મહારાષ્ટ્રમાં કોંગ્રેસ-NCPને ઝટકો, ચાર ધારાસભ્યોનાં રાજીનામા

આ વર્ષના અંતમાં મહારાષ્ટ્ર વિધાનસભાની ચૂંટણી યોજાવાની છે તે પહેલાં કોંગ્રેસ-એનસીપીને ઝટકો લાગ્યો છે. ચૂંટણી પહેલાં પક્ષપલટુઓની સંખ્યામાં વધારો થઈ રહ્યો છે. મહારાષ્ટ્રમાં ભાજપમાં સામેલ થવાની અટકળો વચ્ચે કોંગ્રેસ-એનસીપીના ચાર ધારાસભ્યોએ રાજીનામા આપી દીધા છે. ચારેય ધારાસભ્યોએ વિધાનસભાના સ્પીકર હરીભાઉ બાગડેને રાજીનામા સુપરત કર્યા હતા.

કોલામ્બકર મુંબઈથી સાત વખત ધારાસભ્ય રહી ચૂક્યા છે. શિવેન્દ્રસિંબ ભોંસલેએ 2014માં સિતારા વિધાનસભાની ચૂંટણી જીતી હતી.

સુરતમાં એલર્ટ, બુરહાનપુર ખાતે તાપી નદી બે કાંઠે, હથનુર ડેમના 41 દરવાજા ખોલી દેવાયા, ઉકાઈ ડેમ 285 ફૂટે

તાપી નદીના ઉપરવાસમાં સામે થતાં બુરહાનપુરમાં દેમાર વરસાદ વરસી રહ્યો છે. બુરહાનપુરમાં તાપી નદી બે કાંઠે વહી રહી છે અને નદીના પાણી પુલ સુધી પહોંચી ગયા છે. બુરહાનપુરમાં પુર જેવી સ્થિતિ નિર્માણ થતાં સુરતને એલર્ટ કરી દેવામાં આવ્યું છે. આનાં કારણે ઉકાઈ ડેમની સપાટીમાં વધારો થયો છે. ઉકાઈ ડેમની સપાટી 285 ફૂટે પહોંચી ગઈ છે.

ઉપરવાસમાં થઈ રહેલા ભારે વરસાદના કારણે મધ્યપ્રદેશમાં તાપી નદીમાં નવા નીર આવ્યા છે. આના કારણે મહારાષ્ટ્રના જલગાંવના ભૂસાવલ ખાતે તાપી નદી પર બંધાયેલા હથનુર ડેમના તમામ 41 દરવાજા ખોલી દેવામાં આવ્યા છે.

હથનૂર ડેમના કેચમેન્ટ એરિયામાં પાછલા 24 કલાકમાં 472 મીમી વરસાદ ખાબક્યો હતો. જેના કારણે હથનૂર ડેમ ઓવરફ્લો થઈ ગયો હતો. ડેમના સોમવારે બપોરે 3 કલાકે ટોટલ 41 દરવાજા ખોલી દેવામાં આવ્યાં છે. જેથી ડેમમાંથી પ્રતિ સેકંદ 4 હજાર 839 ક્યુસેક છોડવામાં આવતાં તાપી નદી કિનારે આવેલા મહારાષ્ટ્રનાં જલગાંવ, ધુલિયા, નંદુરબાર, ગુજરાત રાજયના તાપી, સુરત ગામના લોકોએ એલર્ટ પર રાખી દેવામાં આવ્યાં છે.

જેલમાં પાંચ ક્લાક સુધી ચાલ્યો ખૂની ખેલ, 16નાં માથા ધડથી અલગ, 57ની ક્રુર હત્યા

બ્રાઝીલના ઉત્તરી રાજ્ય પારામાં આવેલી જેલમાં ભારે હિંસા ફાટી નીકળી હતી. આ હિંસામાં 57 કૈદીઓની સામ-સામે હત્યા કરવામાં આવી હતી.બ્રાઝીલના પાટનગર બેલેમાથી લગભગ 850 કિમી દુર આવેલી અલ્ટામીરા જેલમાં પાંચ ક્લાક સુધી ખૂની ખેલ ચાલ્યો હતો. ઘટનાની જાણકારી મળ્યા બાદ ભારે મુશ્કેલીના અંતે પોલીસને હિંસક કૈદીઓ પર કાબૂ મેળવવામાં સફળતા મળી હતી. ઘટનામાં 16 કૈદીઓના માથાને ઘડથી અલગ કરી દેવાની ક્રુરતા પણ સામે આવતા કમકમાટી સાથે સનસનાટી મચી જવા પામી છે.

