આ કારણથી અમદાવાદમાં મહિલાએ એક સેલ્સગર્લનું અપહરણ કરી તેના ગુપ્તાંગમાં ભરી દીધી મરચાની ભુકી

અમદાવાદના વાડજમાં રહેતી 22 વર્ષની સેલ્સગર્લનું એક વેપારીની પત્ની અને તેની બહેનપણીએ અપહરણ કરી એક મકાન પર લઇ જઇ માર મારીને આ યુવતીના કપડા કાઢી નાખી તેના ગુપ્તભાગે મરચાની ભુકી ભરી દીધી હતી અને સાથે જ તેનો બિભત્સ વિડિયો ઉતારીને ફોટા પાડી વાઇરલ કરવાની ધમકી આપી હતી. કારણ માત્ર એટલું હતું કે આ સેલ્સગર્લના મહિલાના પતિ સાથે અનૈતિક સંબંધ હોવાની વાત મહિલાને જાણવા મળી હતી અને પોતાના પતિને કંઇ કરવાને બદલે મહિલાએ સેલ્સગર્લ પર બધી દાઝ કાઢી હતી. આ અંગે વાડજ પોલીસે ગુનો નોધી તપાસ હાથ ધરી છે.

વાડજ વિસ્તારમાં રહેતી ૨૨ વર્ષીય યુવતી નારણપુરાની એક કપડાની દુકાનમાં સેલ્સગર્લનોકરી કરતી હતી. આ દુકાનના માલિક અને આ સેલ્સ ગર્લ સાથે રહેતા હોવાથી બંને વચ્ચે પ્રેમ થઇ ગયો હતો. બે વર્ષ સુધી સબંધ રાખ્યો હતો પરંતુ નોકરી છોડી દેતાં વેપારી સાથેનો સંપર્ક તુટી ગયો હતો. છેલ્લા ચાર મહિનાથી ફરી સંપર્કમાં આવ્યા હતા અને ફોન પર વાત કરતા હતા.

આ સેલ્સગર્લ ૩૦મી જાન્યુઆરીએ રાત્રે આઠ વાગ્યાની આસપાસ પ્રગતીનગર ખાતેથી ચાલતી ઘરે જતી હતી આ સમયે વેપારીની પત્ની અન્ય મહિલા સાથે એક્ટીવા પર આવીને સેલ્સગર્લના હાથમાંથી મોબાઇલ લઇ લીધો હતો અને તે પછી તેને એક્ટીવા પર બેસાડી એક મકાનમા લઇ ગયા હતા.  બંને મહિલાએ ભેગી મળીને સેલ્સગર્લને મકાનમાં લઇ ગઇ હતી, જ્યાં એક ત્રીજી મહિલા પણ પહેલાથી હાજર હતી, તે પછી આ ત્રણેએ મળીને સેલ્સગર્લને માર માર્યો હતો, તે પછી વેપારીની પત્નીએ પોતાની બંને સહેલીને સેલ્સગર્લના  કપડા કાઢીને તેના ગુપ્તાંગમાં મરચાની ભુકી  ભરવાનું કહ્યું હતું અને તેની બંને સહેલીઓએ તેના કહ્યા મુજબ જ કરીને તેના ગુપ્તાંગમાં મરચાની ભુકી ભરી દીધી હતી.  જ્યારે તે પીડાથી ચીસ પાડી રહી હતી ત્યારે એ ત્રણે મળીને  મોબાઇલમાં વીડિયો ઉચતારી રહી હતી.