2030 સુધી અર્થવ્યવસ્થાને 10 હજાર અરબ ડોલર પહોચાડવાનો લક્ષ્ય : રાજનાથ સિંહ

રક્ષા મંત્રી રાજનાથસિંહે મંગળવારે કહ્યું હતું કે, સરકારનું લક્ષ્ય 2030 સુધીમાં 10 હજાર અરબ ડોલરની અર્થવ્યવસ્થા બનાવવાનું છે અને સંરક્ષણ ક્ષેત્ર એ આ દિશામાં ફાળો આપતું મહત્વનું ક્ષેત્ર છે. સિંહે સોસાઇટી ઓફ ઇન્ડિયન ડિફેન્સ મેનુફેક્ચર્સ (એસઆઈડીએમ) ની વાર્ષિક સામાન્ય સભામાં કહ્યું કે ઘણા કારણોસર ભારતીય રક્ષા ઉદ્યોગ ભૂતકાળમાં તેની સંપૂર્ણ સંભાવના દર્શાવી શક્યો નથી.તેમણે કહ્યું કે જેને કારણે દેશ આયાત કરવામાં આવી રહેલ શસ્ત્રો પર આધારીત બન્યો.

આ બેઠકની થીમ ‘મેક ઇન ઇન્ડિયા 26 અરબ ડોલરનાં રક્ષા ઉદ્યોગ તરફ’ હતી. રક્ષા મંત્રીએ કહ્યુ કે, મેક ઇન ઇન્ડિયા જેવા પગલાથી તાજેતરમાં સ્થિતિને બદલવા માટે કોઇ પગલા ઉઠાવવામા આવ્યા છે જેથી ભારત વિશ્વમાં ન માત્ર હથિયારોનો મોટો નિર્માતા બને પરંતુ રક્ષા નિર્યાતક પણ બને. તેમણે વધુમાં કહ્યુ કે, ભારત જે પ્રકારનું આકાર ધરાવે છે અને વિશ્વમાં તેની જેવી પ્રતિષ્ઠા છે તે જોતા ભારતની સાર્વભૌમત્વનું રક્ષણ કરવું મહત્વપૂર્ણ છે અને વિદેશ નીતિ માટે આયાત કરવામાં આવેલ શસ્ત્રો પર વિશ્વાસ કરી શકાય તેમ નથી.

સિંહે કહ્યું કે, ‘મેક ઇન ઇન્ડિયા’ પહેલ અંતર્ગત સંરક્ષણ ક્ષેત્રને એક અગ્રણી ક્ષેત્ર તરીકે માન્યતા આપવામાં આવી છે, તેમણે કહ્યું કે ભારતીય અર્થવ્યવસ્થાનું વર્તમાન કદ આશરે 2700 અરબ ડોલર છે અને અમારો ઉદ્દેશ 2024 સુધીમાં તેને વધારીને 5,000 અરબ ડોલર કરવાનું છે. અને 2030 સુધીમાં અર્થતંત્રને 10,000 અરબ ડોલર બનાવવાનું છે. રક્ષા મંત્રી કહ્યું કે આ પ્રગતિમાં ફાળો આપવા માટે અર્થવ્યવસ્થાનાં ઘણા ક્ષેત્રોની ઓળખ કરવામાં આવી છે, જ્યારે સંરક્ષણ ક્ષેત્રને ‘મેક ઇન ઇન્ડિયા’ પહેલ અંતર્ગત સૌથી પ્રતિષ્ઠિત ક્ષેત્ર તરીકે ઓળખવામાં આવે છે.