બે જૂથો વચ્ચે થયેલા અથડામણમાં એક જૂથે આગ લગાડી દીધી હતી. જેમાં 41ના મોત શ્વાસ રૂંધાવાના કારણે થયા હતા. જેલના વડા જારબાસ વાસ્કોનસેલોસે કહ્યું કે બે ગ્રુપ વચ્ચેની લડાઈમાં એક ગ્રુપનું કાસળ કાઢી નાંખવા માટે હુમલો કરવામાં આવ્યો હતો. 16 જેટલા કૈદીઓના માથા ધડથી અલગ કરી દેવામાં આવ્યા બાદ જેલના રૂમમાં આગ લગાડી દેવામાં આવી હતી. આ હુમલો સ્થાનિક ગેગ દ્વારા કરવામાં આવ્યો હતો. ગેંગના ગેંગસ્ટરોએ જેલમાં પ્રવેશ કરી હુમલાને અંજામ આપ્યો હતો.

જેલ તંત્રના અધિકારીઓએ કહ્યું કે જેલમાં કૈદીઓ એક ખૂણામાં નાસ્તો કરવા માટે બેઠાં હતા. બીજી તરફના સેલમાંથી હુમલાખોરો બળજબરીપૂર્વક ઘૂસી આવ્યા હતા અને હથિયારો સાથે હુમલો કર્યો હતો. પોલીસે બંધક બનાવેલા બે કૈદીઓને છોડાવ્યા હતા. કૈદીઓના સગાઓએ અલ્ટામીરા જેલમાંથી એક ગ્રુપને અન્ય જેલમાં સ્થળાંતર કરવાની માંગ કરી હતી. બ્રાઝીલની જેલમાં આવા પ્રકારનો પહેલો હુમલો મથી. આ પહેલાં પણ 27મી મેના દિવસે મનાઉસ સિટીમાં એનીસીયા જોબીમ જેલમાં કૈદીઓ વચ્ચે હિંસા ફાટી નીકળી હતી. જેમાં 15 કૈદીઓના મોત થયા હતા.આ ઘટનામાં કૈદીઓએ એકબીજાના ગળા દબાવી હત્યા કરી હતી. જ્યારે વિવિધ જેલોમાં થયેલા હુમલામાં કુલ 42 લોકોના મોત થયા હતા.

કાફે કોફી ડેના માલિક સિદ્વાર્થે નેત્રાવતી નદીમાં મોતનો ભૂસ્કો માર્યો છે?

કાફે કોફી ડેના માલિક અને કર્ણાટકના પૂર્વ મુખ્યમંત્રી એસ.એમ.કૃષ્ણના જમાઈ વીજી સિદ્વાર્થ સોમવાર રાત્રીથી લાપતા છે. મીડિયા રિપોર્ટમાં દાવો કરવામાં આવ્યો છે કે સિદ્વાર્થે નેત્રાવતી નદીમાં મોતનો ભૂસ્કો માર્યો છે. પોલીસે સિદ્વાર્થની શોધખોળ શરૂ કરી દીધી છે. સિદ્વાર્થ બિઝનેસ ટ્રીપ પર ચિકમંગલૂર ગયા હતા. ત્યાં સુધી લોકોને તેમની ભાળ હતી. ત્યાર બાદથી તેમનો કોઈ પતો મળી રહ્યો નથી. ફોન પણ સોમવાર રાતથી સ્વિચ ઓફ બતાવવામાં આવી રહ્યો છે. આવામાં અટકળો અને અફવાઓએ જોર પકડ્યું છે.

