કર્ણાટકમાં કોંગ્રેસ-જેડીએસ સરકાર પડી ગઈ, વિશ્વાસ મતની વિરુદ્વમાં પડ્યા 105 વોટ

કર્ણાટકમાં કોંગ્રેસ-જેડીએસ સરકારનુ પતન થયું છે. વિશ્વાસ મતના પ્રસ્તાવની વિરુદ્વમાં 105 વોટ પડ્યા હતા. ભાજપે કહ્યું કે અપવિત્ર અને ભ્રષ્ટ સરકારની વિદાય થઈ છે. ભાજપમાં ઉત્સવની ઉજવણી કરવામાં આવી રહી છે.

પાછલા અઠવાડિયાથી કર્ણાટકમા વિશ્વાસ પ્રસ્તાવને લઈ ભારે ખેંચતાણ અને કાયદાકીય જંગ મંડાયો હતો. ભાજપના નેતા યેદુરપ્પાએ કોંગ્રેસ-જેડીએસ સરકાર પર આરોપોની વણઝાર કરી હતી તો કોંગ્રેસ અને જેડીએસે ભાજપ પર બંધારણ અને ધારાસભ્યોને ખરીદી લેવાના આરોપ મૂક્યા હતા.

કોંગ્રેસના 13 અને જેડીએસના 3 ધારાસભ્યોએ બળવો કરતાં ગઠબંધન સરકાર સામે ખતરો ઉભો થયો હતો. વિધાનસભામાં આજે વિશ્વાસ પ્રસ્તાવ પર વોટીંગ કરવામાં આવ્યું હતું.

વિશ્વાસ પ્રસ્તાવની ફેવરમાં 99 વોટ પડ્યા હતા જ્યારે વિરુદ્વમાં 105 વોટ પડ્યા હતા. ભાજપે વિધાનસભામાં નારાબાજી કરી હતી અને હવે પછી કર્ણાટકમાં સરકાર રચવા માટે દાવો કરવામાં આવશે તેવું જણાવ્યું હતું.