જાન્યુઆરીમાં આટલું બદલાઈ જશે: ફાસ્ટટેગ, SBI, PF, IT રિટર્ન, ATM અને ડેબિટ કાર્ડના નિયમો, જાણો વધુ

2019 વિદાય લેશે અને 2020 શરૂ થશે, ત્યારે નવા વર્ષના પ્રારંભથી થનારા કેટલાક ફેરફાર આપણા સૌના જીવન પર અસર કરશે. દેશભરમાં કેટલાક નવા નિયમો લાગુ કરવામાં આવનાર છે અને આ નિયમોની સીધી અસર લોકોને થવાની છે.

2018-19 નું આઈટી રીટર્ન હજુ સુધી ન ભર્યું હોય તો 31 ડિસેમ્બર સુધીમાં ભરીને ભારે દંડથી બચી શકાય છે. આમ તો આટી રીટર્ન ભરવાની છેલ્લી તારીખ 31 માર્ચ 2020 સુધી છે, પણ તેનો દંડ 10 હજાર રૂપિયા છે. 31 ડિસેમ્બર 2019 સુધીમાં તે ભરી દો તો દંડની રકમ 5000 રૂપિયા છે. નવા વર્ષથી એમ્પ્લોઈ પ્રોવીડન્ટ ફંડ (ઈપીએફ) ના નવા નિયમો લાગુ થશે. નિયમો અનુસાર પહેલા કોઈપણ સંસ્થા, ફર્મ, ઓફિસમાં 20થી વધુ કર્મચારીઓ હોય ત્યાં લાગુ પડતો હતો. હવે કેન્દ્ર સરકારે આ લિમિટ ઘટાડીને 10 કરી છે. એટલે હવે જે સંસ્થાઓમાં 10 અથવા તેનાથી વધુ કર્મચારી કામ કરતા હોય તેને ઈપીએફ લાગુ પડશે.

નવા વર્ષમાં બધી ગાડીઓ મોંઘી થઈ જશે. બી ઓટો કંપનીઓ ભાવ વધારશે. મારૃતિ અને ટાટા તેની જાહેરાત કરી ચૂકી છે. મહિન્દ્રા એન્ડ મહિન્દ્રાએ પણ ભાવ વધારવાનું કહ્યું છે. નેશનલ હાઈ-વે પર ઈલેક્ટ્રોનિક રીતે વસૂલવાનું શરૂ થઈ ગયું છે. પંદર જાન્યુઆરીથી બધી ગાડીઓ પર ફોસ્ટેગ ફરજિયાત થઈ જશે. હાઈ-વે પર ટોલનાકા પરથી પસાર થતા બધા વાહનો પર ફાસ્ટેગ જરૂરી બનશે. ફાસ્ટેગ વગરની ગાડીઓ પર ટોલ ચાર્જ બમણો લાગશે.

જો તમારૂ ખાતુ એસીબીઆઈમાં હોય અને તમારી પાસે એટીએમ કાર્ડ હોયતો સાવધાન થઈ જાવ. એસબીઆઈએ ટવિટ કરીને કહ્યું છે કે ગ્રાહકો જુના મેગ્નેટિક એટીએમ-ડેબીટ કાર્ડ બદલાવી લે. આ કામ 31 ડિસેમ્બર સુધીમાં કરાવવું જરૂરી છે. પહેલી જાન્યુઆરી 2020થી ગ્રાહકોને બેંકોમાં એનઈએફટી દ્વારા કરવામાં આવતી લેવડ દેવડ માટે કોઈ ચાર્જ નહીં દેવો પડે. 15 ડિસેમ્બરથી 24 કલાક એનઈએફટી ટ્રાન્ઝેક્શન સર્વિસ શરૂ થઈ ગઈ છે.

જીએસટી રજિસ્ટ્રેશનને સરળ બનાવવા માટે આધાર દ્વારા રજિસ્ટ્રેશનનો નિર્ણય લેવામાં આવ્યો છે. નવી જીએસટી રીટર્ન ફાઈલીંગ સિસ્ટમ પહેલી જાન્યુઆરી 2020 થી લાગુ થઈ જશે. સોના-ચાંદીના દાગીના પર હોલમાર્કિંગ હવે ફરજિયાત છે. જો કે ગ્રામીણ વિસ્તારોમાં એક વર્ષની છૂટ રહેશે. જ્વેલરી પર હોલમાર્કિંગના નિયમ લાગુ છે, પરંતુ હોલમાર્કિંગ ફરજિયાત નહતું. તેથી ભાવ પણ વધી શકે છે. 31 ડિસેમ્બર સુધી પાનને આધાર સાથે લિંક કરવાનું જરૂરી હતું. તેથી પહેલી જાન્યુઆરીથી પાન કાર્ડ બેકાર થઈ જાત, પરંતુ હવે તેને માર્ચ 2020 સુધી સમય લંબાવાયો છે. એસીબીઆઈ એ રેપોરેટ સાથે સંબંધિત લોનનો વ્યાજ 0.25 ટકા ઘટાડ્યો. નવા દરનો લાભ જુના ગ્રાહકોને પણ મળશે.

31 ડિસેમ્બર સુધી જુના ડેબિટ કાર્ડને ઈલેક્ટ્રોનિક ચિપવાળા કાર્ડથી બદલાવવા જરૂરી છે. નવા વર્ષમાં જુના ડેબિટ કાર્ડથી રોકડ ઉપાડી શકાશે નહીં. તેમાં મેગ્નેટિક સ્ટ્રીપ બેકાર થઈ જશે. જેનાથી એટીએમ ગ્રાહકનો ડેટા ઓળખે છે. 15 જાન્યુઆરી પછી એનએચથી પસાર થનારી ગાડીઓમાં ફાસ્ટટેગ ફરજિયાત હશે. એક કરોડ ફાસ્ટેગ જારી થયા છે. તેના વિના ડબલ ટોલ ભરવાનું થશે. એટીએમ-ઓટીપીઃ એસબીઆઈ એ એટીએમમાંથી 10,000 થી વધુના ઉપાડ અંગે નિયમો બદલ્યા છે. રાત્રે 8 થી સવારે 8 સુધી ઉપાડ માટે ઓટીપી જરૂરી થઈ જશે. 50 કરોડથી વધુ ટર્નઓવરવાળી કંપનીઓને એમડીઆર યુપીઆઈ ક્યૂઆર કોડ દ્વારા ચૂકવણીની સુવિધા આપશે.