દેશની સૌથી મોટી કોફી ચેનના માલિક આમ લાપતા થતા કર્ણાટકના ઉદ્યોગ જગતમાં ખળભળાટ વ્યાપી ગયો છે. સિદ્વાર્થના લાપતા થવા પાછળ અનેક પ્રકારના ક્યાસ કરવામાં આવી રહ્યા છે. પોલીસને જાણ થઈ છેકે મેંગ્લુરુના ઉલ્લાલ બ્રિજ પરથી એક વ્યક્તિએ નેત્રાવતી નદીમાં છલાંગ લગાવી દીધી છે. પોલીસને આ કોલ નવ વાગ્યાની આસપાસ મળ્યો છે. આના કારણે એવું માનવામાં આવી રહ્યું છે કે સિદ્વાર્થે નેત્રાવતીમાં મોતની છલાંગ લગાવી દીધી છે.

પોલીસે એક કાર ચાલકને ટાંકીને જણાવ્યું કે ઉલ્લાલ બ્રિજ પરથી એક માણસે કૂદકો માર્યા છે. પોલીસે શોધખોળ શરૂ કરી દીધી છે. કાર ચાલકે કૂદકો મારનાર વ્યક્તિની ઓળખ સિદ્વાર્થ તરીકે આપી છે. સિદ્વાર્થ સોમવાર રાત્રે મેંગ્લુર આવ્યા હતા. ડ્રાઈવરને બ્રિજ નજીક કાર અટકાવીને નીચે ઉતરી ગયા હતા. ડ્રાઈવરે કાર અટકાવ્યા બાદ સિદ્વાર્થ બ્રિજ પર આંટો મારવા નીકળ્યા હતા અને ત્યાર બાદથી તેઓ લાપતા થયા છે.

ડ્રાઈવરની માહિતીના આધારે પોલીસે ડોગ સ્કવોડ સહિતના કાફલાને શોધખોળમાં જોતરી દીધા છે. અંદાજે 200 લોકોની ફોજ સિદ્વાર્થને શોધી રહી છે. ઉલ્લાલ બ્રિજના એક કિલોમીટર વિસ્તારમાં સતત શોધ કરવામાં આવી રહી છે. આજુ બાજુના વિસ્તારોમાં પણ તપાસ શરૂ કરવામાં આવી છે.

ઉન્નાવ રેપ રેસ: પીડિતાની કાકી-માસીના મોત મામલે ભાજપના ધારાસભ્ય વિરુદ્વ હત્યાનો ગુનો દાખલ

ઉન્નાવ રેપ કેસની પીડિતા સાથે થયેલા અકસ્માતમાં કાકી-માસીના મોત મામલે ભાજપના ધારાસભ્ય કુલદીપ સેંગર વિરુદ્વ પોલીસે હત્યાનો ગુનો દાખલ કર્યો છે. કુલદીપ વિરુદ્વ હત્યા અને હત્યાનું ષડયંત્ર રચવાની એફઆઈઆર દાખલ કરાઈ છે. પીડિતાના કાકાએ કુલદીપ વિરુદ્વ ફરીયાદ દાખલ કરી છે. પીડિતાના કાકા હાલ રાયબરેલી જેલમાં છે.

એફઆઈઆરમાં ધારાસભ્ય કુલદીપસિંહ સેંગર, તેનો ભાઈ મનોજ સેંગરનું નામ પણ છે. આ ઉપરાંત 10 અન્ય લોકોના નામ છે, તથા અજાણ્યા 15-20 જણા વિરુદ્વ ફરીયાદ કરવામાં આવી છે. આઈપીસીની કલમ 302,307, 506,120-બી પ્રમાણે એફઆઈઆર કરવામાં આવી છે.