કોંગ્રેસનો વિરોધ, કાર્યકરોએ જાતે ખરાબ રસ્તા પર બ્લોક બેસાડી રીપેર કર્યો

શહેરમાં વરસાદને લઇને ઠેર ઠેર રસ્તાઓમાં મોટા ખાડા પડી ગયા છે તો ક્યાંક રસ્તાઓ ધોવાય ગયા છે. ખરાબરસ્તાને લઇને આજે શહેર કોંગ્રેસ દ્વારા સોરઠીયા વાડી સર્કલ ખાતે વિરોધ કરવામાં આવ્યો હતો. જેમાં મોટી સંખ્યામાં કોંગ્રેસનાકાર્યકરો ઉપસ્થિત રહ્યા હતા અને જાતે ખાડામાં પેવરબ્લોક બેસાડી રસ્તો રીપેર કર્યો હતો. તેમજ ભાજપ વિરૂદ્ધ સુત્રોચ્ચાર પણ કર્યા હતા.

મ્યુનિ. હેલ્થ વિભાગે 49 એકમોને નોટિસ આપી, મચ્છરોના બ્રીડિંગ મળતાં શહેરની 7 સાઇટ સીલ કરાઈ

મ્યુનિ. હેલ્થ વિભાગે મચ્છરોનું બ્રીડિંગ મળી કુબેરનગરની સ્કૂલની એડમિન ઓિફસ સહિત 7 કન્સ્ટ્રક્શન સાઇટ સીલ કરી દીધી હતી. આ ઉપરાંત તેમજ 49 જેટલા એકમને નોટિસ પાઠવી હતી.

કુબેરનગરની સ્કૂલની એડમિન ઓફિસ પણ સીલ કરાઈ, કુલ 1.40 લાખ દંડ વસૂલાયો

મ્યુનિ. દ્વારા મચ્છરોનો ત્રાસ વધતાં મ્યુનિ. દ્વારા હાથ ધરાયેલી કાર્યવાહી હેઠળ કેટલીક સાઇટોમાં તપાસ કરાઇ છે. જેમાં 149 જેટલી સાઇટની તપાસ કરવામાં આવી હતી. જેમાં 49 જેટલા એકમને નોટિસ પાઠવવામાં આવી હતી. જે એકમો પાસેથી રૂ. 1,40,500નો દંડ વસૂલવામાં આવ્યો હતો. જેમાં સૌથી વધારે 77,000નો દંડ માત્ર પશ્ચિમ ઝોનમાંથી વસૂલવામાં આવ્યો હતો. તેમજ મધ્ય ઝોનમાં કોઇ પણ એકમ પાસે દંડ વસૂલાયો ન હતો. ઉલ્લેખનીય છે કે શહેરમાં મચ્છર જન્ય રોગચાળો વકરતાં મ્યુનિ. હેલ્થ વિભાગ દ્વારા દૈનિક ધોરણે મચ્છરોના બ્રિડિંગની તપાસ કરવામાં આવે છે.

આ એકમો સીલ

  • મનોરમા પાર્ટી પ્લોટ, નારણપુરા, પશ્ચિમ ઝોન
  • સુમેલ બિઝનેસ પાર્ક-2, ખાડિયા, મધ્ય ઝોન
  • સેન્ટ્રલ સ્ક્વેર કન્સ્ટ્રશન સાઇટ, ચાંદખેડા, પશ્ચિમ ઝોન
  • માંગળજી સ્ક્રેપ કોર્પોરેશન, નરોડા, ઉત્તર ઝોન
  • અંજલિ ખાલસા ઇગ્લિશ સ્કૂલ, કુબેરનગર, ઉત્તર ઝોન
  • હેતદીવ કન્સ્ટ્રક્શન સાઇટ, બોડકદેવ, ઉ.પશ્ચિમ ઝોન
  • ટાટા પ્રોગ્રેસિવ સર્વિસ સેન્ટર, સરખેજ, દ.પશ્ચિમ ઝોન

પુત્રી સાથે રમતી વખતે બીભસ્ત ચેનચાળા કર્યાની શંકાએ કાકાએ જ 16 દિવસ પહેલા 5 વર્ષના ભત્રીજાની હત્યા કરી

