ લાખ યાત્રિકોએ પરિક્રમા પૂરી કરીને પુણ્યનું ભાથું બાંધી પોત-પોતાના વતન ભણી વાટ પકડી હતી.

ગીરનારની લીલી પરિક્રમા માટે તંત્રએ અગાવથી કરેલા આયોજનના કારણે છેક એક દિવસ પહેલા જ ગેઇટ ખોલવામાં આવ્યો હતો, ત્યારે આ ચાર દિવસમાં ૫.૭૫ લાખ યાત્રિકોએ પરિક્રમા પૂરી કરી હોવાનું નોધાયું છે. હજુ એકલ-દોકલ યાત્રિકો મળીને ૫ થી ૧૦ હજાર યાત્રિકો બોરદેવીથી આગળ હોવાનું માનવામાં આવે છે. હાલ મોટા ભાગનો સમૂહ ભવનાથમાં ઉમટી પડયો છે. તેમના મોટા ભાગના યાત્રિકો ઘરે જવા રવાના થઈ ગયા છે.

અન્નક્ષેત્ર અન ઉતારા મંડળના અગ્રણી ભાવેશભાઈ વેકરીયાએ જણાવ્યું એક ગતવર્ષની સરખામણીએ આ વર્ષે ૫૦ ટકા યાત્રિકો ઓછા આવ્યા હતા. કારણ કે કમોસમી વરસાદ અને વાવોઝોડાની અસરથી એક ભય ઉભો કરી દેવામાં આવ્યો હતો. જેના લીધે યાત્રિકોનું આગમન જાઈએ તેવું થયું ન હતું. અન માટે તંત્રએ પહેલેથી તૈયારી કરી લેવી જાઈતી હતી. પરંતુ ધારણા કરતા ઓછા યાત્રિકો આવ્યા હતા.

પરિક્રમા દરમિયાન આ વખતે કુલ ચાર યાત્રિકોના એટેક આવી જવાથી મોત નીપજ્યાનું નોધાયું છે. તા.૯ ના રોજ ભાવનગરના અશોક ચણા રાઠોડ ઉ.૩૫, અને ગીર ગઢડાના દ્રોણ ગામના ગોબર ભોળા ડાભી ઉ.૬૦ નું એટેક આવી જતા મોત નીપજ્યા બાદ ગઈકાલે રાતે અમદાવાદના બાવળાના જીગ્નેશ ઠાકર ઉ.૪૩ નું નળપાણીની ઘોડીએ અને આજે બપોરે માળવેલા ઘોડીએ અમદાવાદના ઓઢવમાં રહેતા જીતેન્દ્ર પ્રમોદ વ્યાસ ઉ.૪૦ નું એટેક આવી જતા મોત થયું છે