Man vs Wild: PM મોદી ઈન જંગલ, PM મોદીના આ રૂપથી દુનિયા છે અજાણ, જૂઓ સનસનાટીપૂર્ણ ફોટો અને વીડિયો

ડિસ્કવરી ચેનલના એડવેન્ચર શો Man Vs Wildમાં પ્રધાનમંત્રી મોદીએ ભાગ લીધો. આ શોને 12મી ઓગષ્ટે રાત્રે નવ વાગ્યે ચેનલ પ્રસારિત કરવામાં આવશે. પણ આ શોનું ટીઝર રિલીઝ થતાંની સાથે જ શોના હોસ્ટ બેયર ગ્રિલ્સ સાથે પીએમ મોદી એડવેન્ચર કરતાં જોવા મળી રહ્યા છે.

બેયર ગ્રિલ્સે ટવિટ કરીને શો અંગે જાણકારી આપી હતી. તેમણે જણાવ્યું કે શોને 180 દેશનાલોકો જોશે. આ એપિસોડમાં પીએમ મોદીનું એવું રૂપ જેવા મળશે જેનાથી દુનિયા અજાણ છે.

ગ્રિલ્સે લખ્યું કે પર્યાવરણ અને સંરક્ષણના હેતુ સાથે પીએમ મોદી જંગલમાં પહોંચ્યા હતા. Man Vs Wild શો લોકપ્રિય અને ચર્ચિત છે. લોકોમાં જંગલ પ્રત્યે જાગૃતિ આવે તેના માટે પીએમ મોદીએ શોમાં ભાગ લીધો છે. આ શોમાં અનેક જાણીતી હસ્તીઓ આવી ચૂકી છે.

Man Vs Wild શો પહેલી વાર 13 વર્ષ પહેલાં લોન્ચ થયો હતો. આ શોમાં સર્વાઈવલ સ્કીલ પર ફોકસ કરવામાં આવે છે. શોમાં સામાન્યપણે હોસ્ટને કોઈ ચોક્કસ જગ્યાએ પહોંચાડવામાં આવે છે અને જીવીત રહેવા માટેની તરકીબો શોધવામાં આવે છે.

ટવિટપ પર શોનું ટીઝર રિલીઝ થતાં માત્ર બે ક્લાકમાં બે લાખ લોકોએ તેને જોયું હતું.

અંતે પીએમ મોદીના એડવેન્ચરનો વીડિયો જૂઓ..

વીડિયો: વરસાદમાં ગરબાની રમઝટ, લોકોએ માણી માઝમ માહોલની ભરપૂર મજા

સુરત અને ભરૂચમાં આજ સવારથી મેઘરાજા દ્વારા જોરદાર બેટીંગ કરવામાં આવી રહી છે ત્યારે માઝમ વરસાદી માહોલની લોકોએ ભરપૂર મજા માણી હતી. વરસતા વરસાદમાં લોકો ઘૂમ્યા હતા અને વરસાદના વધામણા કર્યા હતા.

જૂઓ વીડિયો…

પાછલા કેટલાક દિવસોથી વરસાદે જમાવટ કર ન હતી અને લોકો બફારો અને ગરમીમાં આકૂળ વ્યાકૂળ થઈ ગયા હતા, તેવામાં મેઘરાજાએ કૃપા કરતા લોકોમાં આનંદ છવાયો હતો. ગરબાની રમઝટ સાથે મેહુલિયાને વધાવી લેવામાં આવ્યો હતો.

બનાસકાંઠા જળબંબાકાર, વાવમાં નવ ઈંચ વરસાદ, જાણો બીજે ક્યાં વરસી રહ્યો છે વરસાદ

ઉત્તર ગુજરાતના બનાસકાંઠામાં ભારે વરસાદના કારણે સમગ્ર પંથક જળબંબાકાર થઈ ગયો છે. પાછલા 24 ક્લાકમાં જ વાવ તાલુકામાં નવ ઈંચ વરસાદ પડી ગયો છે. અવિરત વરસી રહેલા તોફાની વરસાદના કારણે ઠેક-ઠેકાણે ઝાડ પડી જવાની ઘટના બની છે. ઉત્તર ગુજરાત ઉપરાંત દક્ષિણ ગુજરાતના સુરત, ભરૂચમાં પણ જોરદાર વરસાદ વરસી રહ્યો છે.