વાંકાનેરનાં દેવાબાપાની જગ્યા પાસે ગત 27મીનાં રોજ 5 વર્ષના પ્રિન્સનું અપહરણ થયું હતું. ઘટનાના ત્રીજા દિવસે બાળકની કુવામાંથી લાશ મળી આવી હતી. જે મામલે તપાસ કરતાં 5 વર્ષના પ્રિન્સની હત્યા તેના કૌટુંબિક કાકાએ જ કરી હોવાનું સામે આવ્યું છે. આરોપીએ પોલીસ સમક્ષ જણાવ્યું હતું કે પોતાની પુત્રી સાથે પાંચ વર્ષનો પ્રિન્સ રમતી વેળાએ બીભત્સ ચેનચાળા કરતો હતો એટલે મોતને ઘાટ ઊતારી દીધો.

પોલીસ જ્યારે સમગ્ર મામલે તપાસ કરી રહી હતી તે દરમિયાન કૌટુંબીક કાકા રસિકભાઈ છેલુભાઈ નાકીયાની શંકાસ્પદ હરકત સામે આવતા તેની આગવી ઢબે પુછ પરછ હાથ ધરી હતી. પુછપરછ દરમિયાન બાળકનું અપહરણ અને હત્યા કરી હોવાનું કબુલ કર્યું હતું. પોલીસે વધુ પૂછપરછ કરતા કબુલ કર્યું હતું કે પ્રિન્સ અને તેની પુત્રી અપહરણના એક સપ્તાહ પહેલા સાથે રમતા રમતા પુત્રીની ઉંમર નાની હોય અને બાદ રમતમાં શારીરિક ચેષ્ટા કરતા જોઈ ગયો હતો અને તેને ગુસ્સો આવ્યો હતો જે તે વખતે બાળકને મારી ધમકાવી કાઢી મુક્યો હતો. જોકે તેના મગજમાં બાળક પ્રત્યે ગુસ્સો ખુબ વધી ગયો હતો. જેથી તેને પતાવી દેવાનું નક્કી કર્યું હતું.

અગાઉ બે ત્રણ દિવસ સુધી વોચ રાખી હતી અને અપહરણના દિવસે દેવાબાપાની જગ્યામાં ભજન કાર્યક્રમ ચાલતો હતો. લોકો બહોળી સંખ્યામાં હાજર હતાં. જેથી તકનો લાભ લઇ પ્રિન્સને મંદિરથી નાસ્તો કરવાનાં બહાને લઇ ગયો હતો અને બાદમાં તેની વાડી પાસે મો બાંધી કુવાના પત્થર સાથે માથું ભટકાડી હત્યા કરી નાખી હતી અને લાશને રોઝડા ભગાડવા માટે બાંધેલ ચુંદડી વડે બાંધી કુવામાં ફેકી દીધી હતી જોકે તરતી લાશ બહાર આવી ગઈ હતી. બીજી તરફ સાયબર સેલ અને મોરબી એ ડીવીઝન પોલીસ મથકના સીસીટીવી મોનીટરીંગના નિર્મળસિંહ દ્વારા મંદિરનાં સીસીટીવી ફૂટેજનું બારીકાઇથી અભ્યાસ કરી તમામ લોકોની હરકત પર નજર દોડાવી હતી. જેમાં આરોપી રસિક ઘટના સમયે ગાયબ માલુમ પડતા તેની પર શંકા વધુ દ્રઢ બની હતી. બનાવ અંગે પોલીસે આરોપીની વધુ પુછપરછ કરી હત્યામાં વપરાયેલ ચીજ વસ્તુ જ્પ્ત કરવા તજવીજ હાથ ધરી હતી. અને આરોપીને કોર્ટમાં રજુ કરી રીમાન્ડ મેળવવા તજવીજ હાથ ધરી હતી.

