ફિલ્મ અભિનેત્રી સોનમ કપૂર અને આનંદ આહુજા બોલિવુડના સૌથી ચર્ચિત કપલમાંથી એક છે. આ કપલ હંમેશા એકબીજા સાથે વેકેશનનો આનંદ માણતું જોવા મળે છે અને તેઓ પોતાના વેકેશનના ફોટાઓ તેમજ વીડિયો સોશિયલ મીડિયા પર શેર કરતાં રહે છે. સોનમે 2019ના વર્ષના છેલ્લા દિવસની વિદાય સમયનો એક વીડિયો પોતાના ઇન્સ્ટાગ્રામ એકાઉન્ટ પર શેર કર્યો છે.
સોનમે શેર કરેલા આ વીડિયોમાં આ કપલ કિસ કરતું જોવા મળે છે અને તેમને જોતા એવું લાગે છે કે તેઓ નવા વર્ષની ઉજવણીમાં રત છે. સોનમે વીડિયોની કેપ્શનમાં લખ્યું છે કે છેલ્લો દશકો સૌથી સારો રહ્યો, મેં ઘણી સારી ફિલ્મોમાં કામ કર્યું. અહીં હું ઘણાં શ્રેષ્ઠતમ લોકોને મળી, જે મારા લાઇફલોન્ગ ફ્રેન્ડ પણ બન્યા, મેં રિયા કપૂરની સાથે ફિલ્મ કરી અને મને લાગ્યું કે અમે બહેનો બેસ્ટ પાર્ટનર્સ પણ બની શકીએ તેમ છીએ. હું મારા સોલમેટ આનંદ આહુજાને મળી અને લગ્ન કરીને ઠરીઠામ થઇ. આ દશકમાં મને શીખવા મળ્યું કે જીવનમાં ઘણા રસ્તાઓ આવે છે પણ માત્ર એક રસ્તો પસંદ કરીને તેના પર તમારા ઇરાદાઓને લઇ જવા જોઇએ.