ન્યૂડ ફોટોશૂટ : નગ્ન ફોટો પાછળના રહસ્યો ખોલતી મોડેલ, જાણો કેવો હતો અનુભવ?

મેગેઝિન માટે મોડલ્સનું ન્યૂડ અથવા ટોપલેસ ફોટોશૂટ હંમેશા ચર્ચાનો વિષય રહે છે. એક્ટ્રેસ અને મોડલ્સના આ બોલ્ડ ફોટોશૂટ સોશિયલ મીડિયામાં ખૂબ વાઈરલ થાય છે અને લોકો તેના પર જાત-જાતની પ્રતિક્રિયાઓ આપે છે. હાલમાં જ બોલિવૂડ એક્ટ્રેસ કિયારા આડવાણીએ ડબ્બુ રત્નાનીના બોલિવુડ કેલેન્ડર માટે ન્યૂડ ફોટોશૂટ કરાવ્યું જે ખૂબ ચર્ચામાં છે અને તેના પર લોકોની જાતજાતની કોમેન્ટ પણ આવી છે.  જોવામાં ઘણાને આકર્ષક લાગતા આ ફોટોશૂટને કરવા પાછળની હકીકત કંઈક અલગ જ છે. તમે ક્યારેય વિચાર્યું પણ નહીં હોય કે ન્યૂડ ફોટોશૂટ માટે મોડલ્સને કેવી-કેવી સ્થિતિઓમાંથી પસાર થવું પડે છે.

હાલમાં એક મોડલે ખૂલાસો કર્યો છે કે બોલ્ડ ફોટોશૂટ કરાવતા સમયે હકીકતમાં કેવું ફીલ થાય છે અને એક પરફેક્ટ શોટ માટે તેમને કેવી-કેવી મુશ્કેલીઓનો સામનો કરવો પડે છે. મોડલનું કહેવું છે કે, ‘ફોટો જોઈને લોકોને લાગે છે કે આ પરફેક્ટ ફોટો કેટલી સરળતાથી ક્લિક કરાઈ છે. પરંતુ લોકોથી ભરેલા એક રૂમમાં કપડા ઉતારીને શોટ આપવાનું એટલું સરળ નથી.’

આ મોડલે સોશિયલ મીડિયા પર પોતાનો અનુભવ શેર કરીને જણાવ્યું કે 10 વર્ષ પહેલા કરાવેલા ન્યૂડ ફોટોશૂટે કેવી રીતે પોતાની બોડીને લઈને તેનો કોન્ફીડન્સ ખતમ કરી નાખ્યો. તે સમયે આ મહિલા ખુદ મેગેઝિનમાં કામ કરતી હતી. તેણે જણાવ્યું કે મેગેઝિનની એડિટર તેવી મહિલાઓ પર સ્ટોરી કરવા ઈચ્છતી હતી જે સ્કીન અને બોડીને લઈને બિલકુલ ચિંતા મુક્ત હોય.

ન્યૂડ ફોટોશૂટ કરાવનારી મોડલ લખે છે, ‘મારી હેલ્થ સારી હતી, હું ફિટ અને સ્ટ્રોન્ગ હતી અને મારી કમર પણ પાતળી હતી. જોકે મને મારી બોડીના કેટલાક ફીચર્સ પસંદ નહોતા, પરંતુ તેની ચિંતા કર્યા વિના હું મારી બોડીને લઈને ખૂબ સારું ફીલ કરતી હતી. જ્યારે મને ન્યૂડ ફોટોશૂટ માટે પૂછવામાં આવ્યું તો મેં તરત હા પાડી દીધી. મને વિશ્વાસ હતો કે 10 વર્ષ બાદ મને પોતાના આ નિર્ણયથી ખુશી મળશે.’

મોડલે આગળ લખ્યું, ફોટોશૂટવાળા દિવસે નિર્વસ્ત્ર થવા સાથે હું ઉત્સાહિત પણ હતી. શૂટ પહેલા મારી હેર સ્ટાઈલ ચેન્જ કરાઈ અને મેકઅપ કરાયો. આર્ટ ડાયરેક્ટર અને ફોટોગ્રાફર એકબીજા સાથે વાતો કરી રહ્યા હતા કે મારું ફોટોશૂટ કેવી રીતે શરૂ કરવું. હું તેમની સામે નેકેડ થઈને ઊભી હતી અને તેઓ મારી બોડીને ઊપરથી નીચે સુધી જોઈ રહ્યા હતા અને વાત કરી રહ્યા હતા કે મારી કમર અહીંથી થોડી પાતળી છે અને મારા કેટલાક બોડી પાર્ટ્સ શેપમાં નથી.

મોડલના કહેવા મુજબ, ‘તેઓ મારા બોડી પાર્ટ્સ તરફ ઈશારો કરીને હાથથી જણાવી રહ્યા હતા કે મારે કેવી રીતે પોઝ આપવો. મારે કઈ વસ્તુ બતાવવાની છે અને કયા પાર્ટને છુપાવવાનો છે. જોકે મારી આર્ટ ડાયરેક્ટર અને ફોટોગ્રાફર મહિલાઓ જ હતી, પરંતુ તેઓ જે રીતે મારા બોડી પાર્ટ્સ પર વાત કરીને હસી રહ્યા હતા. હું અંદરથી તૂટી રહી હતી. ફોટોગ્રાફર મને વારંવાર પૂછી રહી હતી કે હું સમજી રહી છું ને શોટ કેવી રીતે આપવાનો છે અને હું માથું હલાવતી રહી. મેં મારો બેસ્ટ શોટ આપવાનો પૂરો પ્રયાસ કર્યો. મને કાઉચ પર સૂવા માટે કહેવાયું, જ્યારે હું ઊંઘી ગઈ તો તે કહેવા લાગી કે આ નહીં ચાલે. મને વારંવાર પોઝ ચેન્જ કરવા માટે કહેવાઈ રહ્યું હતું. આખરે તેમને તેમનો પરફેક્ટ શોટ મળી ગયો.’