દેવાબાપાની જગ્યા પાસે બાળકની હત્યા થયા બાદ અનેકવિધ ચર્ચાઓ શરૂ થઈ હતી. એકવાત એવી પણ જોરશોરથી ચર્ચાઈ હતી કે તાંત્રિક વિધિ માટે બાળકની હત્યા થઈ હોવી જોઈએ. જો કે મોરબી પોલીસે આરોપીને પકડીને હત્યાનો ભેદ ઉકેલી નાખ્યો છે અને હત્યા કરવા પાછળનું કારણ એવું જણાવાયું છે કે, પાંચ વર્ષનો બાળક આરોપીની પુત્રી સાથે રમતા રમતાં બીભત્સ ચેનચાળા કરતા હોવાથી તેની હત્યા કરી નખાઈ છે. પરંતુ અહિંયા પ્રશ્ન એ ઉપસ્થિત થાય છે કે, પાંચ વર્ષનો બાળક બીભત્સ ચેનચાળા કરી શકે?, પાંચ વર્ષના બાળકને એ ખબર પડે કે બીભત્સ ચેનચાળા કોને કહેવાય? જો કે પોલીસે તો હાલ આરોપીની વાત માની લીધી છે.

નોટીસ બાદ પણ ફાયર સેફ્ટી ઉભી ન કરતા, ફાયર સેફ્ટી વિભાગ એ રિંગરોડ માર્કેટની 980 દુકાનો સીલ કરી

ફાયર વિભાગ દ્વારા ફરી એક વાર લાલ આંખ કરવમાં આવી છે ફાયર સેફટી ને લઈને સુરત ના રીગરોડ પર આવેલ કાપડ ની બે માર્કેટ ની 980 જેટલી દુકાનો આજે સિલ મારતા કાપડ બજારમાં વેપારી દોડતા થઈ ગયા છે.

નોટીસ બાદ પણ ફાયર સેફ્ટી ઉભી કરાઈ નહોતી

  • રીંગરોડ પર આવેલ કપડાં બજારમાં આજે હંગામો મચી ગયોહતો.સવારના સમયે રીંગરોડની તિરૂપતિ ટેક્સટાઇલ માર્કેટ અને ગોપીનાથ માર્કેટની 980 કરતા વધુ દુકાનો ફાયર વિભાગે સીલ મારી હતી. આ બન્નેમાર્કેટમાં ફાયર સેફટીને લઈને તંત્ર દ્વારા અનેક વાર ફાયર સેફટી ઉભી કરવા માટે નોટિસ ફાટકારવામાં આવી હતી પણ માર્કેટ મેનેજમેન્ટ આ વાતને ગંભીરતાથી લેતા ન હતા અને તંત્રને નોટિસનો જવાબ પણ નહીં આપતા હતા જેને પગલે આજે ફાયરે સિલિંગ કરતા માર્કેટ વિસ્તાર જે માર્કેટને અગાવ નોટિસ આપવામાં આવી છે તેના સંચાલકો દોડતા થઈ ગયાહતાં 980 દુકાનો બંધ રહેતા વેપારી સાથે આ માર્કેટમાં કામ કરતા 8 હજાર કર્મચારી રસ્તા પર આવી ગયા હતાં. કર્મચારી કહેવું હતું કે, આ ઉધોગ મંદીમાંથી પસાર થઈ રહ્યો છે થોડી તેજીની આશા દેખાઈ હતી તે વચ્ચે આ રીતે ફાયર દ્વારા સિલિંગ કરતા તેમની હાલત કફોડી બની હતી.

ખેંચની બીમારીની સર્જરી હવે સુરતમાં:  ન્યૂરો સર્જન ડો.કિરીટ શાહે લીંબાયતની યુવતીને અપાવી બિમારીમાંથી મૂક્તિ

