સોનાથી બનેલો હીરાજડિત iPhone 11 pro રીલીઝ થયો

લક્ઝરી iPhone ડિઝાઈન કરનારી રશિયન કંપની Cavierએ એપલની લેટેસ્ટ iPhone સીરીઝના iPhone Proની નવી ડિઝાઈન લોન્ચ કરી છે. તેનું નામ વિક્ટરી રાખવામાં આવ્યું છે. તેની બેક પેનલ પર V લેટર એવી રીતે કોતરવામાં આવ્યો છે કે તે રિયર પેનલને બે હિસ્સામાં વહેંચી દે. સાથે જ તેમાંથી એ કેમેરા સેટઅપ પણ ગાયબ કરી દેવામાં આવ્યું છે જેની લોકોએ ઈલેક્ટ્રિક રેઝર સાથે સરખામણી કરી ખૂબ મજાક ઊડાવી હતી.

કંપનીનો આ લિમિટેટ એડિશન ફોન સામાન્ય કરતા વધારે સુંદરતા અને ઉત્કૃષ્ટતાનો નમૂનો છે. iPhne 11 Pro iPhone Pro Max બંનેની અલગ અલગ હેન્ડ ક્રાફ્ટેડ ડિઝાઈન ઉપલબ્ધ છે. પરંતુ કેમેરા લેંસની આસપાસ પેનલ નથી. બીજું ડિઝાઈન એલિમેન્ટ બાયર્સને જોવા મળશે. શોક પ્રૂફ બોડી ઉપરાંત Cavierએ નવી સ્માર્ટ ફોન ડિઝાઈનને મજબૂત મેટલ ફ્રેમથી કવર કરી છે.

એડિશનલ સ્ક્રીન પ્રોટેક્શનવાળા આ ડિવાઈસની કિંમત 4000 ડૉલર (2.84 લાખ રૂપિયા)થી શરૂ થશે. સૌથી સસ્તુ વેરિયન્ટ વિક્ટરી ટાઈટેનિયમ છે જે 64 જીબી સ્ટોરેજ ધરાવે છે. તેની કિંમત 4290 ડોલર (3.4 લાખ રૂપિયા) રાખવામાં આવી છે. તે ઉપરાંત સ્ટોરેજ વધારવા અને સારા વેરિયન્ટ માટે તમારે વધુ કિંમત ચૂકવવી પડશે. તેને કંપનીની ગ્લોબલ વેબસાઈટ પરથી ખરીદી શકાય છે.

જો તમે આ લક્ઝરી સ્માર્ટફોનના બેક પેનલ પર એલિગેટર લેધર ફિનિશ મેળવવા માંગતા હોવ તો તમારે લગભગ 12,000 ડૉલર એટલે કે 8.5 લાખ રૂપિયા ખર્ચવા પડશે. સોનાના સ્માર્ટફોન ડિઝાઈનની કિંમત 30,820 ડોલર (21.88 લાખ રૂપિયા) છે. જો તમને હીરા પસંદ હોય અને તમે તેને iPhone 11 Proનો હિસ્સો બનાવવા માંગતા હોવ તો ગોલ્ડન આઈફોનથી બમણી કિંમત પર હીરાજડિત મોડેલ ખરીદી શકો છો.