બનાસકાંઠાના અન્ય તાલુકાઓમાં પણ સારો વરસાદ થયો છે. થરાદમાં 7 ઈંચ, દિયોદરમાં 5 ઈંચ અને વાવમાં 9 ઈંચ વરસાદ પડ્યો છે. વરસાદને કારણે બનાસ નદીમાં પાણીની ભારે આવક થતાં લોકોએ હાશકારો અનુભવ્યો છે. હવામાન ખાતા દ્વારા બનાસકાંઠામાં હજુય ભારે વરસાદની આગાહી કરવામાં આવતા જિલ્લા વહીવટી તંત્ર સ્ટેન્ડ બાય મોડમાં રાખવામાં આવ્યું છે.

ઉત્તર ગુજરાત અને દક્ષિણ ગુજરાતમાં વરસાદે જમાવટ કરી છે. આજે બપોરથી વરસાદ ચાલુ છે. અમદાવાદ સહિત મધ્ય ગુજરાતમાં આજ સવારથી છૂટાછવાયા ઝાપટાં પડી રહ્યાં છે. વડોદરા, સુરત અને રાજકોટમાં પણ વરસાદી માહોલની જમાવટ થઈ છે.

RSS શરૂ કરશે આર્મી સ્કૂલ, આવી રીતે મળશે એડમિશન

આગલા વર્ષથી રાષ્ટ્રીય સ્વંય સેવક સંઘ(RSS) દ્વારા પોતાની પ્રથમ આર્મી સ્કૂલ શરૂ કરવા જઈ રહ્યું છે. આ સ્કૂલમાં સશસ્ત્ર દળોમાં સામેલ થવા માંગતા બાળકોને ટ્રેનીંગ આપવામાં આવશે. RSSની વિદ્યા શાખા દ્વારા આર્મી સ્કૂલનું સંચાલન કરવામાં આવશે. સ્કૂલનું નામ RSSના પૂર્વ સરસંઘચાલક રાજેન્દ્રસિંહ-રજ્જૂ ભૈયાના નામ પર રાખવામાં આવશે. સ્કૂલનું નામ રજ્જૂ ભૈયા સૈનિક વિદ્યા મંદિર રહેશે.

RSSની આર્મી સ્કૂલની શરૂઆત ઉત્તરપ્રદેશના બુલંદશહેરના શિકારપુરમાંથી કરવામાં આવશે.1992માં અહીંયા રજ્જૂ ભૈયાનો જન્મ થયો હતો. આ સ્કૂલમાં છઠ્ઠા ધોરણથી લઈ બારમા ધોરણ સુધીના વિદ્યાર્થીઓ હશે. શૈક્ષણિક સત્ર એપ્રિલથી શરૂ થશે. આમાં સીબીએસઈનું સેલેબસ હશે. સ્કૂલના નિર્માણનું કામ ચાલી રહ્યું છે. વિદ્યા ભારતીના સંયુક્ત સંગઠન સચિવ યતીન્દ્ર કુમારે મીડિયા સાથેની વાતચીતમાં કહ્યું કે હાલ પ્રયોગના ભાગરૂપે વિદ્યા ભારતી તરફથી પ્રથમ સૈનિક સ્કૂલ ખોલવામાં આવી રહી છે.

તેમણે કહ્યું કે 2020-21માં સ્કૂલમાં સીબીએસઈ પ્રમાણે અભ્યાક્રમ શરૂ કરવામાં આવશે. વિદ્યાર્થીઓને ટ્રેનીંગ સાથે વિશેષ વ્યવસ્થા પણ કરવામાં આવશે. સેનાના નિવૃત્ત સૈન્ય કર્મીઓને ટીચીંગ માટે નિમણૂંક કરવામાં આવશે. સ્કૂલમાં હોસ્ટેલની સુવિધા પણ રહેશે.  હાલ વિદ્યા ભારતી દેશભરમાં વીસ હજાર સ્કૂલોનું સંચાલન કરી રહ્યું છે.