ખેંચની બીમારીથી અનેક લોકો પીડિત હોય છે, પરંતુ મોટાભાગના લોકો એમ માની લે છે કે ખેંચની બીમારીની કોઈ સારવાર નથી. એટલું જ નહીં કેટલાક લોકો તો ભગત-ભુવાનો સહારો લેતા હોય છે. પરંતુ આજે મેડિકલ ક્ષેત્રે ખેંચની બીમારીની પણ સારવાર શોધી કાઢી છે અને વ્યક્તિ આ બીમારીથી મુક્ત થઈ શકે છે. આ માટે દર્દીને માત્ર એક સર્જરી કરાવવાની જરૂરીયાત હોય છે અને હવે આ સર્જરી ઘર આંગણે ઉપલબ્ધ છે તે પણ યુનિક હોસ્પિટલમાં. યુનિક હોસ્પિટલ ખાતે ફુલટાઈમ ફરજ બજાવતા ન્યૂરો સર્જન ડૉ. કિરીટ શાહે તાજેતરમાં જ લિંબાયતની અમલા કંડાગટલા નામની પરિણિતા કે જે ખેંચની બીમારીથી ગ્રસ્ત હતી તેના પર સફળતા પૂર્વક સર્જરી કરીને આ પરિણિતાને આ બીમારીથી છુટકારો અપાવ્યો.

આ અંગે ડૉ.કિરીટ શાહે જણાવ્યુ હતું કે ખેંચની બીમારીથી પીડિત વ્યક્તિ સામાન્ય જીવન જીવી શકતો નથી. ગમે ત્યારે ખેંચની આવી જવાના કારણે તે પડી જાય છે અને ઈજાગ્રસ્ત થઈ જાય છે. હંમેશા પાંચ થી સાત ગોળીઓ લેવી પડતી હોય છે જે સારવાર ખૂબજ ખર્ચાળ હોય છે. એટલું જ નહીં લાંબે ગાળે વ્યક્તિ યાદશક્તિ પણ ગુમાવવા લાગે છે. ત્યારે એક માત્ર ‘એન્ટરોમેશીયલ ટેમ્પોરલ લોબેકટોમી વિથ સિલેક્ટિવ અમિગડાલો હાઈપોકેમ્પોકટોમી’ સર્જરી (Anteromesial Temporal Lobectomy Surgery with Selective Amygdalo hippocampectomy) થકી આ બધી જફામાંથી મુક્તી મેળવી શકાય છે.

આ સર્જરી બાદ વ્યક્તિ ક્વૉલિટી લાઈફ જીવી શકે છે. મગજનું સીટી સ્કેન અને એમઆરઆઈ થકી નિદાન કરીને આ સર્જરી કરવામાં આવે છે. આ સર્જરી બાદ આંશિક રીતે કાંતો પૂર્ણ પણે બીમારીથી છુટકારો મેળી જાય છે. સર્જરીનો સક્સેસ રેશિયો 70 થી 80 ટકા જેટલો છે. અત્યાર સુધી આ સર્જરી માટે દર્દીઓને દક્ષિણ ભારતમાં જવું પડતું હતું પરંતુ હવે આ સારવાર સુરતના આંગણે અને તે પણ યુનિક હૉસ્પિટલ ખાતે ઉપલબ્ધ છે. 4 માસથી ઉપરના દર્દીની ખેંચની સર્જરી કરવી શક્ય છે.

મહત્વપૂર્ણ બાબત એ છે કે આ સર્જરીને માં કાર્ડ યોજનામાં આવરી લેવાઈ હોવાથી ગરીબ દર્દીઓ પણ આ યોજના હેઠળ સર્જરી કરાવીને ખેંચની બીમારીમાંથી મુક્તિ મેળવી શકે છે.

 

મુખ્યમંત્રી રૂપાણી સાહેબ જે કારમાં ફરે છે તેનું જ વીમો રિન્યૂ નથી

ગઈકાલે 16 સપ્ટેમ્બર થી ગુજરાતભરમાં ટ્રાફિક નિયમો જેવાકે વાહનની વીમા પોલીસી, આરસીબુક, પીયુસી, વાહનચાલક નું લાયસન્સ, હેલ્મેટ વગેરે નિયમો પાલન કરવા માટે કડકાઈથી ઝુંબેશ ચલાવાઈ રહી છે, ત્યારે સોશિયલ મીડિયામાં એક મેસેજ વાયરલ થયો છે. આમ વાયરલ થયેલા મેસેજ માં મુખ્યમંત્રી વિજય રૂપાણી જે કારમાં ફરે છે તે કાર નો વીમો 2015માં પૂર્ણ થઇ ગયો છે. એવું બતાવવામાં આવી રહ્યું છે.

