વડોદરામાં બારે મેઘખાંગા, 14 ક્લાકમાં રેકોર્ડ બ્રેક 18 ઈંચ વરસાદ, આર્મી એલર્ટ

સમગ્ર ગુજરાતમાં વરસાદની જોરદાર બેટીંગ ચાલી રહી છે. આજે વરસાદે વડોદરા શહેર અને જિલ્લાને ધમરોળ્યું હતું. પાછલા  કેટલાક કલાકોમાં મેઘરાજા ધમાકેદાર બેટિંગ કરી રહ્યા છે. ત્યારે આજે મધ્ય ગુજરાત અને વડોદરામાં પણ મેઘરાજા મન મુકીને વરસી રહ્યા છે. વડોદરા શહેર અને જિલ્લામાં આજે બપોરે 12 વાગ્યા બાદ મેઘરાજાએ મનમૂકીને વરસવાનું શરૂ કરતા જનજીવન અસ્તવ્યસ્ત થઇ ગયું છે. ઠેર ઠેર નીચાણવાળા વિસ્તારોમાં પાણી ભરાઈ ગયા છે. પાછલા 14 ક્લાકમાં વડોદરામાં 18 ઈંચ વરસાદ વરસી ગયો છે.

વડોદરાની સ્થિતિને લઈ મુખ્યમંત્રી  વિજય ભાઈ રૂપાણીએ ઉચ્ચસ્તરીય બેઠક યોજી સમીક્ષા હાથ ધરી હતી બે આઇએએસ અધિકારીઓ વિનોદ રાવ અને લોચન શહેરાને તાત્કાલિક વડોદરા પહોંચી સ્થાનિક તંત્રનું માર્ગદર્શન કરવા સુચના આપી હતી.

આર્મીને એલર્ટ કરી દેવામાં આવી છે. NDRFની ત્રણ ટીમોને સ્ટેન્ડ ટૂ રાખવામાં આવી છે. અમદાવાદ અને સુરત કોર્પોરેશનના અધિકારીઓને મદદ માટે બોલાવવામાં આવ્યા છે. વડોદરામાં વર્ષો પછી જળબંબાકારની આવી સ્થિતિ નિર્માણ થવા પામી છે.

વડોદરાના નીચાણ વાળા વિસ્તારના લોકોને સલામત સ્થળે સ્થળાંતર કરવામાં તંત્રને સહયોગ આપવા નાગરિકને સીએમ રૂપાણીએ અનુરોધ કર્યો હતો. મુખ્યમંત્રી પોતે ગાંધનગર ફલડ કન્ટ્રોલ પર પહોંચી ગયા છે.

રેકોર્ડ બ્રેક વરસાદ થતાં નીચાણવાળા વિસ્તારોમાં પાણી ભારાઇ ગયા હતા. વડોદરા હાઈવેથી સિટીમાં પ્રવેશવાના રસ્તાઓ પર ભારે ટ્રાફીક જામના દ્રશ્યો જોવા મળી રહ્યા છે. તંત્રની સંપૂર્ણ બેદરકારી છતી થઈ રહી છે.

વડોદરા શહેર અને જિલ્લામાં ગત મોડી રાત્રીથી અત્યાર સુધીમાં જોરેદાર વરસાદ ખાબક્યો છે. લાંબા સમય બાદ મેઘરાજાની મહેરબાનીથી શહેરીજનો અને ખેડૂતોમાં ખુશીની લહેર છવાઈ ગઈ છે. પરંતુ, કેટલીક જગ્યાઓ પર પાણી ભરાઈ જવાને કારણે સ્કૂલે જતા બાળકો, અને નોકરી ધંધે જતા લોકોને હાલાકીનો સામનો કરવો પડ્યો છે.

પોર્ન વીડિયો જોઈ સુરતના અનિલ યાદવે બાળકી પર દુષ્કર્મ આચર્યું હતું, કઇ બાબતો લઈ ગઈ ફાંસીની સુધી, જાણો કેસની અથથી ઈતિ…

સુરતના લિંબાયત વિસ્તારમાં 3 વર્ષની માસૂમ બાળકી સાથે બદકામ કરનારને કોર્ટે ફાંસીની સજા સંભળાવી હતી. સુરતની સેશન્સ કોર્ટે ઐતિહાસિક ચુકાદો સંભળાવતા દુષ્કર્મ અને હત્યાના આરોપી અનિલ યાદવને ફાંસીની સજા સંભળાવામાં આવી હતી. ગત 15-10 2018ના રોજ ગુનો કરનાર આરોપી ભાગીને બિહાર જતો રહ્યો હતો. બાદમાં પોલીસે આરોપીને બિહારથી ઝડપી લીધો હતો.