વિદ્યા ભારતીના અજય ગોયલે જણાવ્યું કે પ્રથમ બેચના પ્રોસ્પેક્ટસ લગભગ તૈયાર કરી દેવાયા છે. ત્યાર બાદ અરજીની પ્રક્રિયા શરૂ કરવામાં આવશે. પ્રથમ બેચમાં છઠ્ઠા ધોરણ માટે 160 વિદ્યાર્થીઓને એડમિશન આપવામાં આવશે. શહીદોના બાળકો માટે 56 સીટ અનામત રાખવામાં આવી છે. સપ્ટેમ્બરમાં રિટાયર્ડ આર્મીના ઓફીસર્સ સાથે સૂચનો માટે બેઠક કરવામાં આવશે.

RSS દ્વારા શરૂથી જ સૈન્ય શિક્ષણ તરફેણ કરવામાં આવી રહી છે. 1937માં નાસિકમાં ભોંસલા મિલિટ્રી સ્કૂલની સ્થાપના બીએસ મુંઝેએ કરી હતી. બીએસ મુંઝે RSSના સંસ્થાપક કેશવ રામ હેડગેવારના ગુરુ હતા.

સ્કૂલના બ્રોશરમાં લખવામા આવ્યું છે કે દેશમાં સેના, નૌ-સેના અને વાયુ સેનામાં અધિકારીઓની સંખ્યા ઓછી છે. દરેક રાજ્યમાં આર્મી સ્કૂલ છે પણ તે ડિમાન્ડને પરિપૂર્ણ કરી રહી નથી.

40 કરોડના ખર્ચે સ્કૂલ બિલ્ડીંગ બાંધવામાં આવશે. એડમિશન માટે સંપૂર્ણ બાયોડેટા અને બાળકોની યોગ્યતાના આધારે નક્કી કરવામાં આવશે. એડમિશન માટેના કેવા નિયમો હશે તેની જાણકારી હાલ આપવામાં આવી નથી, પણ એડમિશમ પ્રક્રિયામાં બાળકની સક્ષમતાને ધ્યાને રાખવામાં આવશે અને કૌશલ્યને પણ અગ્રીમતા આપવામાં આવનાર છે.

કંપારી છોડાવતો વીડિયો: એક દુર્ઘટના મોં ફાડીને રાહ જૂએ છે, શાળામાં જવા બાળકો જાનની બાજી લગાવે છે

એજ્યુકેશન મામલે ભાજપની લગભગ તમામ રાજ્ય સરકારો મોટી-મોટી ડંફાશ મારે છે, ગુલબાંગો પોકારે છે, પણ દિવા તળે ઘોર અંધારું જોવા મળી રહ્યું છે. શાળાઓની સ્થિતિ એટલી બધી જોખમી બની ગઈ છે કે બાળકોના જાન પર જોખમ ઉભૂં થયું છે.

મુંબઈના તાતા નગર વિસ્તારમાં આવેલી ચૂનાભઠ્ઠીની શાળામાં બાળકોને ચોથા માળે ભણવા માટે જવું પડે છે. ચોથા માળે વર્ગખંડમાં જવા માટે બાળકોને અત્યંત જોખમી અને ખખડઘજ બાલ્કની કહો તો બાલ્કની અને સ્પેસ કહો તો સ્પેસમાંથી પસાર થવું પડે છે. બાળકો સાંકડી અને તૂટે-ફૂટેલી જગ્યામાંથી પસાર થવા માટે દોરડાના સહારે આવન-જાવન કરે છે.

જૂઓ વીડિયો…

મુંબઈમાં હાલ હોનારતોનો દૌર ચાલી રહ્યો છે. ભારે વરસાદે મુંબઈમાં ખાના-ખરાબી સર્જી છે ત્યારે મુંબઈ-થાણેમાં આવા પ્રકારની ચારેક સ્કૂલ હોવાની માહિતી મળી રહી છે. મહારાષ્ટ્રની બહુ દોડતી ફડણવીસ સરકારના કાન સુધી આ મામલો પહોંચે તે જરૂરી છે, નહિંતર એક બહુ જ ખતરનાક દુર્ઘટના મોં ફાડીને બાળકોને ઓહિયા કરી જવા રાહ જોઈ રહી હોય એવું લાગે છે.