આ મેસેજ ની સાથે લોકો અલગ-અલગ વાતો મૂકી રહ્યા છે. જેમાં મુખ્યમંત્રી રૂપાણી મેં સીધો સવાલ પૂછવામાં આવી રહ્યો છે કે, કાયદા માત્ર સામાન્ય માણસ માટે જ છે? શું તમારા માટે કોઈ અલગથી કાયદા છે? તમે તમારી કારનો વીમો ક્યારે ઉતરાવશો.?

ઉલ્લેખનીય છે કે જ્યારથી નવા ટ્રાફિક નિયમોના ભંગ માટે દંડ ની જોગવાઈઓ કડક બનાવવામાં આવી છે. ત્યારથી રાજ્યભરમાંથી સરકારી અમલદારો નેતાઓ અને પોલીસકર્મીઓ ના ફોટા વાયરલ થઇ રહ્યા છે. અને પહેલા નિયમોનું પાલન પોતે કરો પછી જનતાને નિયમોનું પાલન કરાવો તેવી વાતો વહેતી થયેલી છે. ત્યારે મુખ્યમંત્રી વિજય રૂપાણી વધુ એક વિવાદમાં આવ્યા છે. જેમાં તેમની કારની વીમા પોલીસી 2015માં પૂર્ણ થઈ ગઈ છે, એવું બતાવવામાં આવી રહ્યું છે.

સુરત માં ટ્રાફિક નિયમના કારણે BRTS બસ સેવામાં ફાયદો

સુરતમાં મોટર વ્હીકલ એક્ટનો કડકાઈથી અમલમાં લોકોમાં ભારે રોષ છે તો આ નિયમોની કડકાઈ સુરતમાં દોડતી સીટી અને બી.આર.ટી.એસ. બસને ફાયદામાં રહી છે. પોલીસ દ્વારા કડકાઈથી ટ્રાફિકના નિયમોનું પાલન કરાવવાનું શરૃ કરતાં દિવસ દરમિયાન સુરતની સીટી બસમાં 32 હજાર મુસાફરોમાં વધારો થવા સાથે અઢી લાખની આવકમાં પણ વધારો થયો છે.

સુરત મ્યુનિ.ની સીટી અને બી.આર.ટી.એસ. બસમાં રાત્રીના 8-30 વાગ્યા સુધીમાં સુરતની સીટી બસમાં 1.15 લાખ મુસાફર જ્યારે બી.આર.ટી.એસ. બસમાં 93 હજાર મુસાફર આવતાં હતા.   સરકાર દ્વારા મોટર વ્હીકલ એક્ટનો અમલ શરૃ કરવા સાથે દંડની રકમમાં ધરખમ વધારો કર્યો છે અને તેનો કડકાઈથી અમલ થશે તેવી જાહેરાત કરી છે. આ નિયમના અમલનું પાલન થાય તેના પહેલાં જ દિવસે સોશ્યલ મિડિયમાં દંડની રકમની સ્લીપ ફરતી થઈ ગઈ હતી.

જેના કારણે હેલ્મેટ, પીયુસી, ઈન્સ્યુરન્સ જેવા ડોક્યુમેન્ટ ન હોવાથી લોકોએ દંડથી બચવા માટે સુરતમાં દોડતી સીટી બસનો સહારો લીધો હતો. જેના કારણે આજે 8-30 વાગ્યા સુધીમાં સીટી બસમાં 1.28 લાખ મુસાફર જ્યારે બી.આર.ટી.એસ. બસમાં 1.18 લાખ મુસાફર મળીને 2.41 લાખ મુસાફર થઈ ગયાં હતા.