ગુજરાત સરકારે કેસ ઝડપી ચલાવવા તાકીદ કરી હતી. કોર્ટે 35 સાક્ષીઓ,મેડિકલ પુરાવવા,FSL પુરાવવા,સીસીટીવી ફૂટેજ વગેરે પુરાવવાના આધારે ફાંસીની સજા સંભળાવી હતી. બાળકીની માતા-પિતાએ પણ ચુકાદાને આવકાર્યો હતો અને દીકરીને ન્યાય મળ્યાની લાગણી વ્યક્ત કરી હતી.

સમગ્ર કેસની વિગત એવી છે કે, 14 ઓકટો., 2018ના રોજ ગોડાદરામાં રહેતો આરોપી અનિલ યાદવ પોતાના ઘર નજીક જ રહેતી ત્રણ વર્ષિય બાળકીને પોતાના રૂમમાં લઇ ગયો હતો. અને માસુમ સાથે સૃષ્ટિ વિરુધ્ધનું કૃત્ય અને બળાત્કાર ગુજારી તેની હત્યા કરી નાંખી હતી અને બાદમાં માસુમ બાળકીની લાશને કોથળામાં ભરીને પોતાના રૂમને બહારથી તાળું મારી દીધું હતું અને પોતે પ્રથમ તો બાળકી ગમ થઈ હોવાથી પરિવાર અને પોલીસ સાથે શોધખોળ હાથ ધરી હતી ,અને ત્યાર બાદ આરોપી અનિલ પોતાના વતન નંદુરબાર ભાગી ગયો હતો. આ કેસમાં પોલીસે ગુનો નોંધી શોધખોળ શરૂ કરી હતી અને આરોપી બિહારથી પકડાયો હતો. સીસીટીવી ફૂટેજ ચકાસ્યા બાદ આરોપીની ઓળખ થઇ હતી અને બાળકીની લાશ પણ આરોપીના રૂમમાંથી મળી આવી હતી. ત્યારબાદ કોર્ટમાં કેસ ચાલ્યો હતો અને સરકારના આદેશને પગલે સ્પીડ ટ્રાયલનો પ્રયાસ કરવામાં આવ્યો હતો. જે તે સમયે સરકારે તો બે જ અઠવાડિયામાં કેસના નિકાલનો આદેશ કર્યો હતો.

પોલીસે આરોપીને ઝડપી પાડી કડક પૂછપરછ કરતા તેણે પોતાના મોબાઈલમાં પોર્ન વિડીયો જોયો હતો અને ત્યાર બાદ બાળકીને પોતાના ઘરમાં લઇ જઈ દુષ્કર્મ આચર્યું હતું એટલું જ નહી બાળકીની હત્યા કર્યા બાદ તેણીની લાશને રૂમમાં જ કોથળામાં ભરી ફરાર થઇ ગયો હતો. આ કેસમાં સરકાર પક્ષે ધારદાર દલીલો કરવામાં આવી હતી. આ ઉપરાંત રિટાયર્ડ એસીપી રિયાઝ મુનશી ની પણ મદદ સારી એવી મળી હોવાથી સરકારી વકીલને દલીલોમાં ફાયદો થયો હતો , આરોપીને કડક સજા થાય એની પર ફોક્સ રહ્યો હતો. મોટા ભાગે રોજ હિયરિંગ ચાલ્યુ. જાન્યુઆરીમાં ચાર્જફ્રેમ કરવામાં આવ્યો અને છે જ મહિનામાં આરોપીને સજાનો હુકમ કરાયો. સરકાર પક્ષે મખ્ય જિલ્લા સરકારી વકીલ નયન સુખડવાલા આ કેસમાં સ્પે. પી.પી. રહ્યા. હતા.

આ એ સમય હતો જ્યારે ઉપરાછાપરી બાળકીઓ પર બળાત્કારની ઘટનાઓ બની રહી હતી. કુલ ત્રણ કેસમાં સ્પિડ ટ્રાયલના આદેશ કરાયા હતા જેમાં એક કેસ આ હતો. સરકારે બે અઠવાડિયામાં ટ્રાયલ પુરી કરવા કહ્યું હતું. આ માટે સ્પે. પી.પી.ની પણ નિમણૂંક કરાય હતી. બાળકીના પરિવારને વળતર પણ ઝડપી ચૂકવાયું હતું. જોકે આજે ફાંસીની સજાનું એલાન થતા પીડિત પરિવાર દ્વારા સરકાર , વકીલ , અને પોલીસનો ધન્યવાદ કર્યો હતો અમે સમાજમાં આ ફાંસીની સજા એ ઉદાહરણ બની જશે અને લોકો હવે આવું કરતા પહેલા થર થર કંપી ઉઠશે.

