“કૂલી નંબર-1″ના સેટ પર ફાટી નીકળી આગ, જાણો શું-શુંબળી ગયું?

વરુણ ધવન અને સારા અલી ખાનની અપકમિંગ ફિલ્મ કુલી નંબર-1ના સેટ પર બુધવારે ભીષણ આગ લાગી હતી પ્રાપ્ત માહિતી મુજબ, ફિલ્મિસ્તાન સ્ટૂડિયોમાં બનેલા સેટ પર રાત્રે લગભગ ૧ વાગ્યે આગ લાગી હતી.

આગ લાગવાને કારણે સેટ પર કેટલું નુકસાન થયું છે તેની કોઇ સત્તાવાર જાણકારી સામે આવી નથી. હજુ સુધી આગ લાગવાનું કારણ પણ જાણી શકાયું નથી. આગમાં સેટનો ઘણોખરો હિસ્સો બળીને ખાખ થઇ ગયો છે.

પ્રાપ્ત માહિતી મુજબ, જે સમયે આગ લાગી ત્યારે ફિલ્મના સેટ પર લગભગ પંદર વર્કર્સ હાજર હતા. તેમણે સમયસર ફાયર બ્રિગેડને ફોન કર્યો હતો જેને કારણે જાનહાનિ ટળી હતી. સૂચના મળતા જ ફાયર બ્રિગેડની ગાડીઓ ઘટનાસ્થળ પર પહોંચી હતી. ભારે જહેમત બાદ ફાયર બ્રિગડે આગ પર કાબૂ મેળવી લીધો હતો. ફિલ્મનું ડાયરેક્શન ડેવિડ ધવન કરી રહ્યા છે.