બ્રિટનની મહિલા ફોટોગ્રાફર એલિસને બે નહીં પણ ચાર સ્તન

બ્રિટનની ફોટોગ્રાફર અને કેમેરા ઓપરેટર તરીકેનું કામ કરતી એક યુવતીને એક ડિસઓર્ડરના કારણે ચાર સ્તન હતા જેને દૂર કરાવવા માટે તેણે ખાસ્સો ખર્ચ કરવો પડ્યો છે. 22 વર્ષીય ફોએબ ઈલિસને તેની બગલ નીચે બે વધારાના સ્તન હતા જે તેને 12 વર્ષની ઉંમરે પ્રથમ વખત જોવા મળ્યા હતા. શરૂઆતમાં તેને તેનાથી શરમ આવતી હતી અને તેણે પોતાના ટીનેજ વર્ષો તેના શરીર કરતા મોટા કપડા પહેરીને વિતાવ્યા હતા જેથી કરીને તેના શરીરના તે વધારના અંગ તરફ કોઈનું ધ્યાન ન જાય. હર્ટફોર્ડશાયરની રહેવાસી એલિસને એક દાયકા બાદ પોતાની બીમારી અંગે ખ્યાલ આવ્યો હતો. એક ખાનગી ડોક્ટરે તેને કહ્યું હતું કે તેને સ્તનને લગતો એક ડિસઓર્ડર હતો.

આવી સ્થિતિમાં વધારાના સ્તન ક્યારેક નિપ્પલ સાથે પણ જોવા મળતા હોય છે. એલિસ જ્યારે પીરિયડમાં થતી હતી ત્યારે સામાન્ય સ્તનની જેમ તેને આ વધારાના સ્તનમાં પણ દુખાવો થતો હતો. 2019 સુધી તેને એવું જ લાગતું હતું કે તેના બગલની નીચે વધારાનું ફેટ છે અને તેને તે પણ ડર લાગવા લાગ્યો હતો કે કદાચ તે કેન્સરની ગાંઠ હશે. જોકે, 2019મા તેણે સર્જરી કરાવી દીધી હતી. એલિસ ઘણી વખત એનએચએસ હોસ્પિટલમાં ગઈ હતી પરંતુ પ્રત્યેક વખતે તેને ત્યાં સર્જરી કરવાની ના પાડી દેવામાં આવી હતી. એનએચએસનું કહેવું છે કે તેને કોસ્મેટિકને લગતી સમસ્યા છે તેથી તે મફત સર્જરી માટે એલિજિબલ નથી. જોકે, એલિસ જાણતી હતી કે એનએચએસમાં કેટલીક મહિલાઓને સ્તન નાના કરવાની સર્જરી કરવામાં આવી હતી. એલિસે કહ્યું હતું કે મારા માટે આ સ્થિતિ ઘણી ત્રાસદાયક રહી હતી. મને મારું શરીર જોવું પણ ગમતું ન હતું. મને તેને લઈને ઘણી શરમ આવતી હતી અને તેના કારણે જ હું ક્યારેય મારા બોયફ્રેન્ડ સાથે ઈન્ટિમેટ થઈ શકી ન હતી. હું અન્ય લોકો સાથે પણ સરળતાથી રહી શકતી ન હતી.

એલિસ 12 વર્ષની હતી ત્યારે તેને ખ્યાલ આવ્યો કે તેની ડાબી બાજુની બગલ નીચે ટેનિસ બોલ આકારનો વધારાનો સ્તન છે. જ્યારે 15 વર્ષની વયે તેને ખ્યાલ જમણી બાજુ પણ વધારાનો સ્તન જોવા મળ્યો હતો. તેને ખ્યાલ જ ન હતો આવતો કે આ હકિકતમાં છે શું. એલિસ માટે સૌથી વધારે ખરાબ વાત એ હતી કે તેને પોતાના પરિવાર સાતે સ્પેનના એસ્ટેપોનામાં રહેવું પડ્યું હતું. તેણે કહ્યું હતું કે હું બીચ પર બિકિની પહેરી શકતી ન હતી અને સ્વિમિંગ કરવા જવામાં હું હંમેશા બહાના બનાવી દેતી હતી. મને હંમેશા જુઠ્ઠુ બોલીને બહાના બતાવવાથી ખરાબ લાગતું હતું. હું સેક્સી દેખાતી ન હતી. હું હંમેશા મોટી-મોટી ટીશર્ટ પહેરતી હતી. માસિસ સ્ત્રાવ વખતે તેના વધારાના બંને સ્તનમાં પણ દુખાવો થતો હતો. પહેલા તો મને વધારાની ચરબી હોય તેવું લાગ્યું હતું. મારા અસલ સ્તન પણ ઘણા મોટા છે જેથી મને લાગતું હતું કે અહીં પણ વધારાની ચરબી જ હશે.