કઇ-કઈ બાબતો આરોપીને સજા સુધી લઇ ગઈ

  • 5 સાક્ષીઓની જુબાની
  • મેડિકલ પુરાવા
  • સ્થળ પરના પુરાવા
  • પિતાની જુબાની
  • સીસીટીવી ફુટેજ
  • એફએસએલ પુરાવા
  • પાલેજ સ્ટેશનના સીસીટીવી ફુટેજ જ્યાં આરોપી હતો
  • આરોપીની કોલ ડિટેઇલ
  • કેસની ટૂંકી વિગત
  • 14 ઓકટો., 2018: ગુનો બન્યો
  • 15 ઓકટો., 2018: ગુનો જાહેર
  • કંઇ કલમ લગાવાઇ: 302, 376 (એ) (8), 367, 378, એટ્રોસિટી એક્ટ 3(2)(5) (5અ)
  • 38 સાક્ષીઓની જુબાની લેવાઇ
  • 4, નવેમ્બર, 2018 : એક મહિનામાં ચાર્જશીટ કરાઇ
  • એકેય પંચ હોસ્ટાઇલ થયો નહીં
  • 71 સાક્ષીઓ દર્શાવ્યા હતા
  • સાત મુદ્દા પર એફએસસી અહેવાલ મેળવવામાં આવ્યા
  • સીસીટીવી, રેકોર્ડિંગ સહિતના ડિજિટલ પુરાવા રજૂ કરાયા
  • બાળકીના પિતાની જુબાની અને મેડિકલના પુરાવા મહત્વના સાબિત થયા
  • આરોપી ઘટનાના અઠવાડિયા બાદ નંદુરબારથી પકડાયો હતો
  • 9 દિવસના રિમાન્ડ મંજૂર કરાયા હતા
  • રિમાન્ડ બાદ કોર્ટમાં કેસ ચાલ્યો હતો
  • આજે ફાંસીની સજા

ગ્રાહકે મુસ્લિમ ડિલીવરી બોય પાસેથી ફુડ લેવાનો કર્યો ઈન્કાર, ઝોમેટોએ કહ્યું, ‘ભોજનનો કોઈ ધર્મ નથી હોતો, આવા ગ્રાહકો ભલે જાય’

ઝોમેટોને જ્યારે ફૂડ ડિલિવરી કરવાની જવાબદારી એક મુસ્લિમ યુવાનને સોંપી તો ગ્રાહક અમિત શુક્લએ વાંધો વ્યક્ત કર્યો અને ઓર્ડર કેન્સલ કરી દીધો હતો. ત્યારબાદ અમિતે ઝોમેટો એપ અનઇન્સટોલ કરી દીધી હતી અને સમગ્ર ઘટનાની જાણકારી ટ્વિટર પર આપી હતી. આ અંગે ઝોમેટોએ ટ્વિટર પર લખ્યું કે, ભોજનનો કોઇ ધર્મ નથી હોતો, ભોજન પોતાની રીતે જ એક ધર્મ છે. ત્યારબાદ ઝોમેટોના માલિક દીપિંદર ગોયલે જણાવ્યું હતું કે, જો આવા ગ્રાહકો અમને છોડીને જવા માગે છે તો ભલે જાય.

અમિત શુકલે 30 જુલાઇએ ટ્વીટ કર્યું હતું. અમિતે લખ્યું કે, હાલ ઝોમેટો પર એક ઓર્ડર કેન્સલ કરી દીધો કેમકે તે એક નોન-હિન્દુ રાઇડરને ભાોજન પહોંચડવા માટે મોકલવામાં આવ્યો હતો. કંપનીએ કહ્યું કે તે રાઇડર બદલશે નહીં અને ઓર્ડર કેન્સલ પણ નહીં કરે. મેં કહ્યું કે ડિલિવરી લેવા માટે તેઓ બળજબરી નથી કરી શકતા. મને રિફન્ડ નથી જોઇતું, મારો ઓર્ડર કેન્સલ કરી દો.

બીજી ટ્વીટમાં ઝોમેટો એપ ડિલીટ કરવાની વાત કરી હતી. શુકલે જણાવ્યું હતું કે, ઝોમેટો મને એ લોકો પાસેથી ડિલિવરી લેવા માટે દબાણ કરે છે જેની પાસેથી તેઓ ભોજન લેવા માગતા નથી. અને તેઓ રિફન્ડ પણ નથી આપતા અને કોઇપણ પ્રકારનો સહયોગ પણ નથી કરતા. આ મુદ્દે હું વકીલ સાથે વાત કરીશ.

