આખ્ખે આખ્ખી કાર બનાવી બરફમાંથી, હવે બરફમાંથી તાજમહેલ બનાવવાની ઈચ્છા રાખતો યુવાન છે કોણ?

જમ્મુ કાશ્મીરના શ્રીનગરના એક યુવકે પોતે સંપૂર્ણ બરફમાંથી બનાવેલી સ્નો કાર સોશિયલ મીડિયા પર વાયરલ થઇ છે. પર્યટકોએ તે સ્નો કારને સોશિયલ મીડિયા પર શેર કરીને પ્રશંસા કરી છે. સ્નો કારને ઝુબૈર અહમદ  નામક યુવાને બનાવી છે.

શહેરના લોકો અને પર્યટકો આને દૂર દૂરથી જોવા માટે આવી રહ્યા છે અને તેની સાથે ફોટો લઇ રહ્યા છે. લોકો દ્નારા કરવામાં આવી રહેલી પ્રશંસા બાબતે ઝુબૈરે કહ્યું કે, તેનું સપનું બરફની કેટલીક આકૃતિઓ બનાવવાનું છે જેને દુનિયાના લોકો જોવા આવે.

ઝુબૈર કહે છે કે, તેને બાળપણથી ફાઇન આર્ટ્સ પસંદ છે. તે બરફથી અલગ અલગ વસ્તુઓ બનાવે છે અને સાધનો હોય તો બરફનો તાજમહલ પણ બનાવી શકે છે. આ કારને બનાવવામાં તેની મદદ તેના મિત્રોએ પણ કરી હતી. તેમનું કહેવું છે કે જો સરકાર પ્રોત્સાહિત કરે તો અહીં પણ ચીન અને જાપાનની જેમ સ્નો ફેસ્ટિવલનું આયોજન કરી શકાશે.