જાણો PM મોદીના ખોળામાં રમતી બાળકી વિશે…

PM મોદીને મંગળવારે એક ખાસ મહેમાન મળવા આવ્યો હતો. જેને જોઈને PM મોદીના ચહેરા પર રોનક આવી ગઈ હતી. આ મહેમાનને જોઈ PM મોદી એટલા બધા ખુશ થઈ ગયા હતા કે તેમણે ઈન્સ્ટાગ્રામ પર ફોટો શેર કર્યો હતો. ફોટો જોઈને લોકો કહેવા લાગ્યા કે આ નાનકડો મહેમાન કોણ છે.

સોશિયલ મીડિયા પર વડાપ્રધાન મોદીએ મંગળવારે બાળક સાથેનો ફોટો શેર કર્યો હતો. આ ફોટો ખાસ્સો વાયરલ થયો હતો. બાળક સાથે પીએમ મોદી હંસતા-રમતા જોવા મળી રહ્યા હતા. ફોટો શેર થયા બાદ મીડિયામા ચર્ચા થવા માંડી હતી કે આ બાળક છે કોણ?

મંગળવારે PMની ઓફીસમાં બાળક આવ્યો હતો. PM મોદીએ તેને ખોળામાં લઈને રમાડ્યો હતો. ઈન્સ્ટાગ્રામ પર ફોટો શેર કરી PM મોદીએ લખ્યું કે આજે સંસદમાં એક અત્યંત ખાસ મિત્ર મુલાકાત કરવા માટે આવ્યો હતો.

અનેક પ્રકારની ચર્ચા થઈ રહી હતી અને અટકળો ચાલી રહી હતી. આ બાળક બીજું કોઈ નહીં પણ ભાજપના રાજ્યસભાના સાંસદ સત્યનારાયણ જટીયાની પૌત્રી છે.

વડાપ્રધાન હંમેશ મહેમાનો સાથે મુલાકાત કરતા રહે છે. દેશ-વિદેશના લોકો આ નામાવલિમાં સામેલ છે.

આ દરમિયાનમાં PM મોદીએ તેન ખોળામાં લઈને લાડ કર્યો હતો અને ચોકલેટ પણ આપી હતી. PM મોદીને બાળકો પ્રત્યે ખાસ્સો લગાવ છે. પંદરમી ઓગષ્ટે લાલ કિલ્લા પરથી ભાષણ આપ્યા બાદ તેઓ પ્રોટોકોલ તોડીને પણ બાળકોને મળવા પહોંચી ગયા હતા. પરીક્ષા વખતે બાળકોને તણાવ મૂક્ત રહેવા માટે સલાહ આપે છે અને રક્ષાબંધન પર બાળકીઓ પાસે રાખડી પણ બંધાવે છે.