આ અંગે ઝોમેટોએ ટ્વીટ કરીને જણાવ્યું કે, ભોજનનો કોઇ ધર્મ નથી હોતો. ભોજન પોતાની રીતે જ એક ધર્મ છે. ત્યારબાદ ઝોમેટોના સહસ્થાપક દીપિંદર ગોયલે લખ્યું કે, અમને આઇડિયા ઓફ ઇન્ડિયા અને અમારા આદરણીય ગ્રાહકો અને પાર્ટનરોની વિવિધતા પર ગર્વ છે. અમને અમારા મૂલ્યો વચ્ચે આવનારા બિઝનેસને ગુમાવવા પર કોઇ દુ:ખ નથી.

સુરતના ક્રાઈમ ઈતિહાસમાં પહેલી ઘટના, 3 વર્ષની બાળકી પર બળાત્કાર અને હત્યા કરનારને ફાંસી

સુરતના લિંબાયત વિસ્તારમાં માત્ર 3 વર્ષની બાળકી પર બળાત્કાર કરીને હત્યા કરનાર આરોપીને સુરતની સેશન્સ કોર્ટે ફાંસીની સંભળાવી છે,સુરતની કોર્ટે ફાંસીની સજા ફરમાવી હોય તેવો પ્રથમ કિસ્સો હોવાનું જાણવા મળ્યું છે.15 ઓકટોબર 2018ના દિવસે નરાધમ બાળકી પર બળાત્કાર અને હત્યા કરીને ભાગી છુટયો હતો.સુરત પોલીસ તેને બિહારથી પકડી લાવી હતી.35 સાક્ષી,મેડીકલ પુરાવા અને સીસીટીવી સહીતના આધારને ધ્યાનમાં રાખીને સુરત કોર્ટે ઐતિહાસિક ચુકાદો સંભળાવ્યો હતો.

સુરતની કોર્ટે બુધવારે જાહેર કરેલા ઐતિહાસિક ચુકાદાની વિગત એવી છે કે અનિલ યાદવ નામના યુવકે લિંબાયતમાં રહેતી  3 વર્ષની બાળકી પર બળાત્કાર ગુજાર્યો હતો અને આ નરાધમ અહીંથી અટકયો નહોતો. બાળકીની હત્યા કરીને ભાગી  છુટયો હતો.સુરત પોલીસ તેને બિહારથી પકડી લાવી હતી. કોર્ટે તમામ પુરાવાને ધ્યાનમાં રાખીને આરોપી અનિલ યાદવને ફાંસીની સજા સંભળાવી છે.કોર્ટે 8 મહિનામાં સજા સંભળાવી છે.

સુરતમાંથી લાખો રૂપિયાનું એમડી ડ્રગ્સ પકડાયો, યુવાનોને બરબાદ કરવાનું ચાલી રહ્યું હતું ષડયંત્ર

છેલ્લા 20 દિવસમાં સુરતમાં એમડી ડ્રગ્સના બે કેસો પોલીસ ચોપડે નોંધાયા છે..આ વખતે યુવાધનને બરબાદ કરવા માટે ડ્રગ્સનું નેટવર્ક ચલાવનાર એક મહિલા સહિત બે પુરુષોને સુરત ક્રાઈમ બ્રાન્ચે ધરપકડ કરી છે. સુરતમાં રહેતા મોહમ્મદ બિલાલ ઉર્ફે બીડી અને નૂરજહાં ઉર્ફ નુરી મસ્તાનીએ મુંબઇ ખાતે રહેતા ઈબ્રાહિમ ઉર્ફે ટકલો પાસેથી આ ડ્રગ્સનુ કન્સાઇન્મેન્ટ મંગાવ્યું હતુ. જે બાદ ક્રાઇમબ્રાંચે આ ત્રણેયની ધરપકડ કરી લીધી છે.

જ્યારે પોલીસે આ ત્રિપુટી પાસેથી ક્રાઇમબ્રાંચે 14.93 લાખનું 298.77 ગ્રામ ડ્રગ્સ કબજે કરાયું છે..મોબાઈલ, ડ્રગ્સ અને રોકડ મળી કુલ 15.93 લાખની મત્તા કબજે કરાઈ છે. આ તમામ આરોપીની તપાસમાં જાણવા મળ્યું છે. મુંબઇ સ્થિત નાઈજીરીયન ઈસમ પાસેથી ડ્રગ્સ લાવી સુરતમાં વેચાણ કરવામાં આવતું હતું.