મોટર વ્હીકલ એક્ટના કડક અમલના કારણે સુરતમાં દોડતી બસ સેવામાં એક જ દિવસમાં 32 હજાર મુસાફરો વધવાની સાથે જ આવકમાં પણ અંદાજે અઢી લાખ રૃપિયા જેટલો વધારો થયો છે. દંડથી ગભરાયેલા લોકા જેટલા દિવસ વાહન મુકીને સીટી અને બી.આર.ટી.એસ. બસનો ઉપયોગ કરશે તેટલા દિવસ બસના મુસાફરોની સંખ્યા સાથે આવકમાં પણ વધારો થશે.

ટ્રાફિક નિયમના ભંગ બદલ ત્રણને ઊઠ-બેસ કરાવનાર PSI સસ્પેન્ડ

ટ્રાફિકના નવા નિયમોનો અમલ સોમવારથી લાગુ થતાં કાલોલ પીએસઆઇ એમ.એલ.ડામોર તથા સ્ટાફના માણસો કાલોલના રસ્તા પર ઊભા હતા. રોડ ઉપર ટ્રાફિકના નિયમોનું ઉલ્લંઘન કરીને આવતાં વાહન ચાલકોને ગુલાબનું ફૂલ આપીને વાહન ચાલકોને નિયમ નહિ તોડવાની ચેતવણી આપતાં હતા. દરમિયાનમાં ટેમ્પા પર બેસીને બે વ્યકતિઓ આવ્યા હતા તે બંનેને પીએસઆઈ ડામોરે રસ્તા પર જ ઊઠ બેસ કરાવી હતી. આ વીડિયો કોઈ ઉતારી લીધો હતો અને તે ફરતો થયો હતો. જિલ્લા પોલીસ વડા ડૉ. લીના પાટીલને આ વીડિયો મળતાં તેમણે પીએસઆઈને તાત્કાલિક અસરથી સસ્પેન્ડ કરી દીધા હતા.

RTOમાં કર્મચારી સમયસર ન આવતાં લોકોમાં રોષ, યુવાન સાયકલ પર હેલ્મેટ પહેરીને નિકળ્યો

 

રાજકોટ સહિત સૌરાષ્ટ્રમાં નવા મોટર વાહન વ્હિકલ એક્ટનો અમલ શરૂ થઈ ગયો છે. ત્યારે સતત બીજા દિવસે ટ્રાફિક પોલીસ દ્વારા ચેકિંગ કરવામાં આવી રહ્યું છે. રાજકોટનાં મોટી ટાંકી ચોક વિસ્તારમાં સાયકલ પર સવાર યુવાન હેલ્મેટ પહેરીને નીકળેલો જોવા મળ્યો હતો. બીજી તરફ RTO કચેરીમાં કર્મચારીઓ 11 વાગ્યા સુધી પણ હાજર ન થતાં લોકોમાં રોષ જોવા મળ્યો હતો.

RTO કચેરીમાં કર્મચારીઓ સમયસર ન આવતાં લોકો મા રોષ

એક તરફ શહેરમાં ટ્રાફિક નિયમને લઈને કડક અમલવારી કરવવામાં આવી રહી છે. જ્યારે બીજી તરફ RTO કચેરીમાં કર્મચારીઓ 11 વાગ્યા સુધી પણ હાજર ન થતાં લોકોમાં રોષ જોવા મળ્યો હતો. કર્મચારીઓનો સમય સવારે 10 વાગ્યાના હોય છે. પરંતુ સાડા દસ થયા હોવા છતાં પણ કોઈ પણ કર્મચારીઓ કે અધિકારીઓ તેની ઓફિસરૂમમાં દેખાયા ન હતા. એક તરફ RTO કચેરીમાં લોકોની લાંબી લાઈનો જોવા મળી રહી છે. આમ અધિકારીઓ કે કર્મચારીઓ સમયસર ઓફિસમાં ન આવતાં હોવાથી લોકોને ભારે હાલાકી ભોગવી પડી રહી છે અને RTOનાં નબળા કામકાજને લઈને લોકોમાં રોષ જોવા મળી રહ્યો છે.