અમેરિકાની સ્પેસ એજન્સી નાસાએ એસ્ટરોઇડ શોધી કાઢ્યું છે જે સંપૂર્ણ રીતે લોખંડથી બનેલું છે. તેમાં ઘણું આયર્ન છે. જો તેને પૃથ્વી પર લાવીને આ લોખંડને વેચવામાં આવે તો પૃથ્વી પર રહેતા દરેક વ્યક્તિને આશરે એક અબજ પાઉન્ડ એટલે કે 9621 કરોડ રૂપિયા મળશે.
નાસાએ આ ગ્રહને 16-સાઈકી(16 Psyche) નામ આપ્યું છે. આ આખાય અસ્ટોરોઈડ પરનાં આયર્નનું કુલ મૂલ્ય લગભગ 8000 ક્વોડ્રિલિયન પાઉન્ડ છે. એટલે કે 8000ની પાછળ 15 ઝીરો હોવાનું અંકાય છે. બ્રિટીશ મેગેઝીન ધ ટાઇમ્સ અનુસાર 8000 ક્વોડ્રિલિયન પાઉન્ડ (8,000,000,000,000,000,000 પાઉન્ડ) એટલે કે પૃથ્વી પરના દરેક વ્યક્તિને એક અબજ પાઉન્ડ એટલે કે 9621 કરોડ રૂપિયા મળશે. આ કિંમત એસ્ટોરોઈડના નાના તારા પરનાં આયર્નની છે.
નાસાએ આ ગ્રહ પરના લોખંડનું પરીક્ષણ કરવા માટે તેના સ્પેસક્રાફ્ટમાંથી એક મિશન શરૂ કરવા માટે સ્પેસ એક્સ ના માલિક એલોન મસ્કની મદદ માંગી છે. આ એસ્ટરોઇડનો વ્યાસ 226 કિમી છે. તે પાંચ વર્ષમાં આપણા સૂર્યની આસપાસ ફરે છે. તેનો એક દિવસ 4.196 કલાકનો છે.
આ એસ્ટોરોઈડનું વજન પૃથ્વીના ચંદ્રના વજનના લગભગ એક ટકા જેટલું છે. પરંતુ આ આખું અસ્ટોરોઈડ આયર્નનું છે. તે મંગળ અને ગુરુ વચ્ચે છે.
નાસાનું કહેવું છે કે આ ગ્રહ ગ્રહને પૃથ્વીની નજીક લાવવાની કોઈ યોજના નથી. પરંતુ તેના પર પહોંચીને લોખંડની ચકાસણી કરવાની યોજના બનાવવામાં આવી રહી છે. જો સ્પેસ એક્સ તેના અંતરિક્ષયાનથી આ ગ્રહ પર રોબોટિક મિશન મોકલે છે, તો ત્યાં અભ્યાસ કરીને પરત ફરવામાં ઓછામાં ઓછા સાત વર્ષનો સમય લાગશે.