આ સમગ્ર કાંડની જો વાત કરીએ તો આ ડ્રગ્સ પ્રકરણમાં નુરી ખૂબ જ અગત્યની ભૂમિકા ભજવી રહી હતી તેણે જ મુંબઈના ઇબ્રાહીમ ઉર્ફ ટકલો નો સંપર્ક સુરતના મોહમ્મદ બિલાલ સાથે કરાવ્યો હતો. અત્રે ઉલ્લેખનીય છે કે છેલ્લા કેટલાક દિવસોમાં એમડી ડ્રગ્સનો આ બીજો મામલો સામે આવ્યો છે. અગાઉ પણ એસ.ઓ.જી.એ સાડા નવ લાખના ડ્રગ્સ સાથે ત્રણ લોકોની ધરપકડ કરી છે.

ગુજરાતની નવી ઔદ્યોગિક નીતિ માટે 10 ટાસ્કફોર્સની રચના, ત્રણ મહિનામાં કરવાની રહેશે ભલામણો

મુખ્યમંત્રી વિજય રૂપાણીએ ઔદ્યોગિક ક્ષેત્રે વિકાસની તેજ રફતારથી ગ્લોબલ ઇન્ડસ્ટ્રીયલ ડેસ્ટીનેશન બની રહેલા ગુજરાતની નવી ઔદ્યોગિક નીતિમાં સમયાનુકુલ જરૂરિયાતો મુજબની બનાવવાના સૂચનો અભ્યાસ-સમીક્ષા માટે 10 જેટલી વિવિધ ટાસ્કફોર્સની રચના કરવાનો નિર્ણય કર્યો છે. અત્રે એ નિર્દેશ કરવો જરૂરી છે કે રાજ્યની વર્તમાન ઊદ્યોગ નીતિ જે પહેલા જાન્યુઆરી–2015થી અમલમાં આવી હતી તે આગામી ડિસેમ્બર-2019માં પૂર્ણ થવા જઇ રહી છે. 

મુખ્યમંત્રીએ આ સંદર્ભમાં આવનારા સમયના ઊદ્યોગો અને તેને આનુષાંગિક બાબતોનો સર્વગ્રાહી અભ્યાસ સમીક્ષા કરી તેને અનુરૂપ નવી ઊદ્યોગ નીતિ તૈયાર કરવાનો ઇન્ડસ્ટ્રીયલ ફ્રેન્ડલી અભિગમ અપનાવ્યો છે.

આ હેતુસર જુદી જુદી 10 જેટલી ટાસ્કફોર્સની રચનાને તેમણે મંજૂરી આપી છે. આ બધી ટાસ્કફોર્સ કમિટી વખતોવખત બેઠક યોજીને ત્રણ મહિનામાં રાજ્યના ઊદ્યોગ કમિશનરને ભલામણો મોકલી આપે તેવું પણ ઠરાવવામાં આવ્યું છે. 

રાજ્ય કક્ષાની ટાસ્કફોર્સ કમિટી મુખ્ય સચિવ ડૉ. જે. એન. સિંહના અધ્યક્ષપણા નીચે રચવામાં આવી છે તેમાં નાણાં, વન પર્યાવરણ, મહેસૂલના અધિક મુખ્ય સચિવઓ તથા અન્ય સભ્યોમાં ઉદ્યોગના અગ્ર સચિવ, વાણિજ્યીક વેરા કમિશનર, ઊદ્યોગ કમિશનર, ઊદ્યોગ વિભાગના સંયુકત સચિવ, નાયબ સચિવ અને ઓ.એસ.ડી.નો સમાવેશ કરવામાં આવ્યો છે.

આ ટાસ્કફોર્સના અન્ય બિનસરકારી સભ્યો તરીકે GCCIના પ્રમુખ, FICCIના ગુજરાત એકમના પ્રમુખ, CIIના ગુજરાત પ્રમુખ, એસોચેમના ગુજરાત પ્રમુખ તેમજ PDPUના ડાયરેકટર સી. ગોપાલક્રિષ્ણન, IIM અમદાવાદના પ્રોફેસર સબેસ્ટીયન મોરેશ, EDIના પ્રો. દિનેશ અવસ્થી અને કિરણ જોષી રહેશે. આ કમિટીના સભ્ય સચિવ તરીકે અધિક ઊદ્યોગ કમિશનર ફરજ બજાવશે.

રાજ્યકક્ષાની આ ટાસ્કફોર્સ સમિતિ ઊપરાંત ઊદ્યોગ કમિશનરના અધ્યક્ષપણામાં MSME સેકટર વિકાસ, થ્રસ્ટ સેકટર અને મોટા ઊદ્યોગોના વિકાસ માટે, માંદા એકમોના પૂન: સ્થાપન માટે, સ્ટાર્ટઅપ તેમજ ઇઝ ઓફ ડૂઇંગ બિઝનેસ માટે કમિટીઓ રચવામાં આવી છે. 

