કોરોનાને કારણે ગુરૂવારે 7ના મોત સાથે દેશમાં કુલ મરણાંક 20, દર્દીઓની સંખ્યા 724 પર પહોંચી

કોરનાવાયરસનો પ્રસાર દેશમાં ખુબ ધીમાં પગલે ચાલી રહ્યો છે અને જો લોકો હજુ પણ લોકડાઉનનો સાચો અર્થ નહીં જ સમજે તો તેમાં મોટો ઉછાળો આવવાની સંભાવના છે. કોરોના વાયરસથી ગુરુવારે દેશભરમાં કુલ 7 લોકોના મોત થયા છે. જે ભારતમાં આ વાયરસથી એક જ દિવસમાં મૃત્યુનો સૌથી મોટો આંકડો છે. આ સાથે જ દેશમાં કોરોનાના સંક્રમણથી મૃત્યુ પામનારાઓની સંખ્યા 20ને પાર પહોંચી ગઈ છે. તેમજ અહેવાલ અનુસાર નવા 88 કેસ દાખલ કરવામાં આવ્યા છે. જેમાં દિલ્હીમાં 4 કેસ આવ્યા છે. રાજ્યોના અહેવાલ નુસાર ભારતમાં કોરોનાના સંક્રમિત દર્દીઓની સંખ્યા 724 પર પહોંચી છે. જ્યારે દુનિયામાં આ વાયરસથી સંક્રમિત લોકોની સંખ્યા 5 લાખ 31 હજારથી વધારે થઈ ચૂકી છે. જ્યારે મૃત્યુ પામનારની સંખ્યા 24 હજારથી વધુ થઈ ગઈ છે. તો 1 લાખ 23 હજારથી વધુ લોકોએ આ વાયરસ સામેની લડાઈ જીતીને નવજીવન મેળવ્યું છે.

દેશમાં મરણાંક કુલ 20 થયો, નવા 88 કેસની સાથે કુલ દર્દી 724

સ્વાસ્થ્ય મંત્રાલયના મતે મોતની કુલ સંખ્યા 16 છે જ્યારે 88 નવા કેસની માહિતી આપી છે. તેના મતે સંક્રમિત લોકોની સંખ્યા 694 છે. તેમાં મુંબઇના બે મોત (બંને 65 વર્ષની મહિલાઓ છે) ને જોડાતા નથી. આ સિવાય જમ્મુ-કાશ્મીરમાં સોપોરના એક 65 વર્ષના વેપારી અને રાજસ્થાનના ભીલવાડાના રહેવાસી 73 વર્ષના એક વ્યક્તિના મોતના સમાચાર પણ છે. આપને જણાવી દઇએ કે આ સંક્રમણથી અત્યાર સુધીમાં વૃદ્ધ લોકોની મોતની સંખ્યા વધુ છે. રાજસ્થાનના સ્વાસ્થ્ય મંત્રી રઘુ શર્માએ આ અંગે કહ્યું કે ડાયાબીટીસના દર્દી, કિડની રોગ, અને સ્ટ્રોકથી પીડિત હતા.

મધ્યપ્રદેશમાં કોઇ ટ્રાવેલ હિસ્ટ્રી ન ધરાવતા 35 વર્ષિય વ્યક્તિનું મોત

મધ્યપ્રદેશે પણ બીજા મોતાની માહિતી આપી છે. એક 35 વર્ષની વ્યક્તિ (જેની વિદેશ યાત્રાનો કોઇ ઇતિહાસ નહોતો) જેને તાવ, ઉધરસ અને શ્વાસ લેવામાં તકલીફની ફરિયાદ બાદ હોસ્પિટલમાં દાખલ કરાયા હતા. ત્યાં હોસ્પિટલમાં કોવિડ-19 પોઝિટિવ જોવા મળ્યો હતો અને તેમની ઇન્દોરમાં સારવાર દરમ્યાન મોત થયું. આની પહેલાં રાજ્યની એક 65 વર્ષની મહિલાએ બીમારીના લીધે છેલ્લા શ્વાસ લીધા હતા.

ગુજરાતમાં પોઝિટિવ કેસની સંખ્યા 44 પર પહોંચી, કેરળમાં 19 નવા કેસ સાથે સંખ્યા 137

ગુજરાતમાં ગુરૂવારના રોજ એક 70 વર્ષના વ્યક્તિનું મોત અને પાંચ નવા પોઝીટીવ કેસ દાખલ થયા. રાજ્યમાં પોઝીટીવ લોકોની સંખ્યા 44 સુધી પહોંચી ગઇ છે. જ્યારે 3 લોકોના મોત થયા છે. ભાવનગરના રહેવાસી પીડિત તાજેતરમાં જ દિલ્હીથી આવ્યા હતા. સ્થાનિક અધિકારીઓએ કહ્યું કે તેઓ કેન્સર, ડાયાબીટીસ અને હાર્ટના દર્દી હતા. કેરળમાં અત્યાર સુધીમાં કોઇનું કોવિડ-19થી મોત થયું નથી. જો કે રાજ્યમાં ગુરૂવારના રોજ વધુ 19 કેસ નવા નોંધાયા. અહીં અત્યાર સુધીમાં 137 દર્દી છે જે દેશના કોઇપણ રાજ્યમાં સૌથી વધુ છે.

મહારાષ્ટ્રમાં 8 નવા કેસ સાથે દર્દીની સંખ્યા 130 પર પહોંચી

અન્યની વાત કરીએ તો મહારાષ્ટ્રમાં 8 નવા કેસ સામે આવ્યા છે. અહીં કુલ 130 કેસ છે. જ્યારે કર્ણાટકમાં 55, તેલંગાણામાં 45 અને ગુજરાતમાં44 છે. દિલ્હીમાં 4 નવા કેસ સામે આવતા તેની સંખ્યા 39 થઇ ગઇ છે. સ્વાસ્થ્ય મંત્રાલયના સંયુક્ત સચિવ લવ અગ્રવાલે કહ્યું કે કોરોના સંક્રમણની સંખ્યા વધી રહી છે. જે દરથી તેઓ વધી રહ્યા છે તે અપેક્ષાકૃત સ્થિર થઇ રહ્યા છે. જો કે આ માત્ર પ્રારંભિક ટ્રેન્ડ છે. તેના પર કંઇ ખાસ વધુ કહી શકાય નહીં.