આકાશમાં જોવા મળશે અદ્દભૂત નજારો: આજથી ચોથી તારીખ સુધી જોઈ શકાશે ઉલ્કા વર્ષા

દુનિયાભરમાં લોકોએ ડિસેમ્બરમાં 7મી અને 14મીએ ઉલ્કાવર્ષા ઉપરાંત કંકણાવૃતિ અને ખંડગ્રાસ સૂર્યગ્રહણનો સ્પષ્ટ નજારો નિહાળ્યો હતો. વિશ્વના ખગોળ વૈજ્ઞાનિકોએ દરિયાઇ તથા પર્વતીય વિસ્તારોમાં પડાવ નાખવાની તૈયારી આરંભી છે. હવે ગુજરાતમાં અવકાશી ઉલ્કાવર્ષાનો અદ્દભુત નજારો જોવા મળવાનો છે. રાજ્યભરમાં ખગોળીય આનંદ લૂંટવા માટે જન વિજ્ઞાન જાથાએ ખાસ આયોજન આદર્યા છે. રાજકોટ વિસ્તારમાં ચોથી જાન્યુઆરીએ આકાશમાં ઉલ્કાવર્ષા સ્પષ્ટ જોઇ શકાશે.

જન વિજ્ઞાન જાથાના ચેરમેન જયંત પંડ્યા જણાવે છે કે પહેલીથી ચોથી જાન્યુઆરી એમ ચાર દિવસ સુધી આકાશમાં ક્વોડરેન્ટીડ્‌સ ઉલ્કાવર્ષા જોવા મળશે. ત્રીજીએ આકાશમાં રીતસર ઉલ્કાવર્ષાનો વરસાદ જોવા મળી શકે છે. કલાકના 15થી 100 અને વધુમાં વધુ ઉલ્કાવર્ષાનાં દિવાળીના ફટાકડાની આતશબાજી જેવા રોમાંચક દ્રશ્યો આકાશમાં જોવા મળશે. ઉલ્કાવર્ષા મહત્તમ ચાર દિવસ મધ્યરાત્રિથી પરોઢ સુધી જોવાં મળશે. નરી આંખે નિજર્ન જગ્યાએથી સ્પષ્ટ જોઇ શકાય છે. ઉલ્કાવર્ષા વર્ષા 10થી 12 વખત અને વધુમાં વધુ પાંચ વખત આકાશમાં જોવા મળે છે. આ ઉલ્કાવર્ષાઓ પાછળ ધૂમકેતુઓ કારણભૂત છે.

જન વિજ્ઞાન જાથાનો પ્રયાસ લોકોને અવકાશ તરફ નજર કરતાં થાય, તેમાં રસ લઇ, બાળકો સાથે ખગોળીય માહિતી મેળવતા થાય, નજારો નિહાળવા માટે રાજ્યભરમાં આયોજન ગોઠવ્યું છે તેમાં રાજકોટ, અમરેલી, ભાવનગર, જુનાગઢ, પોરબંદર, જામનગર, સુરેન્દ્રનગર, કચ્છ, અમદાવાદ,મોરબી, પાવાગઢ, ગોધરા વિગેરે નાના- મોટા નગરોમાં એમ દિવસીય મધ્યરાત્રિ-પરોઢે વ્યવસ્થાની આખરી ઓપની તૈયારી આરંભી છે. રાજ્યમાં ઉલ્કાવર્ષા સંબંધી વિશેષ માહિતી મોબાઇલ 98252 16689 અને 94269 80955 પર સંપર્ક સાધવા યાદીમાં જણાવવામાં આવ્યું છે.