આ નવી ઊદ્યોગ નીતિ અંતર્ગત પર્યાવરણીય સુરક્ષા અને ઔદ્યોગિક પ્રદૂષણ નિયંત્રણ માટે વન-પર્યાવરણના અધિક મુખ્ય સચિવની અધ્યક્ષતામાં, ઔદ્યોગિક આંતરમાળખાકીય સુવિધા વિકાસ અને જમીન વિષયક બાબતો માટે જી.આઇ.ડી.સી.ના એમ.ડી.ની અધ્યક્ષતામાં, વેપાર વાણિજ્યક અને સેવા ક્ષેત્રના વિકાસ માટે સ્પેશ્યલ કમિશનર કોમર્શીયલ ટેક્ષના અધ્યક્ષપણામાં અને સ્કીલ અપગ્રેડેશન તથા ઊદ્યોગોને અનુરૂપ રોજગાર નિર્માણ માટે રોજગાર તાલીમ નિયામકના વડપણ નીચે ટાસ્કફોર્સ રચવામાં આવી છે.

આ બધી જ ટાસ્કફોર્સમાં ઊદ્યોગ-વેપાર જગત, યુવા સ્ટાર્ટઅપ તથા જે તે વિષય તજ્જ્ઞોની સેવાઓ મળી રહે તે માટે જે તે ક્ષેત્રના અગ્રણીઓની પણ બિનસરકારી સભ્યો તરીકે નિયુકિત કરવામાં આવી છે. મુખ્યમંત્રીએ આ નવી ઊદ્યોગ નીતિમાં સ્ટેક હોલ્ડર્સ એટલે કે લાભાર્થીઓના વિચારો-અનુભવો, સૂચનો મેળવવા પ્રો-પીપલ પ્રો-એકટીવ ટ્રાન્સપેરન્ટ ગવર્નન્સના ઉદાત્ત ભાવથી આ બધી ટાસ્કફોર્સની રચના કરવાની અભિનવ પહેલ કરી છે.

કાફે કોફી ડેના સિદ્વાર્થની લાશ મળતા CCDનાં શેરમાં ભારે કડાકો, 2800 કરોડ ડૂબી ગયા

સોમવાર રાતથી લાપતા થયેલા કાફે કોફી ડે(CCD)ના માલિક વીજી સિદ્વાર્થનો મૃતદેહ નેત્રાવતી નદીમાંથી મળી આવ્યો છે. 36 ક્લાક સુધી ચાલેલા સર્ચ ઓપરેશન દરમિયાન આજે સવારે દક્ષિણ કન્નડમાંથી વીજી સિદ્વાર્થની લાશ મળી આવી હતી. સિદ્વાર્થના લાપત બન્યા બાદ CCDના શેરોમાં 20 ટકા ઘટાડો થયો હતો. સિદ્વાર્થની શેરબજારમાં લિસ્ટેડ કંપની કોફી ડે એન્ટરપ્રાઈઝને મોટું નુકશાન થયું છે.

બુધવારે કોફી ડે એન્ટરપ્રાઈઝના શેર 123.25 રૂપિયા પર આવી પહોંચ્યા હતા. કંપનીના શેરમાં 52 વીક દરમિયાન સૌથી મોટો કડાકો બોલાયો હતો. મંગળવારે સિદ્વાર્થના લાપતા થવા પાછળ 194 રૂપિયાના શેરની કિંમત 154.05 રૂપિયા પર આવી ગઈ હતી.

બે દિવસમાં કોફી એન્ટરપ્રાઈઝના શેરમાં રોકાણ કરનાર રોકાણકારોના 2800 કરોડ કરતાં પણ વધારે રૂપિયા ડૂબી ગયા છે. માત્ર બે દિવસમાં જ માર્કેટ કેપમાં 2839 કરોડનો ઘટાડો નોંધાયો છે. સોમવારે કંપનીની માર્કેટ કેપ 5441.55 કરોડ રૂપિયા હતી , જે બુધવારે 2603.68 કરોડ પર આવી ગઈ હતી.

વીજી સિદ્વાર્થ કર્ણાટકના પૂર્વ મુખ્યમંત્રી અને વિદેશ મંત્રી એસએસ કૃષ્ણાના જમાઈ થાય છે. સિદ્વાર્થ 29મી જૂલાઈએ  મેંગ્લુરુ ગયા હતા અને રસ્તામાં નેત્રાવતી નદીમાં મોતનો ભૂસ્કો મારી દીધો હતો.

