ભાજપના નેતાનું “પૌવા સાયન્સ” વાયરલ: “પૌવા” ભારતીય છે કે બાંગ્લાદેશી? ટવિટર પર ભારે ચર્ચા

એક માણસના નાગરિકત્વની ઓળખ કરવા માટે દુનિયાભરની સરકારો અનેક પ્રકારના ડોક્યુમેન્ટ્સ માંગે છે. ડોક્યુમેન્ટ્સ ન હોય તો મેડીકલ કરવામાં આવે છે. પરંતુ ભાજપના રાષ્ટ્રીય નેતા અને મહાસચિવ કૈલાશ વિજય વર્ગીય નાગરિક્તાની ઓળખ ચપટી વગાડતા જ કરી નાંખે છે.

ગુરુવારે ઈન્દૌરના કાર્યક્રમમાં આવેલા કૈલાશ વિજય વર્ગીયે કહ્યું કે કેટલાક લોકો મારા ધરે મજૂરી કરવા આવ્યા હતા. હકીકતમાં તેઓ બાંગ્લાદેશી હતા. આ વાત તેમણે લોકોને કહી પણ પોલીસને જણાવી ન હતી. તેમણે કહ્યું કે મારા ઘરમાં નિર્માણકાર્ય ચાલી રહ્યું હતું ત્યારે મજૂરોની ખાવાની સ્ટાઈલ મન અજબ લાગી. તેઓ માત્ર પૌવા ખાઈ રહ્યા હતા. તેમના સુપરવાઈઝરને પૂછ્યું અને શંકા દર્શાવી હતી.સુપરવાઈઝરે કહ્યું કે પ.બંગાળના છે. પ,બંગાળના જિલ્લાનું નામ પૂછ્યું તો મજૂરો કોઈ પણ જિલ્લાનું નામ આપી શક્યા નહીં. બીજા દિવસથી મજૂરો ગાયબ થઈ ગયા હતા. એટલે મને ખાતરી થઈ ગઈ કે આ મજૂરો બાંગ્લાદેશી હતા.

વિજય વર્ગીયનું આ ભાષણ ઝડપથી વાયરલ થયું અને ટવિટર પર લોકોએ પૌવાને લઈ ચર્ચા શરૂ કરી દીધી. એક જણાએ લખ્યું કે હું પૌવા ખાઉં છું,પણ હું બાંગ્લાદેશી નથી, ભારતીય છું. આ સાથે અન્ય એક જણાએ પીએ મોદી, ગૌતમ ગંભીર અને અન્ય ખેલાડીઓનો પૌવા ખાતો ફોટો શેર કરી લખ્યું કે આ લોકો પણ પૌવા ખાય છે તો શું કહેવું છે આના માટે વિજય વર્ગીયએ?

ટવિટર પર લોકોએ કૈલાશ વિજય વર્ગીયના નિવેદન સાથે રમૂજી તથા ગંભીર પ્રકારની એમ બન્ને પોસ્ટનો મારો ચલાવ્યો હતો કેટલાકે લખ્યું કે પૌવા ખાવાથી મજૂરો ક્યાનાં નાગરિક છે તે વિજય વર્ગીયએ કેવી રીતે શોધી કાઢ્યું? અનેક સવાલો સાથે ટવિટર પર કૈલાશ વિજય વર્ગીય અને પૌવા ટ્રેન્ડ કરી રહ્યા છે.