પાટીદાર યુવા નેતાને મોટી રાહત: સુરતમાં નહી પ્રવેશવાની શરત સાથે સરકારે અલ્પેશ કથિરીયાના જામીન મંજૂર કર્યા

પાટીદાર અનામત આંદોલન સમિતિના કન્વીનર અલ્પેશ કથીરિયાના અંતે જેલમુક્ત થશે. રાજદ્રોહ મામલે હાઈકોર્ટે અલ્પેશ કથીરિયાના જામીન મંજૂર કર્યા છે. હાઈકોર્ટે 6 મહિના સુધી સુરત જિલ્લામાં પ્રવેશ નહીં કરવાની શરતે જામીન આપ્યા છે. અગાઉ સુરત સેસન્સ કોર્ટે તેની જામીન અરજી ફગાવી હતી. બાદમાં કથીરિયાએ હાઈકોર્ટમાં અરજી કરી હતી.

18 ફેબ્રુઆરીએ તેની ધરપકડ થઈ હતી. અલ્પેશ રાજદ્રોહ કેસમાં અગાઉ જામીન પર છૂટ્યો હતો ત્યાર બાદ તેણે શરતભંગ કરીને પોલીસ સાથે ગેરવર્તણુક કરી હતી. ત્યારે પોલીસે તેના જામીન રદ કરવા અરજી કરી હતી. હવે તેને જામીન મળતાં તેના પરિવાર અને સમર્થકોમાં ખુશી ફેલાઈ છે..

વરસાદી પાણીના એટલા બધા ફાયદા છે કે વાંચીને તમે વરસાદમાં બસ ભીંજાતા જ રહેશો, અનેક રોગોમાં છે લાભકારક

વરસાદમાં પલળવાનું કેટલાકને ગમે છે તો કેટલાકને ગમતું નથી. જે લોકો વરસાદમાં પલળતા નથી તેઓ વરસાદના પાણીના ફાયદા મેળવવામાંથી વિમુખ થઈ જાય છે. કેટલાક તો ઘરમાંથી બહાર નીકળવાનું પણ ટાળે છે. યુવાનો માટે વરસાદ રોમાન્સની સિઝન પણ બની રહે છે.

એક અભ્યાસ પ્રમાણે વરસાદમાં ભીંજવું નુકશાનકારક નથી પણ એના અનેક ફાયદા છે. વરસાદના પાણીમાં નહાવું આરોગ્યની દ્રષ્ટિએ ફાયદેમંદ છે.

વરસાદનો સૌથી મોટો ફાયદો તો પ્રથમ ખેતીને છે. માત્ર ખેતીને જ નહીં પણ માણસના આરોગ્ય ઉપરાંત વાયુ, જળ પ્રદુષણને વરસાદનું પાણી દુર કરે છે. પ્રદુષિત હવાને ચોખ્ખી કરે છે. જેનાથી શ્વાસના રોગોમાં રાહત મળે છે.

વરસાદથી દરેક વસ્તુ પર નિખાર આવે છે. હવા શુદ્વ થઈ જાય છે. આવા હવામાનમાં ચાલવું અને ભીંજાવું સ્વાસ્થ્ય માટે લાભપ્રદ બની રહે છે. તાજા હવા શરીરમાં એક પ્રકારની શાતા પ્રસરાવે છે અને શરીરને હલકું-ફૂલકું બનાવી દે છે. શરીરમાં જામી પડેલા ચરબી સહિતના પદાર્થોમાં ઘટાડો કરે છે અને ત્વચા નિખરી જાય છે.

વરસાદના પાણીના કારણે ઉઠતી માટીની સોડમ હૃદય અને મગજને આરામ પહોંચાડે છે. તણાવ અને માનસિક તાણથી મૂક્ત થઈ જવામાં મદદરૂપ થાય છે. ઈન્ટરનેશનલ જર્નલ ઓફ સ્પોટ મેડિસીન સ્ટડી રિપોર્ટમાં જણાવ્યા પ્રમાણે વરસાદની સિઝનમાં ચાલવું એટલે કે વોકીંગ કરવું સામાન્ય દિવસોમાં કરાતા વોકીંગ કરતા વજનમાં વધારે ઘટાડો કરવામાં સહાયભૂત થાય છે. આ સિઝનમાં શરીર પરની વધારાની ચરબીમાં ઝડપથી ઘટાડો થાય છે અને વરસાદની સિઝન શરીરના વજનને ઘટાડવામાં મદદ કરે છે.

વરસાદમાં ભીંજવાથી ડિપ્રેશનમાંથી છૂટકારો મળે છે. વરસાદના કારણે માટીની સોડમ અને વરસાદની છાંટણાઓનો અવાજ એક નિરવ શાંતિ અર્પે છે. માણસની ધરબાયેલી ક્રિએટીવિટીને પણ વરસાદ બહાર લાવે છે. કવિઓ અને સાહિત્યકારો માટે વરસાદ એક સર્જનશીલ મોસમ છે.

વરસાદના પાણીના કારણે હેપેટાઈટીસ, કેન્સર, કાયમ રહેતી શરદી, પેટ અને આંતરડીઓના રોગ, સ્ત્રીઓના વિવિધ રોગોમાં ઉપકૃત છે. માણસ જે પ્રકારે વરસાદના પાણીનો ઉપયોગ કરે છે તે જ પ્રકારે તેનો ફાયદો પણ પહોંચે છે.

જો કોઈને પાખાનાની જગ્યાએ મસા થયા હોય તો એ માણસ વરસાદના પાણીને પીએ અને મસાવાળી જગ્યાને વરસાદના પાણીથી સાફ કરે તો એને નિયત પ્રમાણે રાહત મળે છે.

સુરતનો દિશાંત બધા સેમેસ્ટરમાં 10 માંથી 10 SPI સાથે GTU ગોલ્ડ મેડાલિસ્ટ બન્યો

સુરત સ્થિત તાપી ડિપ્લોમા  એન્જીનીયરીંગ કોલેજમાં કમ્પ્યુટર એન્જીનીયરીંગ વિદ્યાશાખામાં માં અભ્યાસ કરતાં દિશાંત લોડલીયા એ તમામ 6 સેમેસ્ટરમાં 10 માંથી 10 SPI મેળવીને કોલેજનું અને પોતાના પરિવારનું નામ રોશન કર્યું છે 

દિશાંત લોડલીયાએ બધા સેમેસ્ટરમાં 10 SPI ની સાથે 10 માંથી 10 CPI , 10 માંથી 10 CGPA અને  20 માંથી 20 STPI મેળવી GTU ની 33 વિદ્યાશાખાઓમાં પ્રથમ નંબરની સાથોસાથ ગોલ્ડ મેડાલિસ્ટ થયેલ છે 
વર્ષ 2016 માં એક અનોખા લક્ષ્ય સાથે દિશાંતે ડિપ્લોમા અભ્યાસક્રમમાં પ્રવેશ લીધો પ્રથમ સેમેસ્ટરમાં કોલેજના અધ્યાપકો અને સિનિયરોના માર્ગદર્શન હેઠળ સૌપ્રથમ વખત 10 SPI મેળવ્યા બાદ આત્મવિશ્વાસ વધ્યો. ત્યારબાદ પરિવાર અને કોલેજને ગૌરવ અપાવવાના લક્ષ્ય સાથે પદ્ધતિસરની મહેનત સાથે આ પરિણામ મેળવ્યું 

3 વર્ષ ના કોલેજકાળ દરમિયાન દિશાંતે અનેક શૈક્ષણિક અને સહઅભ્યાસી સિદ્ધિઓ મેળવેલ છે 
-Bhailalbhai and Bhikhabhai Institute of Technology (BBIT) વિદ્યાનગર ખાતે આયોજિત રાજ્ય કક્ષાના Hackathon-2019માં દ્વિતીય ક્રમાંક સાથે 10000/- નું રોકડ ઇનામ 
છેલ્લા વર્ષ દરમિયાન બનાવવામાં આવતા પ્રોજેક્ટની સિદ્ધિઓ :-Bhailalbhai and Bhikhabhai Institute of Technology (BBIT),વિદ્યાનગર ખાતે આયોજિત રાષ્ટ્રિય કક્ષાના પ્રોજેક્ટ પ્રેઝન્ટેશનમાં તૃતીય ક્રમાંક સાથે 7500/- નું રોકડ ઇનામ -કોલેજ કક્ષાએ પ્રથમ નંબર મેળવી 2000 નું રોકડ ઇનામ -InnovSeed Incubation LLP દ્વારા સરસાણા એક્ઝિબિશન સેન્ટર ખાતે આયોજિત રાષ્ટ્રિય કક્ષાના પ્રોજેક્ટ પ્રેઝેન્ટેશનમાં પસંદગી 

સહઅભ્યાસિક સિદ્ધિઓ :-કોલેજકાળના ત્રણેય વર્ષ દરમિયાન નવરાત્રિની સ્પર્ધામાં પ્રથમ નંબર -Short FIlm Making Competition માં બે વર્ષ સુધી પ્રથમ નંબર -Essay Competition માં દર વર્ષે કોલેજ કક્ષાએ અવ્વલ -જનરલ નોલેજ સ્પર્ધામાં અવ્વલ -Digital India ,Digital Gujarat અંતર્ગત ગાંધીનગર ખાતે પસંદગી -100થી વધુ પ્રમાણપત્રો -30 થી વધુ ટ્રોફી  -15 જેટલા મેડલ્સ